توني عروس وطلعت حامل .. الحمدلله .. لكن !!

انا مااقدر افيدك لاني مامريت بتجربت الزواج والحمل على طول

حملت بعد سنه وكم شهر والحمد لله هذا الثاني

بالعكس حبيبتي خبريهم علشان يفرحون ويساعدونك اذا كنتي تعبانه او شي لاسمح الله

واهم شي ارتاااحي ولاتبذلين مجهود

وخذي حمض الفوليك

والله يسهل حملك يارب

شوفي بالنسبة متى تعلمين اهله
الافضل علموا امه وقولوا ماودنا ان احد يدري خصوصا تونا معاريس

والوحم عندك حبوب نيفيدوكسين هذي بإذن الله تخفف الوحم

وتابعي المنتدى هنا وراح تتأقلمين على شوي شوي
والبنات ماراح يقصرون معك
حطي استفساراتك وهم يساعدونك

وقدامك كم شهر على الولادة
اهم شي حاولي ماتشين نفسك عند زوجك
لان معروف اول سنه هي المحك 

الله يكون بعونك

انااا كنت زيك...اناا من تزوجت على طوول حملت...طبعاا ما كاان على الباال..
بس تأقلمت مع الوضع..عاادي حبيبتي...قوولي لأهلك واهله بس...الين تدخلي الخاامس ..
وربي مجررد ماااتشووفينه في السونااار وتحسين بحركاااته مرره تتحمسن... وتحبينه
سبحاااااااان الله..

انا مريت بنفس حالت كنت ما ابغا احمل بدري ومرررررره معارضه الحمل بدري..بس الحمد الله حملت..فرحت وزعلت..شي غريب..بس كنت دايم اذكر نفسي بالناس الي تتمنى الحمل وتدفع الي وراها وقدامها عشان تحمل..واقول الحمد لله..
وكمان انا مو بنفس المدينه عند اهلي وهذا الشي تعبني شوي..
اول شي حببي زوجك بالحمل يعني مو تخربيناها وتجلسين تقولين يوووه حملت بدري..لا دايم قولي الحمد لله غيرنا يتمناها واحنا ربي رزقنا بالحمل من بدري ومن غير مانخطط ونتعب..
الوحام عادي روحي للدكتوره تصرفلك حبوب حقت الغثيان...وترى 3شهور وتعدي..وترى قد ماهذي الفتره تقرف وتغث..الا انها احسن فتره تتدلعي فيها على زوجك..يعني مافحالك تطبخين تدلعي وخلي امك ترسلك اكلك او من المطعم..انا توحمت عالمطاعم ريحت زوجي منها خخخخخخ
اذا اشتهيت شي قولي النونو مشتهي الشي الفلاني جيبه عشان لايزعل وتطلع فيه وحمه..خلي زوجك معاك بكل شي..لاتكرهينه بالحمل حببيه فيه بما انه كان رافض فكرة الحمل بالبدايه..
خليك دايم متحمسه متى تشوفين ضناكم عشان يتحمس معاك..
دلعي نفسك للأخر لان لساتك عرووس..يعني الدلع والحركات لاتبطلينها..ممكن تجيك فترات تحسين مالك خلق لشي بس حاولي ماتبين عشان لايطفش
لاتفكرين بالمسؤوليه وتضيعين وقتك فيها...امهاتنا جابونا بعمر 14 و15 سنه والحمد لله..ربونا وكبرونا واهتمو فينا..المسأله مي صعبه زي ما انتي مفكره..كله يجي بوقته..
الولاده لاتفكرين فيها ابد ابد ابد...
بجيبلك مثال..
ابسط شي..قبل لاتتزوجين كنت اكيد تاخفين من ليلة الدخله وكيف بتصير وكنت حتى ماتتخيلين الي بيصير..شوفي نفسك اللحين كيف...........!!
عادي عدت وتضحكين على نفسك كمان..
كمان مع الوقت راح تحسين بحملك..وراح تحسين بطفلك وراح تحبينه..انا كنت بالبدايه عادي..حتى كنت ما اقول انا حامل..اقول يقولون اني حامل..لاني ماني حاسه..واللحين طاقه ابغا اولد واشوف ضناي بحضني لدرجة وانا لحالي بس افكر واتخيل كيف بيكون شكل البيبي...واضحك على نفسي كيف كنت زعلانه اول ماحملت...
الخيره في ماختارها الله..وربي ماكتبلك الحمل الا لانه خير لك..يمكن لو ماحملتي راح تتعب نفسيتك وراح تسمعين من الكلام الي يسم البدن..
استغفر الله مجتمعنا مايرحم ..من يوم ماتتزوج الوحده بعد كم شهر يبدون يسألون حملت او لا..
انا لاني حملت بدري ماقلت الا لامي وخواتي وام زوجي بسسسسسسسسس...وقلنالهم مانبغا احد يدري لان لسا بدري الواحد مايدري ربي يتمم او لا..
وبالعكس لما تشوفين الي حولك يدلعونك وربي وناسه...لا تتضايقين لا من شكلك ولا من اي شي..وقد ماتقدرين حببي زوجك بالحمل وحمسيه وخليه يتشوق للبيبي..
انا اللحين ما انزل السوق الا مع زوجي واخليه ينقي ملابس النونو عشان يحس فيه من اللحين..
والحياه تمشي عااادي لاتفكرين ان الزواج صعب ولازم اتأقلم على حياتي اول بعدين افكر بالحمل..وربي كلها تمشي اهم شي ان زوجك طيب معاك وحبوب ويحبك وتحبينه..والخلافات ببداية الزواج عادي اسأليني عنها خخخخخخخخخ
طفشت زوجي انا من اول شوي حساسه..وتزوجت وحملت بسرعه ماشاء الله..والحمل يخليك تتحسسين من اي شي..يعني لاتستغربين من نفسك لو زوجك مزح معاك وجلستي تبكين...فتره وتعدي وربي وبتضحكين على نفسك..انا اللحين يوم اتذكر بداية حملي كيف..اقول الحمد لله لقيت الي يتحملني..
كل يوم عندي حصة بكاء....خخخخخخخخ زوجي كذا مسميها..
اقري عن الحمل كثير وراح تفهمين كل شي وكمان عشان تقدرين تتأقلمين مع تغير الهرمونات الي عندك..
آآآآآآآآآآه تعبت وانا اكتب..
عالعموم اي سؤال انا حاضره بس عالخاص لاني مو دايم ارجع لردودي..
وموفقه يارب والله يتمملك حملك يارب ويسعدك مع زوجك..
ادعيلي بتسهيل الولاده..