شوفي ياعزيزتي الحياة الزوجيه مثل الحبل اذا كل واحد من الزوجين يشدها من طرف انقطعت
واذا واحد يشد والثاني يرخي بقت العلاقه صامده
الطلاق مو حل
وبعدين اكثر الازواج بالسنه الاولى يكونو مو متفاهمين لان كل واحد مايعرف طبع الثاني بعدين يتأقلمون مع بعض
صدقيني مع الاياام كل شي راح يتغير
والرجال بطبعهم الكبرياء مايبي يحس انه ضعيف ومشكلتهم يمارسون قوتهم غلط
انتي حاولي تكسبينه بالكلمه الحلوه وصدقيني بجي على كيفك الرجال مايجيبه الا الكلام المعسول
لاتنتظرين منه رومنسيه انتي عطيع وعطيه لين هو يتعلم منك وبعدين انتي اللي راح ترتاحين
اتصلي عليه وقولي انا احبك ومشتاقه لك وماصبر على فراققك وتعال خذني لبيتنا
اضغطي على نفسك شوي لانك بالطريقه هذي انتي اللي كسبانه بالنهايه
ولاتعاتبينه كثير لان الرجال مايحبو العتااب ويطفشون من كثر العتاب والكلام
حتى الاغراض وقولي له ياعمري متى مافضيت جب لي كذا وكذا
لانك يمكن تكوني طلبتي منه بوقت معصب ولا تعبانه
انتي اختاري الوقت اللي رايق فيه وكلميه باللي تبين
وبعدين للمعلوميه الدخان هو اللي يخلي الواحد عصبي مررررررره
والحمدالله انه يصلي وانتي ابدي شوي شوي انصيحه
قولي له بطريقه حلوه ان الدخان يضر الجنين اللي بطني
ويمكن بكره لمت يشوف طفله بحضنه يتغير كل شي
اصبري كل الحريم صبرو على رجاااااال اشد من رجاالك وعاشو الحمدالله
عمر الطلاق ماكان حل بكره لو اطلقتي لسمح الله اخذ طفلك منك وانتي اللي خسرااانه
انا متزوجه لي ثمان سنوات وعارفه ان بداية الزواج تكون مشاكل كثيره وصعب التفاهم
بكره كل شي باذن الله يتغير
مالك الا الصبر وادعي ربك انه يسخر لك
وزي ماقلت لك خليك حكيمه واكسبيه بالكلام الحلوه كل رجال له مفتاح وله نقطة ظعف حاولي تعرفينها وتدخلين له من عندهاااااا
والله يوفقك بينكم

أين الأهل يا ناس ، أين العدل يا خلق ، أين القضاة وأين الحقوق وأين الرحمة ، من لا يرحم لا يرحمه الله ، من لا يرحم هذه الأخت ويساعدها ، فلن تنزل رحمة الله على أحد ،...ويسألون لماذا لا تمطر ؟؟؟؟؟
أختي سأقول لك كما قيل لك لا جديد .......اصبري ولك الجنة ...

لا ياقلبي اجلسي عند اهلك لحد ماتولدين ولاترجعين له لين يطلب منك هو ترجعين له
اذا كان يبغاك بيترجاك عشان ترجعين له واذا بايع بيعي انتي بعد اهم ماعليك كرامتك

والاهم
الاستخارة الاستخارة الاستخارة

وأهلك وينهم عن هذا كله !!!

تكلمي مع امك وابوك في الموضوع واشرحي لهم الوضع وخذي برأيهم .

ياقلبي انتي شوي قلبي مشكلتك مشكله بس صدقيني فيه ناس اشد منك مشاكل
اول شي ادعي ربك في سجودك ان كان فيه خير لك تنصلحون والا كان فيه شر يبعده عنك وكثري استغفار في اليوم لايقل عن 3 الاف والدعاء بين الاذان والاقامه ماتدرين يمكن لو مافيه خير ربي يطيح الولد مو قصدي انك انتي تطيحينه يعني يصير شي تسقطينه
واهم شي قلبي واعيد واكرر الاستغفاااااار من مجرررررررررررررررررب والله مابديت اعيش حياتي لما بديت استغفار والله ان تحسين بااطمنان وسعاده لايحس بها الملوك وكل المصايب الي تمر فيك والله تمر مرووك الكرام مو مثل اول كنت تجيني مصايب وحالتي وصلت لاانهيااااار بس مع الاستغفااااار سبحان الله ولاكان شي صااااااااار
اسفه طولت بس قلتك الحل واحسن الحلول
ربي افرج هم اختى في هذا اليوم المبارك وردها الى زوجها ان كان فيه خير لهاا ردا جميلا يارب العالمين