كيف حالكم اخواتيـ ..؟ بصراحه في اشياء كثيره و بعضها كبيره
شايلتها بخاطري من زوجي ، حتى الانسانه اللي افضفض لها مستغربه من زوج زيهه .. !!:09:
اول شي ابي اعرفه كيف اقدر اطلب منه فلوس او افهمه اني من مسؤليته ؟ اقل شي فاتورة جوالي اللي يسددونها اهلي ؟
يعني لين متى انا بظل اخذ من اهلي و الله استحيت من كثر ما اقول يبه اعطني ولا يمه سلفيني
الحمدلله ، الله يخليهم لي و يحفظهم بس ماهم دايمين لي و زوجي بيصير بينا عشره و عيال شلون بالمستقبل .. ؟؟
اقل شي ما سألني من وين جبتي فلوس الملابس اللي عليك و لا الهديا اللي جبتهم له ليلة العيد
وكل هديه مكلفتني 2000 ريال وهو ما طق لي بال وقال لي انه ما اعجبته .. ؟
انا عارفه ان ذا غلط بس شلون اتصرف معاه ..؟
غير كذا زوجي ماهو رومنسي ابــــــد ولا يعرف الجو الشاعري ولا يدل دربه
لما رحت شهر العسل معاه اللي كان بصل كان فيه ناس اقاربه هناك
والله انه بنص المده قفلت باب الحمام ( الله يكرمكم ) و جلست ابكي وهو مايدري
وشو شهر العسل هذا الجماعي نفطر مع بزارين و كبسات و امهات كبار و نتمشى حريم لحالنا
و رجال لحالهم .. ليه انا تاركه اهلي ومسافره بعيد .. ماغير اعرفه و يعرفني و يصف جونا !!
كلمته قلت له مايصير كذا و انه مايصلح وين جو المتزوجين والرومنسيه .. رد علي قال مابيدي شي!!:icon33:
في وحده من اخواته قالت في حقي كلمه كبيره والله مسبه و في بيتي و تحت ظيافتي ، حشمتها مو لسواد عيونها لا .. لاني شايله اسم ابوي بس
ومشيتها لها بس وبعدين ليه كذا .. اقول له ولا لاء ...؟ شلون فيهم تعبت اسمع و ارمي في البحر
شي ثاني بعد سؤال < ياكثرها اسألتها *_^
عيب لما الزوجه تبي تلقى من زوجها كلمات شوق .. ؟ ولا احساس انها لها وحشه أو معزة وغلا
هو اغلبه وقته برى البيت يعني ولا وجبه اكلنها سوا لنا فتره ..
والله اني احلم اكون في قلبه حبيبته ودلوعته يعني كذا مابي شي غير حب حلال راقي هذا عيب ولا حرام ولا غلط .. !!!!!!!
كذا الزواج ؟؟!!
انه الوحده تجلس في بيت رجال لحالها تنتظره يرجع متعشي و شبعان ويبي ينام
واهلها يصرفون عليها و هو بس يلبي رغباته و رغبتي تنحذف بعرض الجدار ؟؟
واهل زوج ياكلوني بقشوري من الملقوفه الين اللي حاطه دوبها دوبي
حتى لما اهديهم ما اسمع كلمة شكراً وانا قصدي اتقرب كأني خدامه ولا شريته من فلوسهم
ماشوف في السالفه اي سعادهـ !! ولا انا حالة شاذه ؟؟
حاولي تصارحينه مافي احسن من الصراحه
اطلبي فلوس بطريقه حلوة...
وتحاشي الناس اللي ماترتاحين لهم
الله يوفقك