توني متملكه..بس حاسه بضيق ..ياليت تنصحوني

.....
اول شي الف مبروك ان شالله..
ومنك المال ومنه العيال ان شالله...
ثاني شي مشكلتك بسيييييييطه...
يمكن خطيبك لأنه مرتبك علشان كذا يكرر الكلام..مافيها شي..
وانتي توك تتعرفين عليه..اصبري شوي يمكن هذي مو شخصيته الطبيعيه..
يمكن يكون كذا في البدايه وبس..
لا تتعبين نفسك بالتفكير وتخلينه زي الهم في قلبك..
والله يوفقكم...
^^
.....

غاليتي عادي الموضوع

اهو يشوف هالموضوع مو مهم عشان كذا يجاريك بالكلام ويحسسك انه معك بالجو هذي النقطه نعاني منها نحن اغلب المتزوجات تحسي زوجك بوادي وانتي بوادي


او يمكن انتم مثلنا المكالمات بين الخطيبين توها صاريه جديده في مجتمعنا القبلي >>فهمتي علي ؟؟؟


يعني اخواتكم واهلكم الكبار ماكان بينهم مكالمات فقط صارت في السنين الاخيره

بقولك لو كذا اعذريه لانه مو متعود على الاخذ والعطاء وحنا يالحريم سهل علينا الاندماج والتأقلم في هذه لامور

عكس الرجال وعادي اهم شي شخصيته واخلاقه وطريقته بتتعدل بعد الزواج صدقيني راح يكون لك غير عن حاله الحين

مو شرط عشانه مرتبك..
عادي انا زوجي يكرر الكلام يمكن يحس اني ماافهم لدرجة احس مرات ودي انفجر خلاص ..او يمكن عشان يقلب الكلام هو براسه..مدري ليش بالضبط..!
لكن الحين صرت اذا كرر الكلام بكم صيغه اقاطعه مع احترامي وحبي له لكن خلاص ابدا اسولف..
بس تدرين وش تسوين لاتفكرين كثير لان الشي الي تفكرين به وتركزين عليه تصيرين تلاحظينه كثير..
تغاضي وحاولي ماتنتبهين..
والرجال غالبا ماعندهم سواليف عشان كذا اذا لقى سالفة يمكن ينبسط ويعيدها وانتي الحين مستحيه وساكته
بكرا لما تتعودون على بعض ماراح يكون فيه مجال يكرر لانك انتي بتسولفين ان شاء الله..
وعلى فكرة احلى شي اذا كان الرجال زي الطفل معك انتي بس وببعض الاوقات مو دايم..
يعني وقت الجد رجال لكن قلبه قلب الطفل..

الله يوفقك ويسخر لك يارب العالمين..

الف مبررروك ياقلبي

شوفي يمكن يكون مرتبك في بدايه

ولنفرض مثلا لو هالصفه فيه تعودي عليه وابحثي عن الاشياء الثانيه الحلووه فيه
الله يوفقك...

الله يوفقك والف الف مبروك