بقولك رايي من غير زعل اوكي

بالبدايه انتي اللي عودتيه انك تصرفين على نفسك وع البيت والمفروض انه هو يصرف مااقول اسحبي ع البيت ولا تدفعين شي من جيبك لا القصد انه هو يصرف ع البيت وانتي مجرد تساعدينه وراس مالها فلوس

الشي الثاني الحمدالله وماشاء الله ان زوجك يداريك ويحبك ومايبي زعلك وهالشي طيب وكويس ومساله اهله الله يعينهم لو تتفقين معه انه يعطيهم مصروف ثابت كل شهر , مااعرف كم راتبه بس لو ربع راتبه اهم شي مايزيد عن 4000 ريال والباقي للبيت لانه لازم يلتفت شوي لبيته مو دايم بيت اهله حتى لو زوجته عندها راتب وبنعمه

وارجع اقولك الحمدالله انه كويس معك وهالشي انتي معترفه فيه

الله يسعدكم ويخليكم لبعض وطمنينا عليك

up

معليش اختي بس بلاش انانية

انتي موظفة وشي طبيعي جدا بيكون لك دورفي الصرف على البيت لو زوجك اموره تمام وحالتكم مستقره معليه حطي راتبك بجيبك لكن كذا انتم توكم في بداية حياتكم لازم تتعاونون الى ان تستقر اموركم

بعدين مشكلتك مع زوجك مو في 800 اخته

مشكلتكم في المصروف وهذي يبيلها تفاهم وروقان وحلوا الموضوع بهدوء وما اظن 800 ريال بتاثر على الميزانية خصوصا انها موعلى خرابيط على دراسة

لكن انك تزعلين لانه يعطي اخته 800 كل شهر فهذي كبيرة كبيرة بصراحة هذي اخته ويتيمه ومن حقها عليه يدرسها ويلبسها ويعيشها انتي تقولين كنت عايشة ومدلعة في بيت اهلي وهي عشان ابوها متوفي مو من حقها تعيش ؟؟؟ و حبيت اقول لك ترى هذا مو اسمه استغلال هذي امه واخته وعارفينه من قبل ما يعرفك وعايش بينهم قبل ما يعيش معك وماكلينه ومشربينه ومكبرينه

والمفروض تشجعينه وتفخرين فيه مو تزعلين وعلى ايش على 800 ريال كل شهر

اللي ربي مدحهم بالقرآن سبحانه بأنهم يؤثرون على انفسهم ولو كان بهم خصاصة عشان يعطون الغريب

تستكثرين من زوجك الطيب الحنون حسب كلامك انه يساعد أهله بمبلغ بسيط

يمكن هالحنان والحب والطيبة اللي يعاملك بها ثواب هالخير ودفعة بلا عنكم

انت بنفسك قلتي انك ماعليك واهلك مرتاحين..وتدرين لو كان معه ماراح يقصر
ولأن هذي أولويات مهيب شي ثانوي زي سلسال يشتريه لبنتك !

وهو بالنهايه مااخذ شي من راتبك..ولو قلتي عطهم من راتبك واحتسبتيها ادخال سرور على قلب مسلم تراه اعظم لاجرك..

الأقربون أولى بالمعروف وانت عارفه ان هذا وضعهم قبل تتزوجينه وهيأتي نفسك لهالشي
بدليل ان ابوك يساعدك ومتكفل بالشغاله..

دامك رضيتي بالوضع من البدايه لاتستكثرين على اهله هالشي..

وماتقدموا لأنفسكم من خير تجدوه عند الله..

غمضي عينك وتخيلي انك حرمه كبيره وارمله وهاليتامى اللي لهم رغبات بمبلغ زهيد
وعندهم ولد هو سندهم من لهم غيره بعد ربي؟

والباقين على كلامك حالهم لله..

سألتي أنت غلطانه

:) إيه أنت غلطانه

وانا متأكده ان قلبك كبير وماراح تخلين موقف زي هذا يصغرك بعين زوجك

الله يوفقك وييسر امرك

اللي فيه خير لأهله في خير لك ولبنتك ,, مدام زوجك طيب وحبيب على قولك لاتخسرينه

أعتبري الـ800 عمل خير لأخته اليتيميه ,, بلعكس أنا لو مكانك أفرح ,,

ويرزقكم من حيث لاتحتسبون ..