حطي مكانج في مكان اخته !! دام تكدين على روحج ومنتي محتاجة والحمد لله ليش مناشبتها على ال 800 ؟ لو انج محتاجة جدا ومولاقية تاكلين انتي وبنتج او محتاجين علاج لا سمح الله جان قلنا اوكيه انتوو اولى من مصاريف دراسة اخته لكن انتي منتي بعازة و ترى هل 800 ماتسوى يختي اعتبريها صدقة تدفع عنكم البلا .. شفيكم ياعالم تغيرتوووووووووو ولا عاد بقلوبكم رحمة ... هلمسكينة اخته تنرحم يعني اذا تزوج الاخ خلاااص كف ايده عن اهله ؟؟ ولا امتلكته زوجته؟؟ يضلوون اهله هم اهله ومسؤوول عنهم ومكفول فيهم .... يعني تبينها تطر من الغريب وعندها اخوها ؟؟ ولا تتعرف على واحد يصرف عليها ........

والاهم من كل هذا ان زوجج وبشهادتج طيب ويراعيج ويحبج ليش تعسرين معاه ؟ لاتسوين معاه مشاكل عشان صرفه على أهله ....... ماينلام نام زعلان لانج قاعدة تمنعينه من مساعدة أهله مع العلم انج مو بحاجة بينما أهله ناس على قد حالهم وبحاجة هذا اللي يشوفه منج !! واذا على سالفة انج تدفعين مصاريف للبيت حبيبتي الزوج الطيب الشهم المحترم الخلوق اللي يحبني ومراعيني اشريه بمال الدنيا مافيها شي ليساعدتي زوجج وحطيتي معاه انتي ماتقطين في الشارع تقطين على بيتج وعيالج .... وعلى فكرة كل الحريم من الجنسيات العربية ( ويمكن حتى الغربية ) على نفس الموال يعني هي وياه يشتغلون واثنينهم يحطون كل معاشهم على البيت وعلى مصاريف العيال مادري شمعنا احنا يا الخليجيات اذا حطينا ودفعنا قعدنا نتمنن على ازواجنا ماتسوى على الرجال بصراحة تحسين احنا يا الخليجيات فاهمين الزواج غلط !! مو اهو زوجج وحبيبج ؟؟ لو مو كفو جان اقول اوكيه حرام احط فلس واحد واغصبه يدفع ويدبر بس دام الرجال سنع وخلوق وشاريني والله يستاهل مو بس كل مالي وحلالي الا عيوني المركبة له ... لاتضيعين زوجج من ايدج عشان فلووووس ... شيليه وعينيه هذا حبيبج زوجج عينيه مو تعينين الدنيا عليه !! انتظريه يخلص ديونه وبعدين حددوا ميزانية ثابتة لمقاضي البيت ولمصاريف العيال

تذكرت وحدة تصيرلي ... هي مسجلة بالجامعة وطلبت من اخوها سلف تدفع عشان مايسحبون منها المواد ومالها غير اخوها لانه ابوها رجل على قد حاله ولاعنده الا الي يوكل عايلته الكبيرة .. المووهيم مرت اخووها فقعت يوم سمعت الاخت تطلب من اخوها الفلوس وجان تقول احنا علينا أقساط وعندنا التزامات ومصاريف تذكر يابوفلان الشغلة اللي وعدتني فيها ترى ماقدر انتظر لازم هلشهر ندفع لها ....... عقب هلكلام البايخ من زوجة اخوها وهلكلام قدام اهله كلهم .. كاو في الصالة .. المهووهيم عقب هلكلام اخته قالت الله مغنيني ماني بحاجة انا ادبر روحي ...... تخيلي بعد هلكلام باسبوع كان يصادف القرقيعان .... ولااا نتفاجأ ان الست هانم زوجة اخوها مسوية بوفيه وعزيمة صغيرة وشارية لبس قرقيعان لعيالها وشارية قرقيعان بحجم كبير وشكله غاااالي توزعه على المعازيم !!! ولابسة دراعة وقاعدة تتشيحط بأن دراعتها هاذي توها شاريتها من المصممة أنسام الخلف وانها كلفتها 250 دينار كويتي !!!!!!!! هاذي المصاريف المستعجلة يا هانم ؟؟ والله انا يوم شفت جذي انقهرت .. اجل شلون اخته ؟؟ وسبحان الله البنت الحين متوظفة ومعاشها ممتاز 860 دينار تقريبا قولو ما شاء الله والحين كل شوي زوجة اخوها ترسل زوجها لاخته تقوله تسلف من اختك اختك ماهي متزوجة ومعاشها قوي واحنا محتاجين !! شوفو شلون وجهها مغسول بمرق !! والاخت ياعيني ماترد لاخوها طلب !! حتى بعد عمايله معاهم وتقصيره معاهم وكله من تحت راس زوجته !!!

أختي الحبيبة السلام عليكي ورحمة الله وبركاتة
أحب أن أبدي لك رأيي المتواضع
حاولي في وقت صفاء بينك وبينه إنك تقولي له أن ن مسؤولية الرجل أن يصرف علي بيتة وأهله في حدود طاقتة وقولي له أن يستقطع جزء ثابت من راتبة وليكن مثلا ألف ريال أو مايشابه للتكفل بمصاريف البيت وإن إحتجتي أنت شيء ذائد عن هذا المقدار فهناك راتبك بارك الله لك فيه
والشيء الآخر أنك تقفي بجانبه لمساعدة أسرته ولا تشعريه بالتعالي عليه وعليك أختي الحبيبة بإحتساب الأجر ولا تنسي أن كل عمل أبن آدم له إن أصابته سراء فشكر فكان خيرا له وإن أصابته ضراء فصبر فكان خير له أو كما قال الرسول صلي الله عليه وسلم
وحافظي أختاه الحبيبة علي زوجك فهو أغلي عندك من مال الدنيا ما دام أنه يتقي الله فيك
هذا رأيي والله يبارك لك في زوجك ويهدي سركما

طيب انتي هاللحين اتركي الموضوع يهدأ ومع بداية الشهر اكتبي ليسته طلبات البيت وعطيها له خليه يجيبها..واكتبي طلبات البنت من حفاظات وحليب وشامبو وبودرة واي شغلة تحتاجها..وخليها يجيبها..
لاتضغطين عليه مرة واحدة شوي شوي خليه يتعود على المصاريف..وانتي حاولي تدخلين جزء من راتبك في صندوق استثماري علشان مايعتمد عليك بالصرف..
وممكن لو حسيتي انه معاه فلوس تكفي انك تطلعين معه تختارون ملابس للبنت وخليه هو يحاسب..لاتاخذين معك فلوس..او يشتري لها ذهب..
المهم لاتسوين كذا الا اذا معه فلوس لاتزنقينه وتضغطين عليه..لان هالشئ ممكن يأثر على علاقتكم..والله يسهل امركم..

فيه ناس يردون ردود مثاليه بزياده

ومستحيل لو ان الوحده تمر بنفس هالظروف تسوي نفس اللي قاعده تكتبه









حبيبتي هو ملزوم يصرف عليك انتي وعيالك

وش اللي انتي تصرفين

والشغاله ابوك جايبها

و

و

و



ليش ماتدخلين جمعيه كل شهر او تستثمرينها

وتجمعين جزء من فلوسك

وتخلينه يحس بالمسئوليه تجاهكم

على الاقل يكون الربع عيك و3 ارباع عليه



اهله على العين والراس وماقلنا لايعطيهم

لكن مثل ماهم لهم حق

انتي وبنتك لكم حق





الواحد بيصبر يوم يومين شهر شهرين سنه سنتين

لكن بيقعد طول العمر معتمد عليك !!!!

شوفي حبيبتي الحق حق وماينزعل منة
زوجك معاه حق
وبعدين تذكري اني هذي اختة
حطي نفسك مكانها وتخيلي وضعها لا شغله ولا مشغلة (حرام )
بصرااحة شكلك غايرة من اختة
وهذا شي طبيعي بس تذكري الى مافية خير لاهلة مافية خير لكي
وتذكري ان الله سبحانة راح يعوضك على صبرك واعانتك لزوجك
انا ما اقول انك ملزومة بس بما انتي وافقت تشتغلي لازم تساعدية
احنا دايم نقول هذا واجب الرجل بس ما نتذكر ان حتى احنا علينا واجبات ما نقوم فيها
اولها البيت
راجعي نفسك والله يهدي خاطرك
امانة لاتزعلي مني
ترى انا كان وضعي زيك
بس لما حسبتها بعقلي رايحت روحي من المشاكل مع زوجي اهم شي ان زوجك طيب هذا اكبر
نعمة
واذا مشكلتة انة يصرف على اهلة اجل لو كان راعي خربيط ايش كان سويتي
اسي الموضوع واشغلي روحك بعملك وبنتك

ودمتي