توهقت وشريت اله للتريكو وصاحبتها سحبت علي .. ساعدوني 😢

انا شريت من وحده اله تريكو كبيره يدويه ومعاها طاولتها وشريتها من حساب بالسناب للاثاث المستعمل
انا من زمان ادور لي اله للتريكو او الكروشيه تسهل علي الشغل وانجز بسرعه لكن للاسف الاله شكلها اكثر من خمس سنين وصاحبتها تقول لها ثلاث سنين ومغبره ومعششه من داخل
قلت اوكي ماهي مشكله انضفها وازيتها بس مو هنا المشكله الاله كبيره واغراضها وكتولجاتها كثااااااار انحاس راسي مدري وشلون استعملها والي باعتها علي مامعها سي دي بس كاتلوجات كثيره وكاتولج التعليم الي تبع الاله صفحاته الاولى مقطعه يعني بدايه التركيب وكذا
ارسلت ع صاحبتها وقلت لها الاله صعبه ماعرفت لها وقالت انتي مثلي اول ماشريتها وراح تتعلمين عليها ( يعني مثل الي تقول افهميها بنفسك )
وبعد اسبوع ارسلت عليها حملي الايمو عشان تعلميني عليها لان ع كلامها انها انتجت منها شغلات كثيييره ملابس شتويه وقالت ابشري بس الحين عندي ضيوف اذا راحو
وبعدها بفتره ارسلت متى تفضين وتعلميني واعتذرت والله عندي ضيوف وعندي دوامي ابد مافضيت وانا مانسيتك وقلت يلا المره ماتحك راسها من الشغل والزحمه الحين يابنات صار المكينه عندي شهرين وبتدخل الثالث وللحين ع وضعها وزاحمتني وانا شاريتها منها ب٢٥٠٠ وعلى كلامها انها شرتها ب١٠٠٠٠ ريال
الحين ارسلت عليها قلت اللَّه يرضى عليك طالت المده وانتي تعذرين ياتعلميني يا ارجعها لك طلقت لسانها علي وقالت والله يوم شريتها ماقلت لهم تعالو علموني تعلمت بجهدي وووكلام كثير
صراحه انا محتاجه الفلوس وثاني شي حسيت بالخساره والفشل لاني كنت متأمله بالمكينه عشان ابدا فيها مشروعي الحين مدري وش اسوي بحثت باليوتيوب لقيت تعلم بالانجليزي ونصه كنه ايطالي والمشكله مركبه وخالصه والخيط فيها يعني التعليم الي باليوتيوب تعلم كيف بس تحيك فيها
وش اسوي احس توهقت فيها هل في حل اطالب فيها عند جهه معينه او اتحمل غلطي وخسارتي 😭😭💔💔