ملآمح زعامة :

اجل انا محرومة عشان حسدي؟!!!!!!!!!!!!! بالله من حسدت؟!! خافي ربك الله صحيح حارمني من نعمة العيال لكني صابرة والله مايضيع صبري لكن المال الحمد لله ماانكر نعمة ربي لكن وش فايدة ماااااااااال ربع الشهر قاضي بين مستشفيات وعلاجات وياليته رخيصه والله ان الابرة الوحده ب350 ..والكشفيات والعمليات قصمت ضهورنا ..لكن ماانتم حاسين بمعاناتنا خلونا نتكلم خلونا نطالب بحقوقنا ..انا راتب زوجي فوق ال12 الف بس تدرين ان الايجار ياخذ والبنك ياخذ وعلاجاتي تاخذ وعملياتي تاخذ ومصاريف البيت والكهرب والجوال و..و.. مابي اتفاول على احد لكن يااختي حسي وارحمي ترى من لايرحم لايرحم .. اشك ان عمرك دخلتي مستوصف او مستشفى اهلي ..الله لايوريك مكروه ولايوري اخواتي في الله.. فماله داعي تتكلمين وانتي ماتعرفين احوالنا حنا نتكلم عن انفسنا خلاص اتركينا بحالنا لاتدخلين وتتهميننا بالجحود حرام عليك..

اجل انا محرومة عشان حسدي؟!!!!!!!!!!!!! بالله من حسدت؟!! خافي ربك الله صحيح حارمني من نعمة العيال...

طبعي الطيب :

سبحان الله الناس سارت تدور اسباب عشان تنتقد الدوله وتطلع فيها عيوب وكل هذا وراه ايدي خفيه حاقده تبغى تزعزع امن البلد وتثور المواطن على ولاة الامور 00وللاسف الكل مستمع ومطيع لهم وناسين شي مهم ان الارزاق بيد الرزاق وموزع الارزاق 00لو يكثرو الاستغفاركان جاهم رزقهم وفوقه اكثر الى عندهم بدون مطالبه ادري يمكن كثير مايعجبهم كلامي ويقولو المعيشه صعبه وكل شي غالي والحياه صارت صعبه طيب انا عايشه بينكم وعارفه بكل الاوضاع لكن احمد الله على كل شي وللعلم الحاله الماديه متوسطه ولاني موظفه وزوجي يكرف ليل نهار عشان يوفر لنا مانحتاج لكن اقول اللهم لك الحمد والشكر انا احسن من غيري وبلدي احسن من بلدان كثير ووولاة الامر الله يديمهم ويحفظهم شوفو البلدان الثانيه كيف صايره كيف القتل والفقر والاعتداءات والعذاب الي هما عايشين فيه اللهم احفظ على بلادنا الامن والامان وارزقنا انت خير الرازقين 000

سبحان الله الناس سارت تدور اسباب عشان تنتقد الدوله وتطلع فيها عيوب وكل هذا وراه ايدي خفيه حاقده...