توي جايه من اهل زوجي ومقهووووووووووووووررررررررره

السلام عليكم حبيباتي..........اليوم اجتماع اهل زوجي المهم رحت عندهم وهات يا قهوة وحلى وهات ياشاهي وانا طبعي اني سنعه عندهم ولا امدح نفسي لكن هذا بشهادتهم الزبده لما خلصنا من القهوه قمت وبديت اشيل الصينية وباقي الحلا للمطبخ علما انه فية اربع شغالات تقريبا المهم قامت اخت زوجي وهي اصغر مني بشوي بس توها ماتزوجت وتقولي خليهم انا اشيلهم قلت لها لا عادي نشيل مع بعض عاد هي ماقصرت قامت وشالت معي بسسسس اللي قهرني هو انه لما قاموا الحريم يجهزون العشاء حق الرجال وانا من عادتي اساعدهم ودخلنا المطبخ إلاتسلط ولدي ويبيني اغير ملابسه لان حضرته ما اعجبته ملابسه رحت انا وولدي لغرفه بعيده عن المطبخ شوي وقمت اغير له بس طولت شوي معه لانه عنيد وراسه يابس الله يصلحه ولما رجعت للمطبخ لقيتهم حطوا عشاء الرجال وحطوا عشاء الحريم بعد وتقولي مرت عم زوجي يلا يا أم الحلوين تفضلي على العشاء قلت انا واخزياه حطيتوا عشاء الحريم وانا ما ساعدتكم المعذرة انشغلت مع ولدي شوي وانا اكلمها الا وادخلت علينا اخت زوجي وهي تقول (((ايه هييين بس ايه هييين بس يقال لك مستحيه هييين))))) هي تقولها بطريقه يعني كأنها تمزح وهو مزح برزح انا صراااااحة ألجمت وسكت وعجزت ارد عليها بس اقهرتني والله العظيم وحسيت بضعف مع العلم اني محترمه معهم ولا قد جرحتهم ولا عمري جيتهم وايدي فاضيه المهم تعشينا وهي تسولف معي وانا ارد عليها بس باين على وجهي اني متضايقه وحسيت انها حست بس ما قالت شى..................وش رايكم احس اني ضعيفه مع العلم اني الحمدلله عندي سرعة بديهه بس ما ادري وش يجيني بمثل هالمواقف اعجز ارد واقهر نفسي بنفسي وبعدين انسى الموضوع ولا كأنه صار شي