ظلع @thlaa

محررة برونزية

توي متعرفه على وحده متعقده وتحب تعقد غيرها

مراحب
انا توي متعرفه على وحده في العمل صار لي متعرفه عليها تقريبا 3 اشهر المهم صارت تكلمني وتراسلني واكثر سوالفنا عن العمل هي متزوجه وعندها عيال اكبرهم في اول متوسط المهم ها الادميه كل مره تمسكني مع اليد الي تعورني اقولكم كيف كل مره لازم تجيب طاري العمر الثلاثين الثلاثين تو نسولف عن البشره ردت قالت المفروض الحرمه بعد الثلاثين تهتم ببشرتها وشكلها لانها خلاص بدت بتجاعيد وشكلها يبان عليه الكبر في السن ووووو
والمره الثانيه كنا نسولف عن وحده في شريط بدايه قالت يمكن الي كاتبه الموضوع وحده طايح حظها عمرها 30 او فوق
ودايم تردد التنوره هذي ما تصلح لام الثلاثين خلاص كبرت ولا عن الرياضه والحميه والتقويم قالت ما يصلح لام الثلاثين خلاص
انا احسها كنها تطعني بسكين اذا قالت كذا الي يشوفها يقول ان ام الثلاثين دخلت سن الياس المشكله انها عارفه عمري وعارفه اني غير متزوجه والله قهرتني الله يقهر العدو بغيت اقولها انت تكبيرين الامور هاذاني وصلت لها العمر والحمد لله ما تجعد وجهي ولا تغير وعندي صورتي من قبل 8 سنوات ما تغيرت ولا شي ماشاء الله تبارك الله ودائم اشوف بنات في الثلاثين كنهم في الطعشات خلقه من ربي لاسوو عمليات تجميل ولا بالغو في الاهتمام والعكس اشوف بنات عندنا في المركز انصدم اذا دريت انهم اعمارهم صغار اشكالهم كنها في 35
فاذا كنت انت معقده ومحطمه نفسك او عندك زوج يعايرك فا اضن هذي مشكلتك لا تعممين :mad:المشكله انها اول ما تعرفت عليها سئلتني في اي مرحله دراسيه قلت متخرجه من الجامعه وعرفت اني من زمان متخرجه وعرفت عمري يعني بصدفه ولا انا ما احب اصرح عمري لاحد هي طارت عيونها وضحكت وصرخت قالت مو معقول والله اني احسبك في الثانوي يعني شافتي نموذج قدامه اذا ليش التحطيم

يلزم عليك تسجيل الدخول أولًا لكتابة تعليق.

تسجيل دخول

I'm Ruby • 13 سنة

نصيحه هالاشكال زاوجي من وراها الا الغثا والمرض خل تولي بس

أأحلام • 13 سنة

وليش تمشين مع وحدة أكبر منك
أو متزوجة
المفروض
ما تمشين مع أي وحدة ظروفها ما تناسب ظروفك

اللي يقعد مع العجايز تصير عجوز
اللي تقعدة مع البنات تصير بنت

وش حادك على العجز

زائرة • 13 سنة

خلك صريحه معها قولي لاتجيب طاري العمر والا شوفي غيري سولفي معه

ظلع • 13 سنة

احلام هههههههههههههههه
ياحليلك ضحكتيني وانا موجوعه انتي تقولين وشهوله تمشين مع وحده اكبر منك انا اتوقع انها زي سني او اكبر بسنه او سنتين بلكثير

العروسه4 • 13 سنة

ماذبحنا غير كثر الدق اعوذ بالله منهم بس صرت ادعي عليهم بس ربي سبحانه ياخذلي حقي منهم الله يشغلهم بانفسهم موهذا الموت الموت لجكي دق من اهلك الحمد لله ع كل حال اشكوى لله وحده