الحمدلله ماعندي مفاتيح برا وحمامي فيه زرافيل فووووق زي الطيبين
الله لايحطنا بموقفك وسلامتك انت وابنك ....😢

صارت معي الله لايعيدها . بنتي قفلت علي لما كانت صغيره وابوها كان طالع يمكن له عشر دقايق المهم قمت اناديها مافيها امل تفتح الباب جالسه برا ناديت صرخت محد يسمعني يوم فقدت الامل قعدت ابكي هي هنا خافت وقامت تصيح عاد ماشاء الله لاصاحت تقوم الحي 😁، ومن رحمه ربي ان ابوها كان راح لاهله وجلس عندهم شوي ولما جاء بيركب السياره سمع صوتها تبكي ورجع يوم فتح عني وانا دايخه من البكى هههه اشوى الي ماسكني جني 💀 وانا منرزعه بدوره المياه 😂. من بعدها تبت ادخل الحمام بجوالي وباب المطبخ مقفول والمفاتيح مرفوعه وفعلا اول ماطرى في بالي هي خفت عليها تفتح الغاز تختنق وتموت ولا تمسك الكهرب

حمدلله ع سلامتك انا ياكثر بنتي ماسوت اكشن وعمرها سنتين كانت أختها نايمه عمرها 5شهور وانا صحيت بسرعه واصلي ونسيت المفتاح ورحت اركب الغدا ودخلت الغرفه البنت وقفلت وهي تعرف تفتح بس هي طلعت المفتاح ولعبت بالملابس وضاع المفتاح جاى أبوها وحاول يكسر القفل ماقدر واتصل ع دفاع المدني وبناتي كانوا يبكون داخل خافوا وانا اصيح معاهم وقصص كثيره لو اكتب ماخلصت بس صرت انتبه واشيلها ومره ولدي أخذ المفتاح من جنبي حق المطبخ ولا انتبهت ولمبات مطفيه ماسمعت إلا تقفيل واقوله افتح افتح وهو طلع المفتاح وطاح ولايشوفه وارمي عليه من تحت الجوال ويضوي و رجع لي الجوال ودخل المفتاح وانا افتح افتح واخر شي رماها من تحت عاد انا ابكي لأن زوجي حاط مسامير أعلق فيها ماعندي عذر

الحمدلله على سلامتك يوووه الله يعينك كذا مره صار لي موقفّ مع اعيالي الله يكفينا الشر مثل ماقالوا البنات شيلي المفاتيح كلها عن الابواب

الحمد لله على سلامتك ...
خليه درس لك ..على طول طلعي المفاتيح من الابواب وباب الحمام حطي زرفال .. عشان ما يتكرر الموقف .. ربي نجاك الحمد لله ..

انا احس بضيق اذا تقفل المكان علي ...


اتذكر زمان اخوي عمرة 4 سنوات قفل على نفسة باب الغرفة ومعد عرف يفتح الباب وو وجلس يبكي راح ابوي جاب عامل و كسر الباب جلس وقت طويل وهو يكسر في الباب ..واول ما طلع صفقة ابوي كف ..يتذكرة لين الحين ما نساة..الحين اخوي رجال كبير بس ما نسى الكف 😁