السلام عليكم ورحمة الله وبركاته
ايه رايك مع ربنا تفتحى صفحه جديده وتكونى انسانه سعيده
ازيكم يا بنات ايه اخباركم يارب تكونوا كويسين دايما وبخير
الموضوع ده زى موسوعه كده فى كل حاجه ممكن نحتاجها او نعملها او نقولها فى ايامنا احنا كبنات مسلمين
اتمنى منكم تكونوا معايا وتشجعونى
(كلمه بنوته دى اقصد بيها كل انسه وكل متزوجه عشان محدش يزعل منى
بصو بقى ياقمرات
مين مننا مش عايزة ربنا حبيبها يكون راضي عنها دايما؟؟
اكيد كلللللللنا بنحلم ان ربنا يحبنا ويرضى عننا علطول وميزعلش مننا ابدا
واكيد بنقعد نقول طب ازاي نوصل لكده واحنا بنعمل ذنوووووب؟
باذن الله هنعرف مع بعض ازاي نوصل لكده
الجروب دا هيبقى هدفه الاول والاخير باذن الله الوصول لارضاء الله
وبالتالي لما نوصله عمرنا ما هنتعب في حياتنا
وبالتالي هنكون دايما ان شاء الله بالنا مرتاح ووشنا منور وقلوبنا فرحانه وراضيه
يااااااااااااااااااه ع الاحساس دا مين فيكم جربه؟
اكيد كلنا عشناه في فترة من عمرنا بس ضاع تاني الا قليل
عارفه لو وصلتي لحب ربنا هيحصلك ايه؟
1-هتحسي دايما برضا عن نفسك حتى لو غلطتي هتستغفري وهترجعيله بسرعه
2-مفيش دعوة هتدعيها الا وربنا هيحققهالك باذنه ومن قبل ما تطلبي كمان
3-ربنا هيسخرلك الناس دي كلها لراحتك يعني مش هيخليكي محتاجه اي حاجه من حد
4- ربنا مش هيخليكي تشوفي ولا تسمعي ولا تعملي الا كل حاجه ربنا بيحبها
دا غير بقى النور ايلي هيبقى على وشك
وغير ان ربنا هيحبب كل خلقه فيكي
وغير راحه بالك ايلي مش عارفين نوصلها والسعاده ايلي هتكون ف قلبك حتى في وقت الضيق
وحاجات كتييييييييييييييييير مش هيكفي اننا نتكلم فيها
وحاجات اكتر في الاخرة
مين يابنات عايز يبقى كده...يوصل لرضا وحب ربنا؟
الموضوع مش صعب بالعكس سهل جداااااااااااااااا
بس اجتهدوا
هنبدأ من الصفر خطوه خطوة
هنقول لحياتنا وعلاقتنا بربنا
نقطــــــــــــــــــــــــــة ومن اول الســــــــــــــــــطر.
يعني انسي كل ايلي فات حلو او وحش
يلا بينا نشجع بعض ونبدأ صفحه جديده مع ربنا نوصل بيها لحبه ورضاه
ونوصل كمان للجنه باذن الله
البروجرام هيبقى كالتالي:
كل يومين او 3 ايام على حسب يعني(هيتحدد في كل محاضرةباذن الله ) هنزل محاضرة جديده
عن عبادة محدده وهكلمكم عنها
انا مش هألف من عندي
لا
هجيب على كلامي دليل من القرءان او السنه النبوية باذن الله
وهحدد في اخر المحاضرة واااااااااجب نعمله وانااولكم هعمله باذن الله
الاسلوب دا هيشجعك ويشجعني اننا نستمر باذن الله ونزيد العبادات واحده واحده لحد مانوصل باذن الله لاعلى درجه
متخافوش انا مش هتقل عليكم بالعكس هنبدا خطوة خطوة من الصفررر
بس يلا انا كمان محتاجه تشجيع منكم بصراحه
مين هيبدأ معايا ويشترك في الجروب؟ وعلى فكرة الدعوة عااااامة انا لو عليا عايزة كل المنتدى يشترك علشان الثواب يعم
الواجب بقى من اولها كده وانتو سخنين:
التقييم للموضوع بالله عليكم معلش بس عشان يتثبت وميتوهش منكم وتنسوه( التقييم ممتاز مش كده ) انا عارفه انكم مش هتكسفونى
2-على ما الموضوع يتثبت ان شاء الله احفظوه عندكم في المفضله او(favorite
عشان تلاقوه علطول بسهوله باذن الله
3- مطلوب من كل بنوته منكم تعرفنا بنفسها وتكتبلنا هدفها ايلي عايزة توصله عموما سواء للدنيا او الاخره
4-لو ليكي اصدقاء هنا في المنتدى او حتى معرفه سطحية كده ابعتلهم الموضوع دا عشان تاخدي ثوابهم وهما كمان يستفادو وياخدو ثواب بالله عليكم عايزة تشجيعكم
والله حتى لو لقيت بنوته واحده بس عادي هنبدأ سوا انا وهي وهيبقى تشجيع برده
متنسوش الموضوع دا هيبقى صدقه جاريه ليكم وهيبقى شاهد لكم يوم القيامه
مين عالم يمكن يكون سبب في دخونا الجنه باذن الله
والله العظيم طاعه ربنا حلوه اوى وانك تحسى انه بيحبك ومعاكى فى كل وقت احسان جميل اتمنى نعيشه كلنا يارب
بالله عليكم لا تنسوا الدعاء لسوريا ولمصرنا الغاليه
يارب يارب فرج كربهم يارب وانصرهم وانصر كل المستضعفين فى الارض عاجلا يارب لا اجلا
وانتقم يارب من بشار الجزار يارب ارنا فيه ايه يارب وهو وانصاره وكل طاغيه ظالم يارب عاجلا يارب لا اجلا يارب انهم لا يعجزونك
يارب ولى امور مصر خيارها ولا تولى امور مصر شرارها واحفظها يارب من كل سوء وسائر بلاد المسلمين يارب
بالله عليكم ادعوا لابى بالرحمه والمغفره ولامى بالشفاء العاجل
لا تنسوا ان دعوه المسلم لاخيه المسلم بظهلر الغيب مستجابه باذن الله
مستنياكم يا قمرات
هذا وبالله التوفيق
سبحانك اللهم وبحمدك اشهد ان لا اله الا انت استغفرك واتوب اليك
بحبكم فى الله واتمنى تعتبرونى اختك فى الله
فى امان الله ياقمرات
يلزم عليك تسجيل الدخول أولًا لكتابة تعليق.
عزه العمري
•
جزاك الله خير
جزاك الله خيرجزاك الله خير
واياكى يا قمرايه ربنا يبارك فيكى يارب ويحققلك كل الى بتتمنيه واتمنى تشرفينا وتنورينا بوجودك دايما
بارك الله فيك نحن معاك باذن اللهبارك الله فيك نحن معاك باذن الله
وفيكى بارك المولى يا قمر ربنا يباركلك يارب
وبجد مبسوطه قوى انك هتبقى معايا وتشجعينى
وبجد مبسوطه قوى انك هتبقى معايا وتشجعينى
الصفحة الأخيرة