تكفييييييييييييين نزليها اللحين والله تحمسسسسسسسسسسستتكفييييييييييييين نزليها اللحين والله تحمسسسسسسسسسسست
والله تؤمري امري يالغلا بس اني اكتب وانزل على طول وخلاص نعسست مو قادرة اكمل اليوم اكمل وانزلها بالليل بئذن الله بس كيف ان شاء الله تمام القصه مافي انتقادات؟
الصفحة الأخيرة
انا بقولكم :
اوراقنا طبق الاصل من ورقة عمر حتى الاسم ..! ايه الاسم !
عمر من قو ماهو دافور كاتبن اسمه بأخر الورقة بالانجليزي واصلا اخر سؤال كان مسألة وزووود حماسنا كتبنا اسم عمر واسم ابوه وجده .
نحسبه من طقه h2o هههههه
انجلدنا وانفضحنا على مستوى المدرسة وبعد الجلد واضحك الطلاب علينا رحنا للمدير وهااااتك ياتهزيء وشرشحة
واخرها قال بندق على اولياء اموركم :
انا وسلمان قاطين بولي امر واحد عمي سعد ابو سلمان هههه ابوي دااايما بأندونيسيا يتطمن على الرعية هناك وابو سليمان على انه ماله الا اسبوعين متزوج الرابعه قلت لالالالا ذا جارنا وبيهزئ المدير يقال ظلمونا
المهم اتصلوا على عم سعد صووت اللي موطايق نفسه وله صراااخ ولجلجه احنا ننتظر انا والمسبك اللي بجنبي ان المدير يعتذرلنا الا لمن حط على السبيكر واحنا نقوم نبولع رررريقنا :
عم سعد ضحى بنا هههه قال المدير تكلم ياعم سعد :
اقول ياولدي لكم اللحم ولي العظم هالتسلاب الغشاشين وان رجعوا البيت ابي امسوط بهم بالخيزرانه اللي مايستحون على دمهم .
خلص منا المدير وقال لفهد :عطني رقم ولي امرك !
فهد ابتسم ابتسامة مستحيل انساها وغيمة حزن بعيونه :مافي يااستاذ .
المدير : كيف مافي ؟مالك ابو اخو عم ؟
فهد : لا يااستاذ مالي .
المدير وطلع المسطرة : انا موفاضي لثقالة دمك تكلم .
فهد منزل راسه : ابوي متوفي هو وامي وانا الولد الوحيدو ساكن مع خالتي وزوجها .
المدير ارتبك : خلاص لاتعيدوها وروحوا على فصلكم .
اول مرة اعرف ان فهد يتيم بس غريبة هو دايم يسولف ابوي وامي اخواني وقتها كان في تساؤلات كثيرة
تدور براسي وصممت اعرف كنت متأكد ان الولد يشيل بصدره اكثر مما يبين ..
بيوم من الايام جت الفرصة انا وهو كنا بجماعة الادب والشعر بحكم اننا مالقينا جماعة تقبل فينا وباقي الشله كانوا بجماعة الاجتماعيات .
سألته : فهيدون ابسالك بس لاتزعل .
فهد: سم اسال ؟
*: دايما تسولف عن امك وابوك وكيف تفاولت عليهم عند المدير انهم ميتين لهم طولة العمر .!
فهد: وانا اخوك هذي الحقيقة وعمري 9سنين كنا رايحين عمره بالطريق صدمنا بجمل وتوفوا عمي رفض اني اسكن معاهم وربتني خالتي الله يحفضها هي وزوجها تخيل بعمرهم ماحسسوني اني مو بولدهم لكن بالصدر ضيييقة كل ماتذكر امي وابوي وهم ينزفوووون تصدق امي كانت ماااسكة يدي وتنتفض تبكي وتشااااهق ...توصي ابوي علي وابوي مايرد اخر مرة بحياتي شفتها وهي تبكي تقول وصيتك فهد يامحمد سبحان الله كان عمري 9سنوات لكن مستحيل انسى هالمنظر والقهر اشتاااقلهم ومالي حيلة الا الدعاء وازور قبورهم ..!
*:الله يعين وانا اخوك الحمدلله على ماتقول خالتك وزوجها مومقصرين والا امك وابوك جعل ربي يرحمهم ويغفرلهم .
وقتها حسيييت بغصة تعابيروجهه لها الف معنى ومعنى ومع الايام صرنا اقرااااب من بعض حيييل .
اكثر من اخوان .
عدت السنة على خير والحمدلله نجحنا انا وفهد بالددددف هههه وعمر وسلمان الخونه نجحوا بمعدل لاباس فيه .
طبعا وانا مغمض دخلت ادبي وفهد غصب عن خشمه دخلوه ادبي لان حلم حياته العلمي بس نسبته الدافور 77%
وسلوم وعميران ادخلوا علمي ههههه دواااافير كنا نلتقي بالاجازة يوميا ويوم من الايام قررنا نروح عمره وشيخنا الشيخ عمرانوه مابقلكم بالتفصيل وش صار بس تخيلوا انه سعى فينا 14 وطاف 7المفهي ههههههههههههههههههه حاسبها ان روحة ورجعه تعتبر سعيه وحده يومها اغمى على خوينا فهد الدددددب اخر كلمة سمعناها منه اللهم اخسف بعمر ==مطلعها من قلبه الدعوة هههههه يمكن وصفي مايصورلكم الموقف لكن من اكثر المواقف اللي ضحكتني بحياتي .
بدت 2 ثانوي على خير ابرز المواقف اللي اتذكرها مباراة افرقة المدرسة :
طبعا كان فصلنا الحارس حقه فهود وانا مهاجم وسلمان مدافع بفريق فصله هو والكبتن عمور انا وسلوم كنا متهاوشين هو وعدني يفطرني جار الفقر واثريه ناسي فلوسه وانا ماجبت مصروف وانا طبعي حار وهو بارد فتناقرنا.
بماان سلوم مدافع فياااكثر الكور والشوتات اللي تصيبة ويومها كان جاي موجه الرياضه للمدرسة وطلعونا بالملعب والمباراة بين فريق سلوم وفريق ثاني كشخوا بلبس الرياضة الا شوي يطلع سلوم نظارة البحر والاستاذ يحاول فيه وسلوم الاهبل مسسسسكت معه الا يلبسها ويحاولون ويجي المدير يحاول وسلوم معيي انه خايف من الضربات المهم وينادون فهود ويترجاااه ويحاول فيه عمر والمدير ويحلف ماراح يشلحها الفاغر الا لمن اجي اترجاه طبعا على مييييين لو يوصل راسه السقف ماجيته ويحاول فينا المدير مرة يترجا ومرة يتوووعد ههههه لعبنا بحسبته المهم لمن صمم المدير كأني لنت والاهبل راسه والف سيف رافض الا يلبسها واجيه وانا نفسي بطرررف خشمي واخذه على جنب:
انت يازفت روح اشلح الزفت لا ااكلك زفت .
وانا اتكلم وانا معصب وهو يتريق على طريقة كلامي:angry2: .
عصبت بزياااده : بتشلحها غصب عنك فاهم .
سلمان : اتكلم بأدب وقول لو سمحت =ههههههه اذا عصب يمسك معه خط الاخلاق =
المهم اااااخرررر شي تضاربت انا وهو وكالعادة انجلدنا وبعد ماانجلدنا كأننا لنى وتسامحنا :22:..
امممم اعذروني حبايبي هالقدر يكفي انتظروني بأقرب وقت بنزل البقية ...:26: