ثاني مره تسويها كيف اتصرف معها

السلام عليكم ورحمة الله وبركاته
بناتي جو من المدرسة وهم بالاصل معاهم مفتاح
بيفتحون الباب ماينفتح رنو الجرس انتبهت مع انه كنت نايمه لقيت الباب مزرفل بالمزلاج يعني مايقدرون يفتحونه من برى الا اذا فتحت المزلاج طبعا اللي مسويه كذا العامله وهذي ثاني مره تسويها المره الاولى سوتها يوم كنا كلنا طالعين كلنااا ورجعنا بنفتح الباب وماانفتح ونرن الجرس ماتفتح كان بالليل وهي بسطح نايمه ماتسمع الجرس واضطر زوجي ينط من فوق الجدار عشان يفتح المزلاج وطلعت لها اهاوشها قالت اووه مدام سوري كنت امسح الأبواب وبالغلط قفلته مشيناها لكن هذي المره الثانيه والحمدالله كنت جوى البيت وفتحت لهم الحل معها ومره بعد طلعت مشوار المغرب لقيتها مسويه نفس الحركة على الأبواب الحوش الداخليه بالمزلاج مقفلتها وطقيت الباب وفتحت اشوى ماكانت نايمه عاد والله لو كانت نايمه والله نقضيها جلسه بالحوش للصبح وش بيسمعها الصوت وهي بالسطح
الحل اخواتي اكيد وارد تعيدها لازم اشيل المزلاج شلون افكه وحركتها هذي غريبه عناد ولا ايش بالضبط حتى زوجي تنرفز مره راجع بالليل لقاها نفس الشي مقفلته بالمزلاج الحوش محلوله ننط وانتهت السالفه لكن أبواب الحوش والله لو تقفلها نقضيها نوم بالحوش
تخيلو ورب الكعبه صرت اخذ مفتاح الباب حق مدخل المجلس عشان لو قفلت باب حوش الصاله اقدر ادخل من المجلس صرت اخذ احتياطي شي مو معقول ومتعب صراحه لازم حل اخواتي جد تعبت اذا طلعت من بيتي على أعصابي مدري بيفتح الباب ولا مزرفلته بالمزلاج هذي ظروري حل هذي ثاني مره بناتي يرجعون من المدرسة يلقونه مقفل بالمزلاج هذي غير المرات السابقه اللي تسويها وانا موجوده بالبيت او طالعه واضطر ارن الجرس ودايم اهاوشها واوبخها وتتعدل شهرين وترجع تقفله شي مو معقول صراحه