لهفة أمل @lhf_aml

عضوة جديدة

ثاني مشاركة برياني بحريني أصلي

السلام عليكم ورحمة الله

اولا احب اشكر كل الا رد علي بموضوعي السابق لانه كان بنسبة لي دافع عشان انزل هالطبق الجديد

طبعا الكل يحب البرياني وبكل انواعة وانا شفت طرق كثيرة لعمل بس انا اتبع الطريقة التقليدية وان شاء الله

في اقرب وقت راح انزل البرياني الهندي بأسهل طريقة بأذن الله

وطبعا هذه طريقتنا التقليدية المتعارفه للحصول على النكهه الاصلية للبرياني طبعا يستوي باللحم والربيان والسمج بعد

في ناس تضيف مكسرات الا هي تتكون من الزبيب والنخي ماهو العادي القريب من العدس والكازو تقدرون تبحثون عنه بقوقل طبعا الا يرغب باالمكسرات يقليها مع البصل ويحطها فوق العيش باخر اللمسات وراح اشرح وين بالضبط

ملاحظة : ليست كل الخطوات مصوره فلذا الرجاء الانتباة للشرح

نسمي بسم الله ونبدي

المقادير:

1 بصلة متوسطة الحجم مقطعه شرائح طولية

3 فصوص ثوم مبشور+ملعقةصغيرة بودرة زنجبيل (نخليهم مع بعض)

2 حبة بطاطس متوسطه الحجم مقطعة مستطيل

نص حبة فلفل رومي كبير او حبه فلفل رومي صغير

نص دجاجة منزوعة الجلد

ربع كاس ماءورد مخلوط بماءعادي وعليه زعفران ولون طعام اصفر

رشة لون طعام احمر

2 بيض مسلوق

البهارات (ملعقة كبيرة بهارات مشكله+2 ملعقة كبيرة ملح او حسب الرغبة+ملعقة صغيرة محسن نكهه+ملعقة صغيرة كاري+ملعقة صغيرة بهار تندوري (أختياري )+ملعقة صغيره خلطة الماجي (اختياري)+ملعقة صغيرة ليمون اسود او نص حسب الرغبة +نص ملعقة بصل ابيض بودره+ملعقة صغيرة كركم+ملعقة صغيرة كزبرة انا نسيت احطها)
بهارات صحيحة (فلفل اسود +مسمار (قرنفل)+ هيل +دارسين+ورق غار+كمون)

كوبين ارز منقوع (بسمتي افضل )

تابل (كزبرة ) للتزيين

الطريقة:

1- نشوح البهارات الصحيحة بزيت ونصب ماي ونحط فيه الدجاج(وهذا سر عشان يبان نكهه اللبهارات بالمرق)

ونضيف محسن النكهه والملح ومثل ماقلت الملح حسب الرغبة

ونتركه تقريبا 25 دقيقة الى نصف ساعة الين يلين الدجاج تماما

2- بهذه الاثناء نقلي البطاطس ونرفعه على ورق الزيت وثم نقلي البصل الين يذبل مايتغير لونه نظيف الفلفل الرومي ونشوح فيهم الين يتغير لونه (تحملي تضيفي الثوم لاحقين عليه)

3- طبعا بهالاثناء الدجاج استوى ناخذه ونقليه قلي خفيف جدا نشممه على مايقولون وبنفس الوقت ناخذ الارز المنقوع ونظيفه لمرق الدجاج ونخليه يطبخ وهو على نار عالية طبعا ونشخل الارز وهو قريب من الاستواء تماما

4_الحين جينا للغمنده على قولت اهلنا الكويتيين هههه الثوم طبعا باقي زيت وايد شسوين فيه خذيه وكبيه وخلي شووويه بس يكفي انج تشوحين فيه الثوم والزنجبيل مايشوح بس غرقيه بالزيت وصبي عليه الدياي والبهارات وشويه ماي يعني ربع كوب جذي وقلبي فيهم وطبعا خذي شويه بصل من الحمسه وخليه على جنب وباقي الحمسه خذيها وجبيها على الدجاج واخلطي مع بعض

5_الحين بعد ماستوى العيش حطي شوي منه بقاع القدر وصبي الخلطه مالت الدجاج فوقه كامل وخلي بهارات الا بالمقلى بنستخدمها

6- بعدها حطي البطاطس والبيض وغطي الخلطه بالارز مره ثانيه وخلي شويه عيش على جنب مقدرا كف اليد

7_ الحين العيش الا خليتيه على جنب (تذكرين المقلى مو فيها بهارات حق قلاي الدجاج خذيها واخلطيها مع الارز الا رفعتيه ) والطريقة مبينه اشلون وخليه فوق العيش الباقي

8- الحين نجي للجد الصورة الرابعة توضح كل شي خذي خلطة ماء الورد المنقوع بالزعفران ومخفف بالماء والمخلوط بالون الطعام الاصفر ورشيه بشكل حلقة على العيش بالقدر

9-بعدين خذي لون الطعام الاحمر وحطي بنقط بسيطه ومتوزعة بس لا تكثرين قليل فقط وخمس رشات كحد اقصى

10_ انثري عليه البصل المقلي الا رفعناه على جنب والكزبرة