مشكورة يا basoma
و basmalaa
وعلى فكرة بنات بس بغيت أقولكم هالمفرش مب لكتكوتي
هذا هدية بعطيه ان شاء الله لزوجة أخوي وهي والدة من أسبوع وجابت ولد أما أنا حامل ببنوته يعني مفرش بنوتي شغل أكثر ودلع أكثر
الصفحة الأخيرة
لمسات المدينة
غلا
تسنيم
عبق الرحيل
سوسن يونس
أحلى اماراتية
بسمة أمل
ليلى
غلا الشمال
نسيم الحدائق
best 4 ever
adel 5000
أحب العراق ( شوفي حبيبتي ما في أسهل من كده بحاول أشرح لج وتفهمين ان شاء الله تقصين الرسمة مثلا اللي تبغين تلصقينها على قطعة القماش مثلا رسمة الدبدوب اللي قاصتنها
وبعدين على المفرش اللي أنا مسوتنه قبل ما أخيطه طبعا كامل ألصقه بورقة مثل الشفاف نحنا نسميها فازلين لكن نوعه فازلين دبل يعني يلصق من الجهتين فوق وتحت ويكون ناعم وشفاف أقصها بنفس قصة الدبدوب وبعدين أحطها على القماش مثلا الأبيض السادة وأحط فوقها الدبدوب وبالمكواه الحارة أكوي ولزيادة اللصق أقلب القطعة وأكويها من وراء مرة ثانية بس ديري بالج يوم تكوين من قدام مرة وحدة بس أو بالبخار من فوق حتى ما تتوصخ القطعة باللصق أوكي وبعد ما تلصق أخيط حولي الدبدوب حتى ما تطلع الخيوط أو شكلها يكون أرتب بالخياطة الزجزاج تكون في الماكينة موجودة أخيطه الدبدوب كامل حوليها وشوفي شكله كيف حلو ومرتب ان شاء الله تكوني فهمتي يا عمري بس اصبري لما أسوي مفرش جديد براويكم الطريقة بالتفصيل وبذكر هالشي ياحلوه )
ليالي الصيف حبيبتي اذا تبغين تتعلمين خياطة وحابه هالشي وما قدرتي مثلا تسيرين معهد أو أحد يعلمج أول شي تسوينه تشترين ماكينة وبعدين شوفي انتي شو تحبين تخيطين تدربي مثلا دخلي على المنتديات ومنتدى حواء ما عليه كلام وشوفي البنات اللي مسويه قميص ولا تنورة ولا غيره وطريقتها وغير في طريقة مثلا عندج فستان أو قميص حاولي تقلدينه وبتتعلمين
كيف تقلدينه تفتحين الخياطة وتقصين القماش عليه كأنه باترون وتردين تخيطينه مرة ثانية وبها الطريقة بتتعلمين
بصراحة أنا ما في أحد علمني طريقة المفرش والمخدات ومال علبة الكلينكس كنت أفحص المفرش والمخدات وغيره كيف خياطته وقلت خله أجرب وبالفعل جربت ونجحت بالتجربة وأول تجربة بحطيها ان شاء الله بصراحة أحلى من ثاني تجربة لأنه فيها شغل أكثر