مرحبا عزيزاتي كيف أحوالكم إن شاءالله بخيير وسعادة من الله
موضوعي فيه شغلتين من أجتهاداتي إن شاءالله تنفعكم زي ما أنتفعت منكم
الشغلة الأولى
كنت قبل فترة كاتبة موضوع أسأل عن بديل الدريل عشان أبي أثبت الحامل بجدار المطبخ
بس كنت خايفة أنه يكسر علي البلاط لأني مركبة سيراميك على سيراميك ثاني
ونفس الوقت زوجي المصون كل يوم طيب وإن شاءالله عشان يجيب اي عامل يركبه وياليييل ماطولك
المهم مالقيت الجواب الشافي الا وحدة قالت أنه فيه تعليقات في ساكو قوية لشغلات الثقيلة
بس ما أقتنعت بها لكن قلت أروح لساكو لأن دايم يكون عنده شغلات جديدة للبيت وحلول سريعة
وفعلا رحت ,, وأنا ادور وأقلب بين البضاعة وماخليت قسم مالفيته ادور شي ينفع في تركيب هالحامل بدون استخدام الدريل
الين طاحت عيني على هذا الشي :confused:
هو شي قديم معروف عصارين تجي مع بعض تخلطيهم بمقدار متساوي وتلحمين فيها الحديد المكسور
او الشغلة اللي تحتاج تلزيق قوي
خذيته قلت أجربه ماني خسرانه
وفعلا خلطتهم وحطيتهم عالحامل وثبته بالجدر ولزقت عليه شطرطون ع بال ماينشف
وخلال ساعة ويمكن اقل الحامل ثااابت عالجدار كأنه مثبت بمسمار
وهذي زي برضو قديمة كنت مستخدمتها أيام شقتي وقلت أجرب ألزقها وفعلا تثبتت تماام
وتحمست أني أجيب حامل ثاني لأن فيه مكان يحتاج أحط فيه واحد :smile:
شرايكم في أكتشافي الخطير يااحبي لي :biggrin2:
والشغلة الثانية هي عن غسالة المواعين
شريتها من فترة قريبة وماشي معاي تمام الحمدلله بس لاحظت أنه فيها ريحة زي رحة الرطوبة أو موية البحر
مادري ايش بالضيط مع أني منظفة الصفاية وأساسا مافيها اي تجمع للأكل يسبب هالريحة
وكل مرة أدور الفواحة الخاصة فيها ماألاقيها أو أنسى أدورها
المهم خطرت على بالي أني أبخرها بالمستك لأنه أعرف أنه لثلاجات يسحب الريحة ويعطرها
وفعلا ولعت الفحم وحطيته داخل الغسالة وحطيت المستك وسكرت عليه تقريبا عشر دقايق أو أكثر
لين حسيت أن الغسالة تشبعت بالريحة
وبصراحة كانت الفكرة خطييرة كل ما أفتح الغسالة بعد الغسيل تفوح ريحة المستك مع الحرارة
حتى المواعين صارت رحتها حلوة
ولي تقريبا اسبوع خفت ريحت المستك بس ريحة الرطوبة ماشميتها لين ذحين
يعني لو كل اسبوع تتبخر الغسالة تصير ياسلام وباباي لريحة الرطوبة
وبس سلامتكم هذا اللي عندي :biggrin2:
روووعه