وينك رموحه
عسى المانع خير
مافي شي جديد
بانتظارك
وينك رموحه
عسى المانع خير
مافي شي جديد
بانتظارك
ننتظر جديدك...... متابعينك..ننتظر جديدك...... متابعينك..
ياهلا فيك..ان شاء الله
أفراح وأعراس!
هلت عطلة الصيف وهلت الأعراس معاها قبل سنة..
وكل يوم وإحنا معزومين بمكان..عرس بفندق عرس بقاعة مناسبات عرس باستراحة..ملكة في بيت!
وعالم مزدهر بالاحتفالات..والمناسبات اللي جاني الغثا منها..
وكل مرة أقول:ماني رايحة!
تقول أمي:ماعندنا بنات يقعدون لين الفجر لحالهم بالبيت!(أجل ايش ياأمي؟؟حلوة يعني يقعدون للفجر في صالات الأفراح!)
وعاد بنات أخوالي مجانين عرس..يوجبون عند القريب والغريب!ولابغوا يبثون في نفسي الحماس أروح..يقولون لايفوتك ترى بتجي المطربة فلانة!أو الطقاقة علانة!!(كأنهم هموني عاد!!)
وكله كوم والزفات اللي نشوفها كوم ثاني!!شي حلو وشي ماصخ!وتنافس يسد مجرى التنفس!
بعد الزفات التقليدية اللي تعودنا عليها ببساطتها..
صار فيه زفة اسمها زفة شاكيرا!!لا ويجون لك طقم فليبينيات لابسين مثل ملابس شاكيرا الجزء العلوي حملة صدر!!والسفلي تنورة ميني جيب ويرقصون مثل رقص شاكيرا الفاضح على أغانيها والعروس تمشي وراهم!!
ويارب سترك لاتبتلينا!
والزفة الريفية والفرنسية والبحرية وزفة ماوكلي!ايه لاتستغربون لو جاكم العريس يوم لابس ورق شجر وعشة شعر فوق راسه ومتمسك بحبل ويخبط على صدره مثل طرزان وهيئة ماوكلي!!وينقال زفة الأدغال!
أو يجيكم عند عروسته اللي قاعدة تمثل دور سندريلا ثم يلبسها جزمتها قدام خلق الله!عساه بس مايجيه يوم ويندم على خفته ثم يقمعها بنفس الجزمة على مُخيخها!
ولا زفة المارد والمصباح..مدري الناس صارت تهرب من الواقع للقصص الخيالية!!عساهم بس مايجي يوم ثم يتقمص العريس والعروسة شخصيات توم وجيري!!..
وعاد بنات أخوالي لاقعدوا جنبي أتفشل فشايل!!ثم أصيح فيهم وأقول: ضفوا وجوهكم قعدتكم جنبي شبهة!!
مافي عجوز في القصر إلا ويتقربون منها ويستعرضون قدامها على بالهم عندها ولد مملوح وقاعدة تدور له عروس!!
ودايماً أوصيهم وأقول لهم:ترى العقل زِينة لابارك الله في ابليس!! الوحدة لاجت بتخطب لولدها بتخطب له الثقيلة الرزة العاقلة...وش تبغى في المخفة اللي مسَطِرة المنصة شرق وغرب تناقز وتهز وتطق رقبة؟!!
هي تبغى عروس سنعة لولدها؟ولارقاصة على وحدة ونص؟!
بس أبد مايفهمون!يحبون يجلسون تحت الأضواء..ويحطون بصمتهم في كل مناسبة!!
ومايغثني شي كثر الماكياجات اللي تارسة وجوه النسوان!ودايماً من غير ماأحد يأشر لي على أهل العريس أعرفهم على طول!!
ليش؟لأن ملابسهم تجي حركات وطبقات وآخر صرعات..والماكياج على أحدث صيحات!وهو فعلاً اللي يشوف ماكياجات بعض الناس تجي له صيحات وشهقات من هول مايرى!!
بعض الناس عندهم مفهوم إن الماكياج كل مازادت طبقاته وتعددت ألوانه كل ماصار أحلى!!والعكس يقول غير كذا العقلانية والتوسط بكل شي مطلوبة..
طبعاً بين الاحتشام والتعري...تعرفين أخلاق الناس!
وبعض النسوان عندهم إن كل ماكان الفستان سعره أغلى كل مامشت واثقة الخُطى!وكل عرس نحضره نسمع أرقام خيالية لأسعار الفساتين!!أحياناً يكون سعر الفستان أغلى من أجرة الطقاقة اللي بتحيي العرس!
وأما الرقص فالشكوى لله...
اللي يوم ترقص تحسين كأنها حاقدة على أهل العرس وتبغى تخرب الزواج من كثر الرفس والدهك على أرضية المنصة!
واللي تمثل النعومة والرقة وهي في صوب والرقة في صوب..
واللي ترقص وتغني وتبتسم بنفس الوقت!فنانة شاملة ماشاء الله عليها ويُقال من زود الاندماج مو عارفة تسيطر على أعصابها!!!
واللي تركز في الرقص على أياديها وتلوح بها في الهواء الطلق كأنها مسَّاحات السيارة اللي تمسح الماء من على الزجاج!
وعاد تظهر لك بكل عرس مواهب غريبة وعجيبة تحسسك قدر ايش المرأة العربية مكبوتة وعندها طاقات تبغى تنفجر!!وتلاقين البعض منهم مافي رقصة ماترقصها وتحجز المنصة على حسابها ولما تتكلم عن نفسها تقول:عمري مارقصت قدام زوجي!!أستحي!!
أجل استحيتي من زوجك..ومااستحيتي من خليقة الله اللي أشغلتي عيونهم كأنك كنغر منحاش من صياد!!
وعاد هذي المناسبات خير مكان للحش والغيبة والحسد!تلاقين الناس حاضرين عرسك ومتضيفين ومخدومين ومحشومين ولكن ماعندهم مانع ينزلون فيك وفي أهلك تقطيع وحش وتطنز!!
والأغاني تصم الآذان..ماتعرفين تسولفين مع اللي جنبك من زود الازعاج!
الصراحة معاهم حق جداتنا لاحضروا أعراس يسبون ويسخطون!!
والبوفيه ينحط مرات عقب صلاة الفجر وينادون أهل العرس:تفضلوا ياجماعة على العشاء!!
عشا مين ياهوووه؟!!هذا اسمه فطور!!مادام بيقدمونه في النهار فالمفروض يحطون معاه حليب وكورن فليكس!وبيض مسلوق!
ويلومونك ياتغريد لا قِلتي ماأحب الزواجات!!
اش تحبون في الزواجات؟!علموني!
هلت عطلة الصيف وهلت الأعراس معاها قبل سنة..
وكل يوم وإحنا معزومين بمكان..عرس بفندق عرس بقاعة مناسبات عرس باستراحة..ملكة في بيت!
وعالم مزدهر بالاحتفالات..والمناسبات اللي جاني الغثا منها..
وكل مرة أقول:ماني رايحة!
تقول أمي:ماعندنا بنات يقعدون لين الفجر لحالهم بالبيت!(أجل ايش ياأمي؟؟حلوة يعني يقعدون للفجر في صالات الأفراح!)
وعاد بنات أخوالي مجانين عرس..يوجبون عند القريب والغريب!ولابغوا يبثون في نفسي الحماس أروح..يقولون لايفوتك ترى بتجي المطربة فلانة!أو الطقاقة علانة!!(كأنهم هموني عاد!!)
وكله كوم والزفات اللي نشوفها كوم ثاني!!شي حلو وشي ماصخ!وتنافس يسد مجرى التنفس!
بعد الزفات التقليدية اللي تعودنا عليها ببساطتها..
صار فيه زفة اسمها زفة شاكيرا!!لا ويجون لك طقم فليبينيات لابسين مثل ملابس شاكيرا الجزء العلوي حملة صدر!!والسفلي تنورة ميني جيب ويرقصون مثل رقص شاكيرا الفاضح على أغانيها والعروس تمشي وراهم!!
ويارب سترك لاتبتلينا!
والزفة الريفية والفرنسية والبحرية وزفة ماوكلي!ايه لاتستغربون لو جاكم العريس يوم لابس ورق شجر وعشة شعر فوق راسه ومتمسك بحبل ويخبط على صدره مثل طرزان وهيئة ماوكلي!!وينقال زفة الأدغال!
أو يجيكم عند عروسته اللي قاعدة تمثل دور سندريلا ثم يلبسها جزمتها قدام خلق الله!عساه بس مايجيه يوم ويندم على خفته ثم يقمعها بنفس الجزمة على مُخيخها!
ولا زفة المارد والمصباح..مدري الناس صارت تهرب من الواقع للقصص الخيالية!!عساهم بس مايجي يوم ثم يتقمص العريس والعروسة شخصيات توم وجيري!!..
وعاد بنات أخوالي لاقعدوا جنبي أتفشل فشايل!!ثم أصيح فيهم وأقول: ضفوا وجوهكم قعدتكم جنبي شبهة!!
مافي عجوز في القصر إلا ويتقربون منها ويستعرضون قدامها على بالهم عندها ولد مملوح وقاعدة تدور له عروس!!
ودايماً أوصيهم وأقول لهم:ترى العقل زِينة لابارك الله في ابليس!! الوحدة لاجت بتخطب لولدها بتخطب له الثقيلة الرزة العاقلة...وش تبغى في المخفة اللي مسَطِرة المنصة شرق وغرب تناقز وتهز وتطق رقبة؟!!
هي تبغى عروس سنعة لولدها؟ولارقاصة على وحدة ونص؟!
بس أبد مايفهمون!يحبون يجلسون تحت الأضواء..ويحطون بصمتهم في كل مناسبة!!
ومايغثني شي كثر الماكياجات اللي تارسة وجوه النسوان!ودايماً من غير ماأحد يأشر لي على أهل العريس أعرفهم على طول!!
ليش؟لأن ملابسهم تجي حركات وطبقات وآخر صرعات..والماكياج على أحدث صيحات!وهو فعلاً اللي يشوف ماكياجات بعض الناس تجي له صيحات وشهقات من هول مايرى!!
بعض الناس عندهم مفهوم إن الماكياج كل مازادت طبقاته وتعددت ألوانه كل ماصار أحلى!!والعكس يقول غير كذا العقلانية والتوسط بكل شي مطلوبة..
طبعاً بين الاحتشام والتعري...تعرفين أخلاق الناس!
وبعض النسوان عندهم إن كل ماكان الفستان سعره أغلى كل مامشت واثقة الخُطى!وكل عرس نحضره نسمع أرقام خيالية لأسعار الفساتين!!أحياناً يكون سعر الفستان أغلى من أجرة الطقاقة اللي بتحيي العرس!
وأما الرقص فالشكوى لله...
اللي يوم ترقص تحسين كأنها حاقدة على أهل العرس وتبغى تخرب الزواج من كثر الرفس والدهك على أرضية المنصة!
واللي تمثل النعومة والرقة وهي في صوب والرقة في صوب..
واللي ترقص وتغني وتبتسم بنفس الوقت!فنانة شاملة ماشاء الله عليها ويُقال من زود الاندماج مو عارفة تسيطر على أعصابها!!!
واللي تركز في الرقص على أياديها وتلوح بها في الهواء الطلق كأنها مسَّاحات السيارة اللي تمسح الماء من على الزجاج!
وعاد تظهر لك بكل عرس مواهب غريبة وعجيبة تحسسك قدر ايش المرأة العربية مكبوتة وعندها طاقات تبغى تنفجر!!وتلاقين البعض منهم مافي رقصة ماترقصها وتحجز المنصة على حسابها ولما تتكلم عن نفسها تقول:عمري مارقصت قدام زوجي!!أستحي!!
أجل استحيتي من زوجك..ومااستحيتي من خليقة الله اللي أشغلتي عيونهم كأنك كنغر منحاش من صياد!!
وعاد هذي المناسبات خير مكان للحش والغيبة والحسد!تلاقين الناس حاضرين عرسك ومتضيفين ومخدومين ومحشومين ولكن ماعندهم مانع ينزلون فيك وفي أهلك تقطيع وحش وتطنز!!
والأغاني تصم الآذان..ماتعرفين تسولفين مع اللي جنبك من زود الازعاج!
الصراحة معاهم حق جداتنا لاحضروا أعراس يسبون ويسخطون!!
والبوفيه ينحط مرات عقب صلاة الفجر وينادون أهل العرس:تفضلوا ياجماعة على العشاء!!
عشا مين ياهوووه؟!!هذا اسمه فطور!!مادام بيقدمونه في النهار فالمفروض يحطون معاه حليب وكورن فليكس!وبيض مسلوق!
ويلومونك ياتغريد لا قِلتي ماأحب الزواجات!!
اش تحبون في الزواجات؟!علموني!
الصفحة الأخيرة
متابعينك..