رماح ردينية
•
هلا فيك..يسعدني اهتمامك ياعسل
ثرثرة أخرى!!
بيوم من الأيام زارتنا أختي طيف..وجلست مع أمي يتبادلون أخبار الأقارب والجماعة والزيجات القادمة..
ووجدت إنه كثير من بنات العائلة مخطوبات أو متملكات أو تزوجوا قريباً...
طيف:يلا الله يهنيهم كلهم..وعقبال بعض ناس!(وتناظرني بطرف عينها!)
أمي:بعض الناس لو ينحفون ويهتمون بأجسامهم كان جاهم نصيبهم..لكن ماش!!!
طيف:ياكثر الريجيمات ياأمي..هم بس لو يشدون حيلهم كل شي بيصير..
أمي:إلا مانووا يشدون حيلهم..وهم أكل ومرعى وقلة صنعة!!
طيف:بكرة لاتقدم بهم السن وماحولهم أحد بيبدأون يهتمون!!
أمي:وش عقبه ياحظي؟؟لا طاح الفاس بالراس؟؟
طيف:عاد هم لو عندهم إحساس..كان تحركوا من زمان!
أنا(بغيظ):هيه..انتم!!بس عاد زودتوها..بعض ناس وبعض ناس!على بالكم خبلة؟؟
طيف:والله قلنا مادام الأسلوب المباشر مابيجيب نتيجة..خل نستخدم أسلوب إياك أعني واسمعي ياجارة!!
أنا:أسلوب فاشل ويدل على خبث وكيد نسواني بحت!!
أمي:بلاها لف ودوران..يابنتي إنتي دُبة وكأنك فقمة عجوز..ولو شافك خاطب بيخرع ويعاف النسوان!!
أنا:وش ذا الكلام ياأمي؟؟ارجعي ارجعي لأسلوب التلميح أحلى!!!
طيف:الصراحة تزعِّل..لكن لابد من معرفة عيوبنا ومعالجتها..
أنا:الحين ودي أفهم..ليش الوحدة لاكانت بنت ودبدوبة الكل يهاجمها ويبغاها تنحف؟؟؟ولاكانت رشيقة وتزوجت وانفرطت ماحد يكلمها؟؟ويقولون عادي عادي متزوجة!
وش يعني؟ضمنت عريس..ومايخالف لو تحولت إلى برميل نفط في بيته؟؟؟
ولاالسمنة حرام على البنات وحلال على الحريم؟؟؟
أمي:لا بس المتزوجة تحمل وتولد وجسمها يتغير..مافيها شي!
أنا:وش يعني تحمل وتولد؟؟ملايين النسوان يحملون ويولدون ومع ذلك تحافظ الوحدة على رشاقتها..
طيف:الحمدلله..مثلي أنا!!!
أنا:الصراحة أنا ماحد يكسر خاطري في السالفة كلها..إلا الزوج!!مدري كيف يتحمل زوجته وهي تمر بجميع الأوزان والأثقال والتغييرات!!
طيف:هههه ذكرتيني بوحدة من سلفاتي زوجها دب وهي زادت وصارت تنافسه وكل ماقلنا لها انحفي..قالت ليه؟؟مهما سمِنت مابأوصل له!!
أنا:مو هذي هي الفَلاَحة المستشرية في المجتمع!لايمكن نسوي شي عشان أنفسنا...كل تفكيرنا عشان الناس!!ننحف عشان الناس لايتكلمون!ونتزوج عشان لايقولون..وووووو الخ!
أمي:وش دخل هالبربرة كلها بموضوعنا؟انحفي يابنت واكرفي في البيت لين ماتنحفين..
أنا:لاحول ولاقوة إلا بالله..انتي بعدك ياأمي ماشية على قاعدة إكرُفي وانحفي؟؟هذا أنا أكرف ببيتكم صبح وليل..لين ماالتهبت رُكبي كأني عجوز!
أمي:ماحد بيخليك عجوز إلا سمنتك هذي!
أنا:يعني احترنا فيكم!قبل كم سنة يوم كنت نحيفة كنتم تقولون جات العصلة المصلة أم العصاقيل!!ويوم سمنت هَم بعد ماخلصت من تعليقاتكم..وش تبغون بالضبط؟؟؟
طيف:خليك وسط..لاافراط ولاتفريط..
والحقيقة بما إني بنية..فاأحاسيسي مازالت مرهفة ولم تتبلد بعد!فقررت أشوف لنفسي حل..سجلت بنادي رياضي ملحق بأحد المشاغل لكن أخوي عبدالكريم كالعادة..لابغى يوصلني مشوار يحسسني كأني قاعدة على راسه!!وداني مرتين وحلف ماعاد يوديني!!!!أقول له :ياولد الناس أبغى أنحف! يقول:الله أكبر..لو شمس..بانت أمس!!!!
حاولت في أمي تتساعد معي وتطبخ طبخات صحية..لكن أبد!ماأدري اش طرى لها كل يوم تسوي جَمعات وتنادي الجيران والأهل وتسوي لهم أكلات وحركات لذيذة!!!
حاولت أمشي كثير..ثارت رُكبي علي!
سويت ريجيم قاسي..صارت أمي تهاوشني قدام كل من هب و دب!البنت ذي بتموت من الجوع!!البنت ذي بيجيها هبوط في الضغط والسكر!!
وقاموا قريبات أمي وجابوا لي وصفات شعبية للتنحيف واستخدمتها..وياليل خبرني عن أمر المعاناة!!!ماأخفي عليكم صرت أنا والحمَّام أصحاب!!
وأمي تصيح علي من برة:يابنت اطلعي من مساكن الجن!!وشفيك ان دخلتي ماخرجتي؟؟؟
أنا(من داخل الحمَّام):من بركات وصفات أقاربك يمه!!قولي لهم تغريد تقول:الله لايسامحكم!!
أمي:طول عمرك مثل البساس تاكلين وتنكرين!!
واستمرت مأساتي مع الريجيمات..والخلطات لين صابني جفاف+خمول+ذبول+تنتف شعري+اصفَّر وجهي+تبقعت أظافري بقع بيضاء...
والنتيجة نحافة مع أمراض..وليتك يالمقرود قعدت على قردك!!!
الحكم المستفادة:
لاتثقون بكلام النسوان!
لاتجربون في أنفسكم خلطات!
لاتاكلون كثير بس اشربوا كثير!!
انحفوا ياناس عشان أنفسكم مو عشان فلان وعلان!
الصحة تاج على رؤؤس الأصحاء لايراه إلا المرضى!
درهم وقاية خير من قنطار علاج
من جد وجد ومن زرع حصد ومن سار على الدرب وصل ومن انحرف عن الدرب بالاسعاف اتصل!!!
بيوم من الأيام زارتنا أختي طيف..وجلست مع أمي يتبادلون أخبار الأقارب والجماعة والزيجات القادمة..
ووجدت إنه كثير من بنات العائلة مخطوبات أو متملكات أو تزوجوا قريباً...
طيف:يلا الله يهنيهم كلهم..وعقبال بعض ناس!(وتناظرني بطرف عينها!)
أمي:بعض الناس لو ينحفون ويهتمون بأجسامهم كان جاهم نصيبهم..لكن ماش!!!
طيف:ياكثر الريجيمات ياأمي..هم بس لو يشدون حيلهم كل شي بيصير..
أمي:إلا مانووا يشدون حيلهم..وهم أكل ومرعى وقلة صنعة!!
طيف:بكرة لاتقدم بهم السن وماحولهم أحد بيبدأون يهتمون!!
أمي:وش عقبه ياحظي؟؟لا طاح الفاس بالراس؟؟
طيف:عاد هم لو عندهم إحساس..كان تحركوا من زمان!
أنا(بغيظ):هيه..انتم!!بس عاد زودتوها..بعض ناس وبعض ناس!على بالكم خبلة؟؟
طيف:والله قلنا مادام الأسلوب المباشر مابيجيب نتيجة..خل نستخدم أسلوب إياك أعني واسمعي ياجارة!!
أنا:أسلوب فاشل ويدل على خبث وكيد نسواني بحت!!
أمي:بلاها لف ودوران..يابنتي إنتي دُبة وكأنك فقمة عجوز..ولو شافك خاطب بيخرع ويعاف النسوان!!
أنا:وش ذا الكلام ياأمي؟؟ارجعي ارجعي لأسلوب التلميح أحلى!!!
طيف:الصراحة تزعِّل..لكن لابد من معرفة عيوبنا ومعالجتها..
أنا:الحين ودي أفهم..ليش الوحدة لاكانت بنت ودبدوبة الكل يهاجمها ويبغاها تنحف؟؟؟ولاكانت رشيقة وتزوجت وانفرطت ماحد يكلمها؟؟ويقولون عادي عادي متزوجة!
وش يعني؟ضمنت عريس..ومايخالف لو تحولت إلى برميل نفط في بيته؟؟؟
ولاالسمنة حرام على البنات وحلال على الحريم؟؟؟
أمي:لا بس المتزوجة تحمل وتولد وجسمها يتغير..مافيها شي!
أنا:وش يعني تحمل وتولد؟؟ملايين النسوان يحملون ويولدون ومع ذلك تحافظ الوحدة على رشاقتها..
طيف:الحمدلله..مثلي أنا!!!
أنا:الصراحة أنا ماحد يكسر خاطري في السالفة كلها..إلا الزوج!!مدري كيف يتحمل زوجته وهي تمر بجميع الأوزان والأثقال والتغييرات!!
طيف:هههه ذكرتيني بوحدة من سلفاتي زوجها دب وهي زادت وصارت تنافسه وكل ماقلنا لها انحفي..قالت ليه؟؟مهما سمِنت مابأوصل له!!
أنا:مو هذي هي الفَلاَحة المستشرية في المجتمع!لايمكن نسوي شي عشان أنفسنا...كل تفكيرنا عشان الناس!!ننحف عشان الناس لايتكلمون!ونتزوج عشان لايقولون..وووووو الخ!
أمي:وش دخل هالبربرة كلها بموضوعنا؟انحفي يابنت واكرفي في البيت لين ماتنحفين..
أنا:لاحول ولاقوة إلا بالله..انتي بعدك ياأمي ماشية على قاعدة إكرُفي وانحفي؟؟هذا أنا أكرف ببيتكم صبح وليل..لين ماالتهبت رُكبي كأني عجوز!
أمي:ماحد بيخليك عجوز إلا سمنتك هذي!
أنا:يعني احترنا فيكم!قبل كم سنة يوم كنت نحيفة كنتم تقولون جات العصلة المصلة أم العصاقيل!!ويوم سمنت هَم بعد ماخلصت من تعليقاتكم..وش تبغون بالضبط؟؟؟
طيف:خليك وسط..لاافراط ولاتفريط..
والحقيقة بما إني بنية..فاأحاسيسي مازالت مرهفة ولم تتبلد بعد!فقررت أشوف لنفسي حل..سجلت بنادي رياضي ملحق بأحد المشاغل لكن أخوي عبدالكريم كالعادة..لابغى يوصلني مشوار يحسسني كأني قاعدة على راسه!!وداني مرتين وحلف ماعاد يوديني!!!!أقول له :ياولد الناس أبغى أنحف! يقول:الله أكبر..لو شمس..بانت أمس!!!!
حاولت في أمي تتساعد معي وتطبخ طبخات صحية..لكن أبد!ماأدري اش طرى لها كل يوم تسوي جَمعات وتنادي الجيران والأهل وتسوي لهم أكلات وحركات لذيذة!!!
حاولت أمشي كثير..ثارت رُكبي علي!
سويت ريجيم قاسي..صارت أمي تهاوشني قدام كل من هب و دب!البنت ذي بتموت من الجوع!!البنت ذي بيجيها هبوط في الضغط والسكر!!
وقاموا قريبات أمي وجابوا لي وصفات شعبية للتنحيف واستخدمتها..وياليل خبرني عن أمر المعاناة!!!ماأخفي عليكم صرت أنا والحمَّام أصحاب!!
وأمي تصيح علي من برة:يابنت اطلعي من مساكن الجن!!وشفيك ان دخلتي ماخرجتي؟؟؟
أنا(من داخل الحمَّام):من بركات وصفات أقاربك يمه!!قولي لهم تغريد تقول:الله لايسامحكم!!
أمي:طول عمرك مثل البساس تاكلين وتنكرين!!
واستمرت مأساتي مع الريجيمات..والخلطات لين صابني جفاف+خمول+ذبول+تنتف شعري+اصفَّر وجهي+تبقعت أظافري بقع بيضاء...
والنتيجة نحافة مع أمراض..وليتك يالمقرود قعدت على قردك!!!
الحكم المستفادة:
لاتثقون بكلام النسوان!
لاتجربون في أنفسكم خلطات!
لاتاكلون كثير بس اشربوا كثير!!
انحفوا ياناس عشان أنفسكم مو عشان فلان وعلان!
الصحة تاج على رؤؤس الأصحاء لايراه إلا المرضى!
درهم وقاية خير من قنطار علاج
من جد وجد ومن زرع حصد ومن سار على الدرب وصل ومن انحرف عن الدرب بالاسعاف اتصل!!!
وتتجدد الثرثرة!!
كعادة أمي اللي ماتتركها أبد...طول اليوم تدور بالبيت وتخترع شغل جديد!!وإن مالقت...نكشت أي دولاب وقالت خل نعيد ترتيبه!!
وعاد أنا يصيبني جميع أنواع القهر!مافي بنت غيري بالبيت.. وأقعد أشتغل لين أقول بس!
وأخوي عبدالكريم كالعادة متمدد على الكنبة يتابع مبارايات أو أي برنامج سخيف!!
أنا:أمي...تكفين خلي عبدالكريم يقوم يساعدنا!
أمي:عيب يابنت!هذا رجال مو حرمة!!
أنا:ياسلام..الكد للنسوان..والراحة للرجال؟؟مين اللي يقول هالكلام؟؟
أمي:حطي لسانك بحلقك واشتغلي بأمانة وضمير..ولاتطالعين بغيرك..
وقعدت أمي تُنَقب بالبيت باحثة عن شغلة تشغلني فيها ومالقيت إلا دولاب بأدراج كنت حاط فيه أغراض قديمة لي.. وقالت:خرِّجي كل مافيه ورتبيه!!
وقمت أرتب وطاحت عيني على أوتوجراف قديم لي من أيام المتوسط وفتحت وحدة من الصفحات ولقيت فيها كلمات من زميلتي سحر تقول:
السلام عليكم..
صديقتي العزيزة...تغريد
أكتب لك بالمقلوب..علامة الحب بين القلوب(وقالبة الصفحة وهي تكتبها!!!)
أكتب لك بالأحمر...علامة الحب الأكبر!
أكتب لك بالأزرق....علامة الحب الأعمق!
أكتب لك بالأصفر...علامة الحب الأكثر!
وراسمة قلوب وكل خط بلون!!(تجرب أقلامها)!
التوقيع:قلب القلوب!!!
قلت بنفسي:زين مالحقت على ألوان الأيام هذي ولا كان كتبت:
أكتب لك بالليلكي..علامة حبي لكي!
أكتب لك بالأرجواني..علامة حبي الوجداني!
أكتب لك بالتركواز..علامة حب حديث الطِراز!(مدري كيف جت معاي هذي!!!!ههههه)
وفتحت صفحة ثانية لقيت زميلتي عُلا كاتبة:
بسم الله الرحمن الرحيم
عزيزتي تغريد..الذكرى ناقوس يدق في عالم النسيان(وأنا أشهد إنها كتبته وماتدري وش معناه!!)
والوقت يمضي والذكرى تبقى!(حشا دعاية ليبتون هذي!الوقت يمضي والنكهة تبقى!!)
وأتمنى لك التوفيق والنجاح في حياتك العلمية والعملية..في ظل من تحبين!
التوقيع:فتاة المستقبل
ماشاء الله طول عمرها عُلا عاقلة..
لكن البلا يوم فتحت صفحة.. نجوى زميلتي كاتبتها لي!
مافي قصيدة ولا أغنية نزلت هذاك الوقت إلا وهي كاتبتها(مانقص إلا تعلق شريط كاسيت) وعلاوة على ذلك حاطة لي صور لاعبين كورة وملصقتهم!!(عاد من زينهم هم ووجوههم اللي تنقط عَرَق!!وقد لفحتهم الشمس!)
والتوقيع:العاشقة!!
ضحكت من قلبي وقامت ترجع بي الذاكرة أيام الثانوي...
مرة جلسنا أنا وعُلا وسحر...
وقامت سحر تتكلم عن اهتمامها بالماديات والمظهر...
وردت عليها عُلا:سحر؟إنتي سطحية!
سحر:لا..انتي كذابة..بيتنا مافيه أي سطوح!أنا أرضية!!
أنا:هو من ناحية إنك أرضية..فإنتي أرضية فعلاً لدرجة الحضيض!!
سحر:خلصنا من سطحية طلعتي لنا بـ حضيض!وش معناها؟لايكون كلمة شينة؟؟أحسها قريبة من مِرحاض!!
أنا:والله لاتستعجبين ممكن فعلاً تكون قريبة منها!ثقافة الماديات هذي ثقافة مراحيض!معك قرش تسوى قرش!مامعاك إذن بَلاَك!!الي يحبِك عشان مظهرك فإتفلي عليه بـ جوهرك!!
اللي يعطيك تقديرعشان كشختك وملابسك..إذن لاتتكلمين معاه!خل ملابسك هي اللي تسولف معاه!
اللي يصاحبك عشان غِناك بكرة لاافتقرتي هو أول واحد يشرد منك!!
سحر:خلينا من كلامك هذا..اش يعني سطحية؟
أنا:بأفسر لك معناها من مُعجمي الخاص!
سطح تسطح تسطحاً...بمعنى إنه الانسان السطحي هو اللي يهتم بكل شي مُسطح وينسدح عليه لأنه في اعتقاده مكان مناسب للنوم!ويصب على عقله اسمنت ويستخدم الجزء المسطح فقط والمُقَعر يخليه راكد بلا عمل!!
وهو اللي يهتم بالسطح في كل أمر ويترك القاع!
سحر:وش نبغى بالقاع؟خلي القاع لأهل القاع!يازين السطح وهبة الهوا فيه!
أنا:قصدت انه الانسان السطحي هو اللي يهتم بواجهة الأمور الهامشية ويهمل كوامن الأمور وبواطنها!!
سحر:طيب يازِين...وش لنا بالتنبيش؟؟خلنا في الظاهر أحسن!
أنا:اسمعي ودي أسطِح بك(أحذفك) من فوق السطوح!!فعلاً..صدقت عُلا يوم قالت عنك سطحية!
سحر:ولو إني مافهمت شي من خرابيطك..ولكن اسكتي أحسن!
عُلا:إنتي متأكدة إن اللي قلتيه صح؟؟
ومن يومها أطلقوا علي لقب الفيلسوفة..مدري ليش؟؟!!!
ماحسيت وأنا استرجع الذكريات الا بصوت أمي وراي..
أمي:تغـــــــــــــــــــــــريد!!!
أنا(بـ خرعة):بسم الله....نعم!!
أمي:هالحين دفاتر البزران هذي وش تبغين فيها؟مايكفينا قمايم؟؟
أنا:لا إن كانت ذكريات الماضي قمامة...فهي أجمل قمامة!!
كعادة أمي اللي ماتتركها أبد...طول اليوم تدور بالبيت وتخترع شغل جديد!!وإن مالقت...نكشت أي دولاب وقالت خل نعيد ترتيبه!!
وعاد أنا يصيبني جميع أنواع القهر!مافي بنت غيري بالبيت.. وأقعد أشتغل لين أقول بس!
وأخوي عبدالكريم كالعادة متمدد على الكنبة يتابع مبارايات أو أي برنامج سخيف!!
أنا:أمي...تكفين خلي عبدالكريم يقوم يساعدنا!
أمي:عيب يابنت!هذا رجال مو حرمة!!
أنا:ياسلام..الكد للنسوان..والراحة للرجال؟؟مين اللي يقول هالكلام؟؟
أمي:حطي لسانك بحلقك واشتغلي بأمانة وضمير..ولاتطالعين بغيرك..
وقعدت أمي تُنَقب بالبيت باحثة عن شغلة تشغلني فيها ومالقيت إلا دولاب بأدراج كنت حاط فيه أغراض قديمة لي.. وقالت:خرِّجي كل مافيه ورتبيه!!
وقمت أرتب وطاحت عيني على أوتوجراف قديم لي من أيام المتوسط وفتحت وحدة من الصفحات ولقيت فيها كلمات من زميلتي سحر تقول:
السلام عليكم..
صديقتي العزيزة...تغريد
أكتب لك بالمقلوب..علامة الحب بين القلوب(وقالبة الصفحة وهي تكتبها!!!)
أكتب لك بالأحمر...علامة الحب الأكبر!
أكتب لك بالأزرق....علامة الحب الأعمق!
أكتب لك بالأصفر...علامة الحب الأكثر!
وراسمة قلوب وكل خط بلون!!(تجرب أقلامها)!
التوقيع:قلب القلوب!!!
قلت بنفسي:زين مالحقت على ألوان الأيام هذي ولا كان كتبت:
أكتب لك بالليلكي..علامة حبي لكي!
أكتب لك بالأرجواني..علامة حبي الوجداني!
أكتب لك بالتركواز..علامة حب حديث الطِراز!(مدري كيف جت معاي هذي!!!!ههههه)
وفتحت صفحة ثانية لقيت زميلتي عُلا كاتبة:
بسم الله الرحمن الرحيم
عزيزتي تغريد..الذكرى ناقوس يدق في عالم النسيان(وأنا أشهد إنها كتبته وماتدري وش معناه!!)
والوقت يمضي والذكرى تبقى!(حشا دعاية ليبتون هذي!الوقت يمضي والنكهة تبقى!!)
وأتمنى لك التوفيق والنجاح في حياتك العلمية والعملية..في ظل من تحبين!
التوقيع:فتاة المستقبل
ماشاء الله طول عمرها عُلا عاقلة..
لكن البلا يوم فتحت صفحة.. نجوى زميلتي كاتبتها لي!
مافي قصيدة ولا أغنية نزلت هذاك الوقت إلا وهي كاتبتها(مانقص إلا تعلق شريط كاسيت) وعلاوة على ذلك حاطة لي صور لاعبين كورة وملصقتهم!!(عاد من زينهم هم ووجوههم اللي تنقط عَرَق!!وقد لفحتهم الشمس!)
والتوقيع:العاشقة!!
ضحكت من قلبي وقامت ترجع بي الذاكرة أيام الثانوي...
مرة جلسنا أنا وعُلا وسحر...
وقامت سحر تتكلم عن اهتمامها بالماديات والمظهر...
وردت عليها عُلا:سحر؟إنتي سطحية!
سحر:لا..انتي كذابة..بيتنا مافيه أي سطوح!أنا أرضية!!
أنا:هو من ناحية إنك أرضية..فإنتي أرضية فعلاً لدرجة الحضيض!!
سحر:خلصنا من سطحية طلعتي لنا بـ حضيض!وش معناها؟لايكون كلمة شينة؟؟أحسها قريبة من مِرحاض!!
أنا:والله لاتستعجبين ممكن فعلاً تكون قريبة منها!ثقافة الماديات هذي ثقافة مراحيض!معك قرش تسوى قرش!مامعاك إذن بَلاَك!!الي يحبِك عشان مظهرك فإتفلي عليه بـ جوهرك!!
اللي يعطيك تقديرعشان كشختك وملابسك..إذن لاتتكلمين معاه!خل ملابسك هي اللي تسولف معاه!
اللي يصاحبك عشان غِناك بكرة لاافتقرتي هو أول واحد يشرد منك!!
سحر:خلينا من كلامك هذا..اش يعني سطحية؟
أنا:بأفسر لك معناها من مُعجمي الخاص!
سطح تسطح تسطحاً...بمعنى إنه الانسان السطحي هو اللي يهتم بكل شي مُسطح وينسدح عليه لأنه في اعتقاده مكان مناسب للنوم!ويصب على عقله اسمنت ويستخدم الجزء المسطح فقط والمُقَعر يخليه راكد بلا عمل!!
وهو اللي يهتم بالسطح في كل أمر ويترك القاع!
سحر:وش نبغى بالقاع؟خلي القاع لأهل القاع!يازين السطح وهبة الهوا فيه!
أنا:قصدت انه الانسان السطحي هو اللي يهتم بواجهة الأمور الهامشية ويهمل كوامن الأمور وبواطنها!!
سحر:طيب يازِين...وش لنا بالتنبيش؟؟خلنا في الظاهر أحسن!
أنا:اسمعي ودي أسطِح بك(أحذفك) من فوق السطوح!!فعلاً..صدقت عُلا يوم قالت عنك سطحية!
سحر:ولو إني مافهمت شي من خرابيطك..ولكن اسكتي أحسن!
عُلا:إنتي متأكدة إن اللي قلتيه صح؟؟
ومن يومها أطلقوا علي لقب الفيلسوفة..مدري ليش؟؟!!!
ماحسيت وأنا استرجع الذكريات الا بصوت أمي وراي..
أمي:تغـــــــــــــــــــــــريد!!!
أنا(بـ خرعة):بسم الله....نعم!!
أمي:هالحين دفاتر البزران هذي وش تبغين فيها؟مايكفينا قمايم؟؟
أنا:لا إن كانت ذكريات الماضي قمامة...فهي أجمل قمامة!!
الصفحة الأخيرة