زيزي نجد :
فعلا كلامك واقعي اذكر يوم كنا بثانوي كانت معنا وحده الله يذكره بالخير عنده كذب ببلاااااااااااااش والبنات ماتمر عليهم السالفه لازم يدققون عند اي كلمه حتى تدري انهم ماصدقوها واحيانا تقول شيء وبكرا تناقض كلامها... الله لا يبلانافعلا كلامك واقعي اذكر يوم كنا بثانوي كانت معنا وحده الله يذكره بالخير عنده كذب...
ياناس حاجة تجنن...الكذب صار ملون!! زمان..كنَّا نسمع عن كلمة تلفزيون ملون...أو زجاج ملون...أو صور ملونة...أو حتى ورق ملون!! أما إنه توصل الدرجة إلى إنه الكذب صار بألوان وأشكال ومتوفر بجميع الأحجام والمقاسات!فهذا شيء عجيب الصراحة!! مرت علي نماذج الله يعافيكم ولايبتليكم! ناس الكذب عندهم أسهل من شرب الموية! هنااّ لم تجسدي واقعاً بحسب .. بل وضعت عالماً بأجمعهـ بين جنباتنا .. بصراحة لم أقرأها كاملة سوى خيوط إلتقطتها .. لأطرز منها لب الموضوع ولكن هذهـ الجزئية .. قرأتها بدقة وتمعنتُ فيها .. أكملي غاليتي فثرثرتكـ رائعة وأسلوبكـ شيق وكلنا اّذان صاغية ~..ياناس حاجة تجنن...الكذب صار ملون!! زمان..كنَّا نسمع عن كلمة تلفزيون ملون...أو زجاج ملون...أو صور...
فيه قاعدة تقول كل ممنوع مرغوب!
وصَدَق من قالها..
كل شي تنحرمين منه يهفك الشوق توصلين له حتى لو كانت النتيجة فيها عقاب!
وأتذكر أمي من صغرنا قبل لانطلع عند الناس تجيبني أنا وطيف وتعطينا قائمة من الممنوعات اللي لو خالفناها عند الناس تعطينا ذيك النظرة اللي نعرف بعدها إن عقابنا عسير في البيت!!
صرنا نكره الطلعة لأنها غالباً ماتنتهي بعقوبة حلوة في البيت..عاد تدرون إحنا بزران ومانعرف للتعليمات معنى لابد ما نشطح من هِنا وهناك!!
كانت أمي قبل لانخرج تقول لنا على سبيل المثال لا الحصر:
-ياويلكم توسخون ملابسكم..
-إياني وإياكم تلعبون مع الأولاد..
-اللي تسوي منكم شقاوة بأوريها شغلها!
-ماتاكلون شي لين أعطيكم..
-أسرار البيت ماتطلعونها برة.
-لاتعدمون بيت الناس..
-لاتتضاربون مع البزران.
-لاتجوني عند النسوان كل شي وتفتنون على بعض..
وطبعاً نص هالنصايح غير قابلة للتطبيق عندي وعند أختي لابد مانخالفها وناخذ ذيك العلقة المحترمة لاوصلنا البيت!!
لما دخلنا المدرسة كانت قائمة الممنوعات عند أمي:
-شاركوا في الحصة مع الأبلة..
-ذاكروا زين ياويلكم ماتجيبون درجات..
-إياني وإياكم ترجعون البيت وفسحتكم ماأكلتوها..
-لاتقعدون جنب الكسلانات..
-لاتغشون في الامتحانات..
طلعت المتوسط.. وبعدها الثانوي وتبدلت القائمة وصارت كالآتي:
-لاتجالسين رفيقات السوء..
-المتشبهات بالرجال لاتكلمينهم ولاتخالطينهم..
-اهتمي بدروسك وبس..
-لاتطولين لسانك ولاترفعين صوتك على الأبلات..
-اللي تسمعينها تجيب طاري الشباب على لسانها بلغي عنها المديرة..
طلعت الجامعة..وزادت القائمة:
-الجوال تستخدمينه للأتصال بأخوك ياخذك وبس!
-لاتحطين ماكياج وانتي هناك..
-لاتتكلمين مع الدكاترة الرجال..
-لاتعطين رقمك لكل من هب ودب..
-راعيات المظاهروالفشخرة اغسلي إيدك منهم..
-بعدي عن المتزوجات بعدك صغيرة!!!
-لو سمعت إنك طلعتي مع أحد..قصيت رجولك..
في السوق..تكثر التوصيات..وتطول قائمة الممنوعات:
-تستري زين لاتبان ايديك..
-غطي عيونك يابنت..
-لاتدخلين مكان بروحك خلك جنبي..
-لاتاخذين وتعطين مع البياع..
-لاتمشين بسرعة خل مشيتك راكزة..
-لاتبذرين فلوسك عى شي مايسوى..
-لاتلتفتين هنا وهناك..
-لاتشترين شي ماتحتاجينه..
-عدلي عباتك ترا بتطيح من فوق راسك..
وإن رحنا زواج...
-لاتقومين وتقعدين كل شوي..ينقال إنك تستعرضين!
-لاترقصين كثير خلك رَزة!
-لاتترسين وجهك مكياج يحسبونك تتصيدين معرس!
-لاتاكلين حلى ترى موب ناقصك..
-لاتبعدين خلك جنبي على نفس الطاولة..
وطبعاً كل مكان له ممنوعات ومحاذير...وياخوفي يجي عريس الغفلة ويواصل المسيرة ويقول:
لاتخرجين..لاتدخلين..لاتتكلمين. .لاتلبسين..لاتتوظفين
ساعتها بأقول يازينك ياأمي ويازين وصاياك!!
أتحفوني بما لديكم من ممنوعات