زيزي نجد
•
فعلا كلامك واقعي
اذكر يوم كنا بثانوي كانت معنا وحده الله يذكره بالخير عنده كذب ببلاااااااااااااش
والبنات ماتمر عليهم السالفه لازم يدققون عند اي كلمه حتى تدري انهم ماصدقوها
واحيانا تقول شيء وبكرا تناقض كلامها...
الله لا يبلانا
اذكر يوم كنا بثانوي كانت معنا وحده الله يذكره بالخير عنده كذب ببلاااااااااااااش
والبنات ماتمر عليهم السالفه لازم يدققون عند اي كلمه حتى تدري انهم ماصدقوها
واحيانا تقول شيء وبكرا تناقض كلامها...
الله لا يبلانا
زيزي نجد :
فعلا كلامك واقعي اذكر يوم كنا بثانوي كانت معنا وحده الله يذكره بالخير عنده كذب ببلاااااااااااااش والبنات ماتمر عليهم السالفه لازم يدققون عند اي كلمه حتى تدري انهم ماصدقوها واحيانا تقول شيء وبكرا تناقض كلامها... الله لا يبلانافعلا كلامك واقعي اذكر يوم كنا بثانوي كانت معنا وحده الله يذكره بالخير عنده كذب...
والبعض منهم لاحظت عندهم الكذب صاير مثل الحالة المَرضية..
تكذب كذبات مايصدقها عاقل
مثلاً:كل فترة تحاول تقنعنا انه شخصيات فنية وكروية يخطبونها!وترفضهم
تكذب كذبات مايصدقها عاقل
مثلاً:كل فترة تحاول تقنعنا انه شخصيات فنية وكروية يخطبونها!وترفضهم
الصفحة الأخيرة
زمان..كنَّا نسمع عن كلمة تلفزيون ملون...أو زجاج ملون...أو صور ملونة...أو حتى ورق ملون!!
أما إنه توصل الدرجة إلى إنه الكذب صار بألوان وأشكال ومتوفر بجميع الأحجام والمقاسات!فهذا شيء عجيب الصراحة!!
مرت علي نماذج الله يعافيكم ولايبتليكم!
ناس الكذب عندهم أسهل من شرب الموية!
وخير من يمثل هذه الفئة صديقة لنا بالثانوي كان اسمها(رشيدة)...اللهم لاشماتة ولااستهزاء بشكل المخلوقة..بس كانت ذات جسم سمين ولاتمتلك مقومات الجمال اللي يمتلكها غيرها من الفتيات ومو هذا موضوعنا كل إنسان وله مواصفات وشكل..
لكن كانت غثيثة لدرجة إنها لما تشوف أي شلة قاعدين تدخل بينهم مثل أشعب!!
وتخلي مسار الحوار كله عن نفسها..وياليته صدق!!كله كذبxكذب!!
وفي كل مرة تجلس فيها معانا تحكي لنا عن طوابير الخُطاب اللي قدام بابها!!(هي من حقها تحلم..بس مو بالكذب!!)
وإنه ماقد طاحت عليها عين إنس ولا جِن إلا وانهبلوا بجمالها!!
وإنه ملابسها كلها مستوردة بأسعار تفوق الخيال!وإن أبوها يستلم الراتب ويحطه كله بإيدها ويقول إنتي حرة فيه!!!
وإنه نظرات الحساد تلاحقها من مكان لمكان..لدرجة إنها فضَّلت اعتزال الناس!!
وإنها دايماً تسافر من بلد لـ بلد..وتحكي لنا قصص خيالية...والمشكلة إنه لها أقارب بالمدرسة يدحضون كلامها كله..ويقولون خذوها على قد عقلها!!
ماراح تتخيلون لو أقول لكم إنه هالبنت صارت مضرب المثل للكذابات في المدرسة!لدرجة إنه البعض صاروا يطلقون عليها مَثَل:
فكما نقول..أمكر من ثعلب..أحقد من جمل
صاروا يقولون أكْذَب من رشيدة!!!
وصاحباتي دايماً يخلونها تاخذ راحتها في الكذب ويجارونها في الكلام لين ماتنثر كل مافي جعبتها!وبعد ماتقوم من عندهم يطيح عليهم وابل من الضحك!!وهذا شي يثير حفيظتي!
وحدث وتجادلنا مرة..
قلت لهم:تدرون إنكم تكسبون ذنب في هذي الآدمية وانتم ماتدرون؟؟؟
قالوا:كيف؟؟
قلت:تشجعونها على الاستمرار فيه وانتم عارفين إنه كذب!بدل ماوحدة منكم تنصحها بأسلوب أو على الأقل تذكر لها عقاب الكذَّابين..وسوء هذي المعصية وإنها من صفات المنافقين..ألقاكم تضحكون وتسحبونها في الكلام!!
سحر:يختي إنتي وش عليك منها؟خلها تقول اللي بخاطرها!!
مشاعل:ايه صحيح..باين عليها تعاني من عقدة النقص وتحاول تعوض النقص بهذا الشكل!
أنا:وإلى متى تقعد مهزأة نفسها؟؟أقاربها ماتقدر تكذب عليهم هذي الكذبات لأنها تدري مابيصدقونها..لكن إحنا تتوقع هي إنها ممكن تمشي علينا!!وبعدين تراها مسكينة تحسب إنه الكل ممكن يغير نظرته لها أو يُعجب فيها بعد مايسمع سواليفها الخيالية عن نفسها!!البنت هذي لازم تصحى!
سحر:خلاص إذن..صَحِيها بـ طريقتك الخاصة!!
والمشكلة في رشيدة هذي..إنها تكذب الكذبة من هِنا وبعد كم يوم تنساها وتألف غيرها!وهكذا دواليك!!!!!!!
رحت وراها ولقيتها واقفة في الشمس تحت شجرة...
أنا:السلام عليكم..
رشيدة:هلا وعليكم السلام...
أنا:ليش واقفة لوحدك؟؟
رشيدة:ياشيخة الواحد أحسن له يبعد عن الناس!مايجيه من وراهم إلا الغيرة والحسد!
أنا:وماشاء الله يحسدونك على إيش وانتي تقديرك في الترم الأول مقبول؟؟؟
رشيدة:يعني الناس ماتحسد إلا على التفوق؟أساساً أنا مستوايا ماانحدر إلا من كثر ماأسافر!زي ماإنتي عارفة كم مرة سافرت لأوروبا ولفيتها في الخميس والجمعة وأجي السبت وأنا مافتحت كتاب!!!!!!!!
أنا:معقول؟أجل أكيد عندك طيارة خاصة؟صح؟
رشيدة:لا ماعندنا..أسافر من المطار..
أنا:طيب تدرين إنك لو فكرتي تسافرين لأوروبا ماراح توصلين إلا بعد أيام لأنك راح تمرين بمحطات ومطارات ويتم تبديل الطيارات فيها؟؟أجل كيف لفيتي أوروبا في يومين؟؟؟
رشيدة(وهي منحرجة):لاتدققين مرة..مو كل أوروبا لفيتها!جزء منها بس!!
أنا:طيب ياترى اش عاصمة فرنسا؟وياترى إش أكثر شي عجبك في بوركينا فاسو؟؟
رشيدة(وهي تتهرب من الاجابة):اسألي أبلة الجغرافيا!وأكثر حاجة عجبتني في بوركينا فاسو أكلاتهم مرة لذيذة!!
أنا:ههههههه وتدرين إن بوركينا فاسو في أفريقيا مو أوروبا؟!
انحرجت رشيدة وقامت تغير الموضوع!!
رشيدة:انتي جاوبيني...لو خيروك بين الدراسة والزواج اش تختارين؟؟
أنا:الدراسة طبعاً!!!من ورا قلبي ترى!!ههههه
رشيدة:ليييييييه؟؟اشفيه الزواج؟؟
أنا:الزواج خير وبركة بس ماحد خطبني!تسلفيني واحد من الطابور اللي واقف قدام بابكم؟؟؟
رشيدة:لو كان واحد منهم يصلح كان وافقت عليه!بس للأسف كلهم طمعانين فيَّا!!!!!!
أنا:ماشاء الله...ليش؟اش عندك شي ممكن يطمعون فيه؟
رشيدة:أبوي كاتب لي كل أملاكه بإسمي!حتى سيارته!
(وناسية الأخت رشيدة إنه أبوها موظف عادي لاوراه ولاقدامه وساكن ببيت أجار!!لا وعنده 6أبناء وبنات غير رشيدة!!!!!)
أنا:أقول رشيدة حبيبتي؟قلبك مايعورك؟؟
رشيدة:بسم الله علي ليش؟؟
أنا:لأن كل نبضة معاها كذبة لاإله إلا الله صواريخ وتتحذف شرق وغرب!!يابنت ماتستحين؟؟كل يوم تفطرينا خرُاط وتغدينا بَكَش مشوي!1خلاص ملينا..ترى عندنا عقول!بالله اش تستفيدين من تأليف الكذبات بإحتراف؟؟موهبتك هذي لو تستغلينها في تأليف مشاهد تمثيلية للإذاعة أبرك!!
رشيدة:كلن يناظر الناس بعين طبعه ياآنسة تغريد!أنا عمري ماكذبت على أحد في حياتي!!
أنا:لااااااا صدقتك!!!أجل وش رايك أنادي قريباتك وارجعي احكي لهم كل مغامراتك اللي كنتي تحكينها لنا طول الأيام الماضية!!!
رشيدة(بـ فشلة):وش دخل قريباتي بالموضوع؟؟خلاص اسكتي وانسي!!
أنا:شوفي يابنت الناس...أنا ماأحب المشاكل..بس والله عيب بنت في سنِك يطلع منها سواليف فاضية ..البزران يستحون يقولونها!!!ومين يدري يمكن بكرة تتزوجين وتفتحين بيت وسلسلة الكذب هذي مستمرة بطبعات ونسخ جديدة!!وعاد ساعتها دوري أحد يتحملك!!
رشيدة:خلاص ياتغريد..لاتكبرين الموضوع!
أنا:هل تعرفين إنه نبينا محمد لما سألوه الصحابة عن الانسان المؤمن هل يسرق أو يزني وقال لهم نعم..ولما سألوه هل يكذب قال:لا!!!!!!!
هل تعلمين انه الرسول قال في صفات المنافقين(وإذا حدَّث كذب)؟؟؟؟
و(إن الرجل ليكذب ويتحرى الكذب حتى يُكتب عند الله كذابا)؟؟؟
(وأيكب الناس في النار على وجوههم إلا حصائد ألسنتهم)
وهل تدرين انه الكلمة اللي تقولينها كذب ممكن تقذف بك في النار سبعين خريف؟؟؟
سمعت رشيدة الكلام وكان له وقع المطارق على مسامعها وماقدرت تنطق كلمة!!!
وبنفس اليوم لما رجعت البيت زارتنا أختي طيف بالليل وتناقشنا في موضوع الكذب وحكيت لها كل ماصار...
طيف:الصراحة ماألوم هالبنت كثر ماألوم حريم متزوجات وأمهات والوحدة كل كذبة والثانية عندها هالكبر!!!
أنا:يالطيف يارب..كيف؟؟
طيف:تصدقين وحدة من جيراني زوجها سكير يضربها ليل ونهار وصياحها الكل يسمعه...وماتصدق تشوفنا قاعدين بمجلس من غير مناسبة تبدأ تحكي لنا عن زوجها وكرمه وإنه مدلعها دلع يفوق الوصف وعن رومانسياته!مع إنه ماحد مننا يسألها عنه..ولايهمنا نعرف شي عن حياتها...مدري اش بتستفيد؟؟
أمي:يمكن تبغى تلمِّع صورته قدامكم؟؟
طيف:ياأمي ماهي مجبورة...لاعمرنا سألنا عنه ولااهتمينا بأخباره..بس عقدة النقص شينة!!والأشين جارتي الثانية تشتري أطباق من النسوان وتضحك علينا في الاجتماعات وتحلف إنه شغل ايدينها ولابغينا نحرجها ونقول هاتي الطريقة..تقول:سر المهنة!!
والثالثة:زوجي أهداني ساعة قيمتها مدري كم ألف وجاب لي جوال بالسعر الفلاني..وهي أصلاً متسلفة فلوس هالأشياء من أهلها عشان تكشخ..وزوجها مادرى عنها!!!
-----بعد الكلام السابق تدرون إن الرسول عليه الصلاة والسلام قال(المتشبع بما لم يعطَ كلابس ثوبي زور)؟؟؟
المعنى:من يكذب ويزعم أن عنده وعنده وهو في الحقيقة لم يعطى هذه الأشياء كمن يشهد بالزور؟!!!