اليوم قلت لازم اتزل موضوعي بهدف النصيحه لوجه الله يا بنات انا كنت ابغى اسوي تكبير للصدر وزوجي رافض عند دكتور فرحت عند د. ثريا طاشكندي واللي دلني عليها كم بنت في المنتدى
وانها مره حبوووووووووووووبه وانا بعد زيارتي لها قلت انا ماراح اسمع كلام المنتديات والله يابنات بعض البنات ياخذوا نسبه من الدكتوره عشان يعملولها دعايه وهي تكون ولاشي السمعه الطيبه هي عملتها لنفسها والله والله والله العظيم والله على مااقول شهيد انه الحكايه اللي راح اقولها صحيحه وما زودت فيها حرف
المهم اخذت موعد وبصعوبه وهي تداوم يوم الاحد والثلاثاء من 10-12 الظهر
رحت استقبلتني كويس وما شرحتي انواع الحشوات ولا ورتني شي تقولي انتي راح احطلك 300ملم ودمعه طيب سالتها ايش الفرق بين الدمعه والدائري والله ما فهمت منها شي تقولي احلى الدمعه وطبيعي واحلى للمتزوجات وقالتلي استخيري وشوفي دا الكلام يوم الاحد
والله يابنات قلت طيب اشوف .الدكتوره مره مستعجله وما شرحت كيف راح تكون العمليه ولا الجرح من فين ولا اعراض جانبيه ولا شي انا كنت اسحب منها الكلام سحب وهي ترد بكل تكبر واستهزاء
وانا صبرت وقلت خلاص ما في غيرها
وبعد الزياره رحت ودورت في النت على انواع الحشوات واشكالها ومقاساتها اللي المفروض هي توريني كل دا انا دفعت كشفيه 200 ريال وما استفدت
المهم قررت اني احط شكل دائري 350
وحجزت عندها ورحت يوم الثلاثاء وهنا المفاجاة قالتلي ليش جيتي؟؟ ايش تبغي؟؟ انا كنت راح اعملك العمليه بكره الاربعاء وانتي ما رديتي قلت لها انا ما وعدتك انتي قلتي استخيري وردي الاسبوع الجي يالله يا بنات والله استقبلتني زي الزفت وكاني اشحت منها ومو كانه هي اللي راح تاخذ مبلغ وقدره 17 الف ريال والعمليه فوق العضل وماحتاج شد ولا شي يا بنات قهرني ومو راضيه تنزل ريال والله تقول سعر الحشوة 6 الالاف والعمليه12
وهي مصممه على شكل الحشوة الدمعه وانا مو عاجبني وتقولي على كيفك راح يطلع مو حلو وشكلها يا بنات ما عندها الا الدمعه وتبغى تمشيها مصممه جدا وجبتلها صوره بنت صدرها باين وقلت ابغى زي دي وزوجي عاجبه الشكل دا والمقاس وهي مصممه على الدمعه بعدين تقولك على كيفك لمن رجعت البيت فكرنا كويس انا وزوجي وفررنا انه دائري نبغى ما راح نخليها تضعط علينا شكله ما عندها الدائري عشان كدة
المهم رحت يوم السبت للسكرتيره حقتها وانتفقت معاها على المقاس وكل شي وقالت الدكتوره وافقت خلاص وعملت التحاليل 470 ريال ورجعت البيت مبسوطه العمليه بعد بكره وقمه الحماااااااس
وقبل العمليه بيوم اتصلت السكرتيرة تقولي الدكتوره تبغى تكلمك طبعا انا ما عندي رقم الدكتوره ولا اقدر اوصلها الا عن طريق السكرتيره المهم قالت كيفك؟ يا بنتي انتي انا مو اتفقت معاكي على المقاس كيف تغيري رايك ايش دا قلت لها يا دكتوره ما ورتيتي المقاسات ولا الحشوات انتي ليش زعلانه قالتلي
انا مو زعلانه انتي متردده وكان اسلوبها مو اسلوب دكتوره متعلمه ابدا ابدا تصرخ وتنفخ والله كانها راح تعملي العمليه ببلاش وانا ساكته مو قادره اتفاهم معاها ما اعطتني فرصه اتنفس
واخيرا قالتلي اسمعي انتي وكيفك تبغي دائري تبغي مسطتيل على راحتك وكانت مقهوووووووووووره مني مو عارفه ليش
قلت يا دتكوره يحقلي اتردد انتي ما وريتني يووووووووه يا بنالت مسحت فيه البلاط
وقالتلي ماني عاملتلك العمليه وطسسسسسسسسسسس سكرت السماعه بوجهي
ااه يا بنات قهرتني بالله عليكم دا اسلوب تتعامل فيه مع المرضي والله لمن رحت لدكاتره كتير ايش احترام والاستشاره قد ما تبغى الين تقتنعي
واخيرا احذروا يا بنات مو كل شي ينقال بالمنتديات تصدقوا والله دي تجربتي وحبيت انصحكم
واخذ رايكم
يلزم عليك تسجيل الدخول أولًا لكتابة تعليق.
لوحات
•
آغلب الدكآترة كدآ ..
وبصرآحة خصوصآ السعوديين .. صح مننآ وفينآ وبلآدنآ وحده .. بس مآ آعرف ليش شوفة النفس الغريبة فيهم !!!!!!!!!!!
يجيكي الدكتور ينفخ وقرفآن ويتكلم من طرف خشمه ومآ يبغآكي تسألي ولآ سؤال وآحد .. ويموت ويطلعك غبية وهبله وجآهله وهوآ الفآهم العآرف ويطلع أسألتك رغم آنهآ من حقك آنهآ أسئلة تآفهه وسطحية وغبية كمآن ..
السبب .. مدري !!
على عيننا ورآسنآ دكتور ومشغول وبتقآبل نآس آشكآل وآلوآن وممكن الدوآم ضغط ..
بس منت قد الشغلآنه دي لآتشتغلها دي مهنة إنسآنية بالدرجة الأولى .. آهم شي فيها الآخلآق وحسن التعآمل ...
الله لآيحوجنآ لهم يآآآآآآآآرب ويغنينآ عنهم .. ويديم علينآ الصحة والعآفية ..
الحمدلله حبيبتي آنفكيتي من وجههآ ومصدقتك في كل كلمة قلتيها لأني مجررررررربة ..
وبصرآحة خصوصآ السعوديين .. صح مننآ وفينآ وبلآدنآ وحده .. بس مآ آعرف ليش شوفة النفس الغريبة فيهم !!!!!!!!!!!
يجيكي الدكتور ينفخ وقرفآن ويتكلم من طرف خشمه ومآ يبغآكي تسألي ولآ سؤال وآحد .. ويموت ويطلعك غبية وهبله وجآهله وهوآ الفآهم العآرف ويطلع أسألتك رغم آنهآ من حقك آنهآ أسئلة تآفهه وسطحية وغبية كمآن ..
السبب .. مدري !!
على عيننا ورآسنآ دكتور ومشغول وبتقآبل نآس آشكآل وآلوآن وممكن الدوآم ضغط ..
بس منت قد الشغلآنه دي لآتشتغلها دي مهنة إنسآنية بالدرجة الأولى .. آهم شي فيها الآخلآق وحسن التعآمل ...
الله لآيحوجنآ لهم يآآآآآآآآرب ويغنينآ عنهم .. ويديم علينآ الصحة والعآفية ..
الحمدلله حبيبتي آنفكيتي من وجههآ ومصدقتك في كل كلمة قلتيها لأني مجررررررربة ..
الله يسعدك ويكتب أجرك على التنبيه وربي يسخر لك دكتورة بنت حلال ومحترفة يااربالله يسعدك ويكتب أجرك على التنبيه وربي يسخر لك دكتورة بنت حلال ومحترفة ياارب
امين
الصفحة الأخيرة
وربي يسخر لك دكتورة بنت حلال ومحترفة ياارب