ثقب في القلب

السلام عليكم و رحمة الله و بركاته
حبيباتي، كان ودي إني أكتب عن حالة بنتي من زمان، لكن لأني كنت خايفه عليها كثير، كنت اخاف أطلعها، أو أعطيها اي شيء بدون ما اسأل كذا دكتور، و الصراحة، ردت فعل الدكاترة بعد ما يعرفون حالة بنتي اتخوفني أكثر، حتى مرة أذكر انه بنتي لما كان لها 5 شهور، شربت حليب كثير، فقعدت اترجع كل اللي شربته قبل لا تنام ع الساعه 11 بالليل، و لأنها أول مولود لنا، اتصلنا ع دكتوره مناوبه بأحد المستشفيات الخاصه عندنا، نسألها إذا كان لازم انوديها ولا الحالة مش مستاهله، قالت لا عادي، إذا ماكله وايد ممكن إنها ترجع، ليش خايفين، فقلت لها إن البنت عندها ثقب، و بغينا نتأكد إنه مافي مشكلة، و من سمعتني قلت هالكلام، قالت لي (أنا مالي شغل، بنتك مريضه كثير، عرضيها ع طبيب قلب ألحين!) اتخيلو حالتي أنا و أبوها يوم قالت لنا هالكلام، سرنا بسرعه المستشفى، و في الطوارى لين يا طبيب القلب، أنا ما ظلت دموع فيني، غير إني تقريباً منهاره. يوم كشف عليها الطبيب، و شاف ملفها، قال الحمدلله، البنت كل شيء فيها طبيعي، أكلها، و شربها، و نشاطها و وزنها كله في حدود المعقول جداً، قلناله اللي قالته الدكتورة، فقال إنه في اطباء يخافون من المسؤولية.
المهم، أنا ما بين كل فترة و فترة إن شاء الله، بحط لكم معلومات عن الأطفال اللي عندهم تشوه في القلب، و كيف ممكن انه يؤثر عليهم، و علاجه، و بعض تجاربي.
فإذا كنتو مهتمين، ردوا علي فديتكم، و فالكم طيب بإذن الله.
الله يحفظ لكم عيالكم من كل شر و مكروه.