بعد الظهر بإذن الله راح أسوي تحليل حمل منزلي -
مدري ليش ذالمره عندي أمل إني أشوف الخطين إللي يقولون عنه -
طبعا دورتي غير منتظمه بالحيل متعبتني يعني مستحيل تنزل لحالها لأزم اسوي لها زفه بالحبوب عشان تشرف -:icon28:
حاولت أنظمها بس راسها يابس :mad:-
و ذالشهر قلت مارح استخدم الحبوب كيد لها:p -
و زوجي امتحني يقول نزلي الدورة لأنها مضره أن جلست أكثر من شهرين من غير ما تنزل عساها العافية -
و طنشت كلامه - و الدكتورة تقول لا تستخدمي حبوب تنزيل الدورة الا بعدما تتاكدي إنك مو حامل فصرت كل شهر عشان انزل الدورة لازم احلل حمل - سواء تحليل منزلي او بالدم -
بس أمس تفاجأت بعد ما جاء من الدوام لقيته جايب معاه التالي :
و قال حللي و كالعادة أكيد بيطلع سالب فاستخدمي الحبوب عشان تنزلين الدورة و راح -
بس انا عندي شعور غريب -
مع اني ما أحس بأي عرض من أعراض الحمل اللي يقولون -
بس اوهم نفسي و اقول يمكن مو ضروري احس بالاعراض الحين يمكن بعد كم شهر -
و احيان اقعد اطالع في بطني اقول كأنه كبر مو مثل أول - و اقول لأبو الشباب تلاحظ شيء
تحس إني متغيره تحس إني ما أبغاك أو أتوحم عليك - يمكن إنك تلاحظ شيء ما ألاحظه - و يقعد يهز راسه و يقول الله يشفيك :024:
و أحيان أحس بألم في بطني غريب و اقول يمكن سبحان الله يكون حمل -
و الله مدري
بس خايفه أحلل و أنصدم -
ابغى اجلس كذا لفتره طويله اعيش هالجو -
ما ابغى اي شيء يقطعني عنه -
شعور جميل من سبع سنين و أنا أحاول أعيشه بس عجزت لكن هالمره ربي ماراح يخيبني -
الله المستعان وش قاعده أنا أقول و أخربط -
الله يشفيني بس
يارب ثقتي بك هي حملتني إلى هذا الشعور فهو يتجدد كل شهر لأني متيقنه أن يوما ما سيتحقق أملي
و الحمدلله على كل حال ...........
دعواتكم بس اني اشوف أخو الخط اللي دايم اشوفه لوحده يارب يجتمعون ذاليوم <<
حتى انا عندي ثقة بربي انة بيكرمني هذا الشهر