السلام عليكم ورحمة الله وبركاته
ياجماعة قبل كل شي بقولكم شفلة
تصدقون انا افتخر فيكم ؟
عارفين ليه ؟ لأني تعلمت اني مااشتكي ولا اثق بااحد ابدا
ياما اشتكيت لناس واستغلو هذا الشيء وقت الغضب
وانا من النوع الي مااقدر اكتم ، لأني جربت الكتمان واثر على صحتي بعد
فأنا وربي صرت مااشكي الا لكم
انتم مالكم مصلحة تصيرون معي او ضدى ... ارتاح اذا اكتب هنا لأني اشوف الحقيقة والصراحه
واساليبكم تقنعني وان كان فيها انتقاد .. سبحان الله ماارتاح الا لما اكتب هنا وربي
ماراح اطول عليكم بس بخبركم عني انا
ياجماعه انا ماارضى على نفسي ابداً هذا الطبع فيني وانا صغيرة
بس في شي اختلف
لما كنت صغيرة مو صغيرة حيل يعني في وسط سن المراهقة
اذا انظلمت او صار عندي موقف او مشكله وعارفة نفسي اني مو غلطانه ، كنت احاول ادافع عن نفسي
لكن في النهاية استسلم واقولهم خلاص معاكم حق لا واعتذر منهم بعد .
ياجماعه هم تمادو معي وصلت لمرحلة مااقدر ادافع عن نفسي دايماً اقول اني انا غلط وانا لا
يعني عودتهم علي اني اكون كذا بس عشان ارضيهم .
طيب صارت مشاكل ضخمة ماينسكت عنها وكذلك اطلع انا غلطانه
انا السبب انا عودتهم علي ماكنت اخسرهم لما اسوي كذا بس كنت اخسر صحتي وكنت احس اني ولا شيء بهالدنيا .
طيب لما كبرت اقصد في هالاربع سنين الي مرو لحد الآن
انا تغيرت علشان انا قاعدة اموت بالبطيء
صرت بالعكس تغيرت تغير كلي
اذا انا مو غلطانه مستحيل استسلم مستحيل والله لو وش يصير
مااتنازل واتحدى واانا واثقة كل الثقه بنفسي
وربي مااتنازل ، لكن الأهم شي ضميري ، ولازم افكر ولو كنت غلطانه فعلاً ارجع واعتذر واتنازل مافيها شيء
حتى لو بعد عشرة ايام وانا ماأتسرع
يعني اذا عارفة روحي ان انا مو غلطانه مستحيل ارضيهم واحط الغلط على نفسي من فتره ابغى اتجنبهم بس مو قادره كنت ساذجه وعلى نياتي
الحين شافو عندي وجه ثاني لا والله مو كفو وحده تسوي لي أي شي
وصارو يحاربوني ويتكلمون علي ، مستحيل تشوف نفسها غلط مستحيل ابداااا والحين لحالهم صارو يتجنبوني
واذا شافوني احس يحترموني وربي لكن يتكلمون من وراي ! مدري هم كيف كذا
بالله منهو فينا مو كذا يشوف نفسه موغلط اذا تكلم , من الي يجيب لنفسه المشاكل
ولو هو غلط ليه يتكلم اساساً ؟؟؟؟؟؟؟؟؟؟؟؟؟
لو انا بغلط ليه بتكلم من الأساس ، وقلت واكرر انو انا لو غلط مستحيل يضيع حق احد ارجع واعتذر
يعني يبغوني ارضيهم زي اول ؟؟؟؟
يمكن خمسة الي يحكمون علي كذا وانا يجيني تفكير اقول ممكن انا صدق كذا ؟
ولا لأني عودتهم علي شي وتفاجئو فيني . وربي ماابالغ واحاول اتفاهم واجيهم بكلام حلو بس مافي فااااايده معاهم
ولا هم عندهم مبدأ ان .......... شوفي مو بس حنا نقول حتى فلانه قالت عنك كذا يعني هااه فلانه قالت عنك يعني صدق يبغوني اتنازل بس يحلمون
واذا تبغون الصراحه ان هم الي مايشوفون نفسهم غلط مو انا
يعني مهما بلغ عددهم انا مقرره اني مااتغير عن هذا الطبع لأني خلاص مو قادرة اتحمل
وماارتحت الا الحين صراحه
لأنهم وصلو لمواصيل ماينسكت عليها صراحه زي ان وحده حاطة العداوة على وحده ثانية وحاطة العداوه علي بعد تروح تألف قصة وتبلشني ان انا الي مألفتها وكنت انهي الموضوع واخلي القصة تمشي,, وانا لازم اكافح هالشي ولو مااسوي كذا ممكن اموت قهر
وانا عندي دراسه مأثر علي التفكير حتى في دراستي
مو قادرة اركز ولما سويت كذا صرت ادرس وزادت ثقتي بنفسي
ومو بس كذا اذا مدحت نفسي بشي ياويلي منهم ياويلي
يقولون لي ثقتك بنفسك مصيبة والله وانا الكل يمدحني وانا مقتنعه بنفسي بس هذوله ومو كلهم يمكن ثنتين منهم
ماكنت ادري عن هالمقوله بس اعجبتني
ليس المهم أن ترضي الناس بل الأهم أن يرضى ضميرك .
والحين انتم وش رايكم ؟
يلزم عليك تسجيل الدخول أولًا لكتابة تعليق.
الصفحة الأخيرة
غرور ومكابرة اما لانك انتي وصلتيها بشكل او غلط او هم فاهمين غلط الله اعلم
لكن اذا كانو هالناس يهمونك او صديقاتك فالافضل ما تخلين هالامور معلقة
حليها وشيلي سوء الفهم الي حاصل ..
شوفي وش بالضبط الشي الي خلاهم يقولون عنك هالحكي
وبرري موقفك واقنعيهم لازم تكونين شاطرة بالاقناع
قلتي الي عندك اقتنعو كان بها ما اقتنعو على راحتهم