ثقتي صفر والسبب

اول شي قبل أبداً موضوعي
بنات والله اللي مالها خلق تقرا او
منفسه تسكر موضوعي ولا تفش
غلها هنا انا ماجيت هنا الا مافي احد اقدر اصارحه
باللي فيني أنا كبيره بالعمر أولا ٣٠ سنه
ثقتي بنفسي من ايام ماكانت طفله صفرررررر
والسبب اني شينه !!
اي هذي الحقيقة الله ماعطاني مسحة جمال
يعني فيه بنات يعتبرون مقبولان
مو جميلات يكون فيها بياض او شعر
حلو او ملامح حلوه او شي حلو انا ابددددد
والمصيبه الأعظم اني نسخة ابوي اخذه ملامح ابوي
من سمار بشره وشعر خشن وملامح
جاحظه وأنف كبير وفم كبير وبارز وزياده
على كذا عيوب بشرتي زياده على سماري
حبوب شباب اثار وحبوب وجروح من
حوادث صارت لي خاصه رجلي شبه مشوهه
من الحروق والجروح دخلت الابتدائي وتعرفون
بنات صغار كيف التنمر انتي شعرك خشن
انتي قبيحه اني سمراء زي شغالتنا انتي شعرك
منفوش هذا انتي شعرك زي شعر الخروف
هذا اللي كنت اسمعه كبرت وجو خوات
بعدي لكن تدورن ايش اللي جد كسرني
وخلاني جد ثقتي صفر خواتي غير عني ١٨٠ درجه
خواتي بياض شعر حرير وعيون عسليه وجسم
طول ورشاقه
طالعات نسخة امي وخالاتي لدرجه خالاتي ينسبون
خواتي لهم وانا يقولون هذي طالعه على عمانها وأبوها !!
زادت عدم ثقتي لما كبرو خواتي وصرت اشوف الحريم
وهم عجز يقارنون بشكل جارح بوسط المجلس
زي فلانه ماكانها اختهم فلانه من طالعه عليه موب
مثلكم!! يقصدوني اني شينه موب مثلهم زادت عدم ثقتي
بنفسي لما اشوف خواتي اللي انا مربيتهم صارو
يخطبون وانا كاني جدار وجودي وعدني واحد مع اني مو
ميته على الزواج لكن شعور النقص اني ناقصه
عشان كذا مايخطبوني يجرحني لما ولد اكبر مني بسنتين
٣٢عمره ويروحون يخطبون له اهله اختي ام ٢٢او ٢٠ شي جارح
غير التمسخر من خالاتي وبناتهم اني شينه وان الرجال يدورون الجمال لدرجه مره وحده قالت
فلانه لو جيك شايب خوذيه لاتتاملين تاخذين ولد ترا
حتى الشين يبي حلوه !!
وكان الرزق بيدينهم طيب انا وش ذنبي !!
انا خلقت نفسي ؟؟
بتقولون اهتمي راح عمري وانا اهتم واصرف فلوس
بالمقابل تغير يصير بشكل مو ملحوظ
زي شعري ليفه لما اسوي بروتين كم شهر ويروح
ويرجع ازفت من قبل يعني حتى وانا مسويه بروتين
مايجي زي شعر خواتي الحرير
بشره عالجت ونفس الشي فتره ورجعت
الملامح خلقه خشنه وجاحطه ماتتغير
مهما اهتميت
جسمي خلقه قصير مهما سويت ماراح اصير طويله
او ع الاقل بطول مقبول
والله ان حتى امي ماتحب تمشي ولا تجلس معي
بالعزائم عكس خواتي تترزز فيهم كل هذا لانهم حلولًا
عانيت من الطفوله من تنمر وكره ومن مرغوبة
بدون سبب كل السبب ان ماعندي جمال
اقسم بالله واحطها بذمتي اي احط
بقولك الجمال مو مهم كذااااااااااب
كلن يدور الجمال اهلك لو انك جميله دلعوك واستعرضو فيك
الناس لما يفكرون يخطبون اول شي يفكرون فيه الشكل
والجمال
الزوج مايجيب راسه الا الجمال
البنت حتى لو انها أخلاقها شينه ونفسيه
زوجها بيحبها عشان شكلها لو فيها غرور الدنيا وهالشي شفته بعيوني
لكن الشينه لو اخذت زوج ويوم بس شافوه
صلح لها شي قالو من زينها منهبل فيها على ايش !!
مره وحده يقالها تنكت من أقاربي
قالت تخيلو فلانه
تقصدني
تأخذ احد مانتوقعه تأخذ من ناس فوق
اقسم بالله الخالق ان كل البنات جلسو يضحكون
واللي تجدع كلمه بدون شعور
زي الجميلات اخذو منتفين وشئون تبين فلانه
تأخذ احد كذا
فلانه زين ان حصلت عامل
فلانه مالقت شايب حتى يرضى بها متخيلين
ارجع وأقول بتقولون اهتمي
انا جت فتره اهتميت بشكل كبير لكن التغير
٢٠ بالميه فقط بالمقابل خسرت الاف
وانا ماعندي ميزانيه عشان كل شوي اهتم
ليش انا من بين كل الناس اللي لازم ادفع
واصرف عشان اعدل شي غيري جايه بدون تعب !!
ايش ذنبي شعري خشن ؟
ايش ذنبي بشرتي سمراء ؟
وكلها عيوب
ايش ذنبي جسمي وشكلي كذا
استغفر الله قسم بالله مابي اقول هالكلام
لكن دايم يجيني هالكلام من قهري ليش انا بالذات
او ع الاقل ليش مانخلقت عند ناس كلهم شئون
ليش عطاني الله خوات قمه بالجمال وانا قمة بالشين ؟
وايش يقهر خواتي ملكات جمال
بالمقابل
مو مقتنعين بأشكالهم اللي تقول ودي اسوي بشكلي
كذا واللي تقول ياحظ فلانه حلوه طيب انتم ملكات
جمال تقولون كذا اجل انا ايش اقول!!
اقسم بالله جاني هوس الجمال بدون شعور
لما اشوف بنت حلوه صرت زي الولد اتنح فيها
وأقول بنفسي ماشاء الله حظها
هذي الدنيا بتجي على كيفها هذي لو تحب
حبيبها بيتخرفن من صوره
هذي لو تتزوج زوجها تحت رجولها بيكون من جمالها
هذي اهل زوجها واهلها بيترززون فيها
هذي حظها كل مادخلت مكان كل الناس عيونهم عليها
كذا كل ماشفت حلوه هذا وضعي صاير
بس اكلم نفسي لما اشوف شكل بنت حلوه مع اني اذكر الله الخالق عليها لكن من داخل نفسي
تجيني غيره وش فيها لو الله خالقني نفسها؟
ليش انا كذا وهي كذا ؟