السلام عليكم....
انا دائما اثق في بنات حواء..
خواتي الله رزقني بمولد ولد ربي يحفظه و يخليه،واليوم كمل شهرين ما شاء الله، بس انا مشكلتي مع عيالي يرفضون يشربون حليب ، لدرجة اني تعبت ونفسيتي تعبت ابغي حل مع عيالي، هدا ولدي الله يحفظه كان يشرب ضدري دقيقة ويرفض و يصيح وطول الليل والنهار واعي، دخلت له الرضاعة الصناعية على اساس اني بداوم ، عطيته رضعه وحدة بس و ما شاء الله تقبل الرضاعة ورفض صدري،قلت خلاص بعطيه صناعي وخلاص المهم انه يشرب، لانه يوم يشرب من صدري على طول يستفرغ و يصيح و يشرب دقيقة و يترك صدري،جلس يشرب الصناعي اسبوع والحين من 4 اسابيع هو رافض الطبيعي و الصناعي ، صدقوني خواتي نفسيتي تعبت لدرجة اني افكر وافكر و تجيني افكار و متصايقة طول الوقت ومهملة بيتي و عيالي و زوجي ،خلاص قرب انجن ما ادري كيف اتصرف طول الوقت ولدي في حضني واحاول اعطيه حليب ،بس هو رافض انتظر متى ينام وادخل الرضاعة في فمه، يعني كل 6 ساعات يشرب 60 مل وهو نام طبعاً ، و سهر طول الليل لانه جوعان ، والله تعبت ما ادري كيف اتصرف ، تعبت من كلام الدكاترة والمشكلة ما في احد مصدقني ، اللي عندها خبرة او حل تفيدني الله يخليكم، واحتاج دعواتكم الله يحفظه و يشرب حليبه لاني خلاص بنجن ، مع العلم ولدي كان نفس اخوه وبعد رفض الحليب و تعبت معاه واااايد، ساعدوني الله يخليكم وادعوا الله محتاجة لكم يا بنات حوااااء
حبيبة ** ** @hbyb_3
عضوة جديدة
يلزم عليك تسجيل الدخول أولًا لكتابة تعليق.
روابينا
•
عزيزتي تأكدي من ان طفلك مايآخذ هواء مع الرضعه ..لان معدته تمتلئ بالهواء فتسببله الم ونفس الوقت يقرف من الرضع ..فأنت حاولي على طول تضعيه على كتفك وتربتي بهدوء أعلى ظهره وبين الكتفين بحيث معدته من الأمام تكون على كتفك انت
هذه اكثر اسباب عدم نوم الأطفال ليلاً وعدم الرضاعه بكثره
الله يحفظه لكم
هذه اكثر اسباب عدم نوم الأطفال ليلاً وعدم الرضاعه بكثره
الله يحفظه لكم
كلي رجاء
•
الله يفرج همك ...معقولة مايرضع طيب طول الوقت جوعان
وولدك الثاني كيف سويتي معاه الين كبر الله يعينك
وحدة من القرايب صار في واحد من عيالها كذا بس هي الله يهديها
كانت ترضع وفي جمعة حريم ومن بعدها الولد ولا يمسك لا صدرها
ولا رضاعة ابد ابد تدرين اش تسوي تعطيه الحليب بقطارة الدوا
الين بدأ ياكل فتأكدي ان ما احد شافه وهو يرضع يعني اقري عليه
واذا صرت ترضعيه لازم تكوني هادية ومرتاحة لان الطفل يحس بتوتر
امه خصوصا الاطفال العصبيين يتفاعلون مع توتر امهاتهم وما يقدر يرضع
ورضعيه شوي وارفعيه وهكذا الين يخلص ولاتيأسين ولازم لازم يرضع
كل ساعتين ...ياقلبي عليه 6 ساعات كثيرة مايرضع بالله انتبهي عليه
الله يخليه لك ويأجرك ولا تنسين القرآن اقري عليه يهيديه
وولدك الثاني كيف سويتي معاه الين كبر الله يعينك
وحدة من القرايب صار في واحد من عيالها كذا بس هي الله يهديها
كانت ترضع وفي جمعة حريم ومن بعدها الولد ولا يمسك لا صدرها
ولا رضاعة ابد ابد تدرين اش تسوي تعطيه الحليب بقطارة الدوا
الين بدأ ياكل فتأكدي ان ما احد شافه وهو يرضع يعني اقري عليه
واذا صرت ترضعيه لازم تكوني هادية ومرتاحة لان الطفل يحس بتوتر
امه خصوصا الاطفال العصبيين يتفاعلون مع توتر امهاتهم وما يقدر يرضع
ورضعيه شوي وارفعيه وهكذا الين يخلص ولاتيأسين ولازم لازم يرضع
كل ساعتين ...ياقلبي عليه 6 ساعات كثيرة مايرضع بالله انتبهي عليه
الله يخليه لك ويأجرك ولا تنسين القرآن اقري عليه يهيديه
الصفحة الأخيرة
آلله يفرج همك