هــيــفــاء 1400 @hyfaaa_1400
عضوة فعالة
ثقل وقت الصلاة ما السبب
بسم الله الرحمن الرحيم والصلاة والسلام على حبيبنا محمدصلو عليه يا اخوات اتمنى القى اجابه لحالتي عندكم تكفون انا اعوذبالله من قول انا كنت نشيطة نظيفة ما احب اجلس بمكان حوسة وبعدين تزوج زوجي وسكنت لوحدي بشقة على قدي انا وعيالي يارب يصلحهم ويعوضني فيهم خير قولو آمين طبعا اللي تزوج عليها زوجها بتحس بالظروف اللي مريت فيها من ضيقة صدر ودموع وعصبية وتطنيش الزوج بما انه فرحان بالعروس الجديدة جلست فترة مجتهدة بشقتي وبعدين اهملت ولا عاد اهتم بشي ابدا حتى بيتي حوسة وزوجي يعلق ويقول انظفي ونظفي وانا ولا كأني موجودة ما اقدر انظف احس بكسل غير طبيعي اقوم علشان انظف اناظر المكان وارجع اجلس واحيانا ابكي ودي انظف ودي اغير من نفسي وبيتي ما قدرت هذي تهون عند تركي للصلاة بعد محافظتي عليها والمحافظة على الاذكار وصلاة الفجر اصحى لوحدي عليهافجأة تركت الصلاة وحاولت اصلي لكن اقسم بالله يا اخوات احس بثقل يالله مش طبيعي اجلس ما اصلي واذا غصبت نفسي اصلي يومين واترك شهرين عارفة عقوبة تارك الصلاة ولكن غصب عني متضايقة مرة من حياتي لا صلاة ولا نظافة مليت من نفسي ودي اتغير ساعدوني لو بدعوة لعل فيكم صاحب دعوة مستجابة واللي مرت بنفس حالتي تنورني وتكسب اجري وتتوقعون فيني حسد فيني شي اكسبو اجري لو برفع الموضوع ترى كتبت وانا مستعجلة اذا كلامي ماهو مرتب اعذروني اللهم اغفرلي يارب
18
12K
يلزم عليك تسجيل الدخول أولًا لكتابة تعليق.
الله يعينك يااختي هذي اعراض الاحباط والاكتئاب بسبب زواج زوجك وعدم اهتمامه فيك انا حاسه فيك لان زوجك ماعاد يهتم في بيتك صرتي برضه كسلانه مو مهتمه لانك تقولين في نفسك ارتب لمين واتشيك لمين وهذي اعراض نفسيه يدخل فيها الشيطان ويحبطك اكثر ويخليك كسلانه ويخليك تكرهين دنيتك اكثر خلي قوتك اكبر انا مريت بنفس حالتك بس زوجي ماتزوج لا كانت بينا مشاكل بسب النت واهملت نفسي بس الحمد لله رجعت مثل اول عشان زوجي تغير وصار يهتم فيني اكثر قمت انشط مثل اول تقربي من زوجك وصيري احلا من اول وتغيري وان شاء الله بتشوفي الفرق والصلوات لا تهمليها هي نجاتك اهم شي لا تكثرين سهر بالليل وتنامين بالنهار هذا العامل يخليك تهملين الصلوات كلها واذا بتروحين لاي شيخ روحي عشان يسويلك روقيه يمكن برضه يكون حسد مع عين ربي يهديك ويوفقك مع زوجك امين يارب من قلبي والله ادعيلك ياعمري ويبعد كل وحده عن كل مكروه
الصفحة الأخيرة
أرقي نفسك وحاولي تصلين وتقوين نفسك الله سبحانه وتعالى يحب المؤمن القوي
والله يشفيك ويصلح عيالك ويعوضك بحياتك خيرا...