.: كبريائي ما يوصل لك غرامي : .
& كبريــــاء فــي الحــب &
يومي أسمعتك صوتي والســــلام
ماسمعته ياحبيبي من وله . . والا غرام !
أبد . . حبيت أسلم عليك قبل ما أنام . !
....................
يوم سرحت عيني بعينك . .
واسلهمت في رموشك . .
ماكان من هوى فيني . . ! ولا من هيام !
كنت برسم عين . .
اسحرتني بالمنام
قلت اقلد رسمة عيونك ..
كيف تحضنها جفونك ؟
كيف شعت بالسحر ؟
كيف رنت بالجمال ؟
أبد ماكانت من وله . . والا غرام !
.....................
يوم جيت أسأل عنك في الجموع . .
ويوم شفتك وهلت في لحظتها الدموع . .
ماهي حزن .. !
وماهي فرح .. !
أبد ماكانت وله .. والا غرام !
هي بس غارت مني . . وحبت تقول للغايب :
ســـــــــــلام
يوم اني كتبت اسمك . .
وقمت اخط في حرفك وأعيده ..
ماكتبته في قصيدة !
مانقشته في القوافي ..
ولا ارسلته لجريدة ؟
كنت بجرب خطي الموتور ..
يمكن اسمك ابحلاته يزيده ؟
.....................
يومي شديت الرحال ..
وساقتني العزيمة
ماكنت مقصد ترحالي . .
ولا عشانك طويت المسافة . .
والصعب المحال !
بس حبيت أوصل لك ســــــــلام
....................
يومي اخترتك ولا حبيت غيرك ..!
ماعجزت أختار غيرك ؟
أبد . .
بس كنت خايفة من الزحام !
ومن كثر الكلام
قلت حبيبي بس واحد ..
وعلى الباقي الســـــــلام !
.....................
ماكتبت اللي كتبته من غرام
ومانشدت اللي نشدته. .
لاجل أوصف لك شوق ظامي
أبد ...
كبريائي ما يوصل لك غرامي . . !
وبالختام
حبيت أقول لك إفهمها. . والســـــــــــــلام
:26:
. : سجــل اعترافــك : .
(1)
في نهارك . .
تتناسى وتتجاهل . .
وتجحد كل المشاعر !
وتمشي مرفوع الهامة
وبطرف عينك .. تناظر !
*
*
*
في بالك انك . .
فوق جبر الخواطر
فوق انك . .
تتقبل معاذر
*
في بالك انك . .
جبل ساخر
من هدير الوادي
ماتهزه ريح الشمال
أو سيل مو عادي
*
في بالك انك . .
صقر طاير
يشوف غيره جرادِ
في بالك انك . .
غير هالبشر
ماتهزمك نظرة حنان
أو طوفان المشاعر
في بالك انك . .
لابس أثواب العز
مايذلك طرف ساحر
يكفيك ياشايف حاله . . يكفيك مكابر !!
*
*
*
مستحيل تعترف ان قلبك مهزوم ..
ويكابر
مستحيل تعترف ..
حتى لو افضحتك المحاجر
*
مستحيل تعترف ..
انك في بحور الحب منجرف
مستحيل تعترف ..
وشلون تعترف ؟؟
وانت مازلت تكابر ؟؟
وفي كبرك محترف !
***
**
*
(2)
يستأذنك ليلٍ طويل
ليل الوحدة والألم
ليلٍ يبين حقيقة المنهزم
وتبدأ عذاباته تضطرم
المشاعر اللي كذبها بنهاره ..
قدام عيونه ترتسم
*
وتبدأ ..
تسخر من نهاره
تسخر من فارس
ماتزود بغير الألم
*
*
*
ويظهر له الحب
(زعيم المشاعر)
بلونه الوردي
يفتق جرح غائر
جا له بصفحة اعتراف
جا له يقول بنبرة حنان :
سطر فيها ولا تخاف
اعترف ..
انك محب .. ومايحب يعترف
اعترف انك مكابر
انك سجان المشاعر
اعترف اني هزمتك . .
في نهاية المطاف
*
وقع الحين . .
في سجل العاشقين
انك محب ومعترف .. باجمل اعتراف !
***
**
*
التوقيع انا في الحب مختلف
:26:
كلمات لم تكتمل ...
قطعت منك حبالي
ومنيت بزين الوصال
لا تسأل لا تسبر خيالي
قررت اعيش بحالي
مادام حبيبي مايبالي
حالي تبكي آمالي
تبكي الوعود اليابسة
تبذل دموعٍ يائسة
تشكي بصمت العيون حالي
0000000000000000
الطريق اللي بيني وبينك
تاهـ بين حرماني وصدودك
تاهـ بين صمتي وغفوة عيونك
الطريق اللي خبرناه ماعاد الطريق
اوحش وصار في الزحمة غريق
الزهور اللي سقيناها سوا
لونها اللي رعيناه اول.. ذوى
الافق اللي نظرنا له بأمل
وابتدينا عنده بخطوات الخجل
ماعاد نفس الافق ولا نفس الامل
0000000000000000
بعدك سحبت مسافاتي ورا
وبنيت سدودي سرا
بعدك ضمتني وحدة جدراني
ورددت ونات حرماني
ورددها صدىً حاني
ردد معي : شتتني زماني
00000000000000000
ان كان حبك قمر
في سماي ازدهر
في سكرة الحب .. امسى بدر
مصيره ينحسر
ومصير الليالي تظلم اخر الشهر
0000000000000000
حبك وان عاش بصدري
وان كانت تحرسه الضلوع
وتمسح حرمانه الدموع
اليوم ..اليوم بس كفنته
وبكيت اجمل احساس
يوم اني دفنته
:26:
00000000000000
الحزن ما خلاها تكتمل
مناير العز @mnayr_alaaz
عضوة شرف في عالم حواء
يلزم عليك تسجيل الدخول أولًا لكتابة تعليق.
من جد روووووووووووووووعة تسلمين ياحبيبتي الله يسعدك استمري في الكتابة سوف اكون نتابعة لك بشغف
الصفحة الأخيرة
شكرا لكِ :)