والله هالموضوع شاغلني واااااااااااااااااااااااااايد
انا بنتي الكبيرة(6 سنوات) ما ترضى تنام بغرفتها وافرش لها على الأرض
وبنص الليل لازم تجي على سريرنا
وبنتي الصغيرة (3 سنوات) نفس الحكاية تنام بسريرها وبالليل تشرف معانا
وانا صايرة مثل الـ(هوت دوغ) داخل سندويشة :06:

تدرون ليش لأنكم في النهار تعودونهم تدخلونهم غرفتكم...انا اذا صار عمر الطفل 4 شهور طلعته عند الخدامه وتنام معه باالمقلط لأن 4 شهور يكون ضبط اشوي نومه ومايتقلب كثير مثل ابو شهر علشان مايزعجها وهي عندها شغل الصباح
وزوجي هو اللي يجيبهم احيانا وانا اطردهم :27:

بارك الله فيك

ومشكورين وحده وحده على مشاركاتكم اللطيفة والحلوووووة

والله يعينكم

أختكم القصيمية

ولدي لسه صغير عمره 6 شهور لكن ماتخيل اني انومه بغرفه ثانيه

طيب لا سمح الله صارله شي ولا جاته سخونه و انا مدري عنه

ماقدر اخليه ينام بغرفه لحاله الا لم يتعلم يمشي عشان لو حس شي يجيني

بعدين غلط انك تطردين طفلك لو جاء ( ترى انا اخصائيه نفسيه )

لأنه ما يجي الا لما يبغى يحس بالامان بحظنك فلا تحرمينه من هالاحساس

انا عندي 4 بنات الله يخليهن لي :27: كل بناتي الحمدلله ينامن بسرايرهن يعني الكبيره 6 سنوات و5سنوات و3 سنوات بغرفه بيني وبين غرفتهن باب من داخل غرفتي ( يعني فاتحه باب لهن من داخل غرفتي ) وبنتي الصغيره سنه وثلاث شهور معاي بالغرفه بس طبعا بسريرها
تدرون احسن شي من الولاده تعودين الياهل ينام بسريره لانه اذا عودتيه حتى لو بالاربعين ينام عندج ماراح تفتكين منه بيتم يصيح لين تجيبينه عندج والضحيه في النهايه خصوصية العلاقة الزوجية :(
انا بكل بناتي اعودهن من الولاده ينامن بسرايرهن ماعدا ام 3 سنوات تعبت بولادتها وايد وهي الله يهديها من النوع الصياح :06: يعني ماتسكت الا اذا حطيتها بحضني ورضعتها وتم زوجي يتضايق من صياحها طول الليل ويترجاني اجيبها عندي على السرير عشان يقدر ينام وياليتني ماسمعت كلامه :07: حضرتها محتله سريرنا لين اليوم لازم تنام معانا اول شي وبعدين اشيلها واوديها لسريرها بس بعد مرات تقوم الفجر او نص الليل ومادري فيها الا وهي لاصقه بظهري :08:
صدقوني معاناه الله لا يراويكم يعني خصوصا بالاربعين كنت كله اقوم مفزوعه عبالي حطيت ايدي او انقلبت على بنتي ومره انحشرت تحت ظهري وكان ايام برد وانا احس بدفا واثريها بنتي تقريبا تحت ظهري الله ستر مافطست :11:
من يومها حرمت انيمها عندي بس ابوها الله يهداه يقولي حرام خليها لين تنام وبعدين وديها سريرها لانها بتقعد تصيح وتنكد علينا :baby2: :mad: