ثلاثينيات وأربعينيات هيا نحافظ على جمالنا/ لا يخص القسم

حلووووو موفقه يارررب

حلوووووو ترا اهممممم نقطة هي الترطيب الداخلي والخارجي الداخلي بشرب المويا والخارجي بكريمات الترطيب وافضلها جلوسليد مع موية ورد وزيت لوز ونص ملعقة زيت فيتامين اي تخلطينها وتحطينها قبل النوم
في الصباح تغسلينها بالخلطة الصابونية وتستخدمي لوشن ٢١البرتقالي مرة روعه
كماان الريااضة شي مهم
وتقشير الجسم مرة بالاسبوع
واي سؤال انا حااضرة

نظامك الجديد ماشاء الله روعه شدي حيلك واعزمي على التغيير وحبي نفسك اهم شي والله اكتشفت من اسرار النجاح والاهتمام في كل الأمور هو حب الذات بدون انانيه او تعدي على الغير طبعا
وقت ما تحبين نفسك ينشأ دعم تلقائي من داخلك يحفزك للتقدم والعزم والمثابره
في كنوز ومناجم ذهبيه بدلك عليها انا جربتها شخصيا في فتره قررت اتغير فيها زيك الان وموضوعك حفزني ارجع اهتم زي اول الله يقدرنا ويكرمنا يارب لان فترة الإحباط والتعب مرت على كل الناس وانا اختك عانيت منها زيك لكن لابد نرجع نوقف باصرار وعزم من جديد
المهم ياستي اول شي زي ما قلتي كثرة شرب الماء لان الماء يزيل سموم الجسم
والشي الثاني منجم اسمه الحلبه لاتخافين من ريحتها في موضوع في النت اسمه كابتشينو الجمال بنسخة لك
والله العظيم انه مشروب خرافي ينقي الدم وينور البشره ويصفيها
والشي الثالث الشمر راااائع في شد الجسم انا مجربته بنفسي قسم بالله اني شفت مفعول منه افضل حتى من التمارين الرياضيه والمشي ما استهين بالرياضه ولا اعرف اذا غيري حيحصل على نفس النتيجه اللي نلتها لكنه فعلا عجيييييب
والرابع زيت الزيتون والله العظيم انه يخلي بشرتك زي البيبي ناااعمه قبل الاستحمام اعبي جسمي واجلس على كرسي بلاستيك عشان لا ينعدم الكنب وغسله سهل واتفرج عالنت ساعه 2 قد ما تقدرين خليه يطول واغسليه بصابون الغار ولو حبيتي استخدمي صنفرة يوكو واتفرجي على على نفسك ماراح تصدقين النتيجه
انا من الناس اللي ما احب الكريمات للأسف . احس انها تزعجني ولا تنشف لذلك اشوف زيت الزيتون حل خرافي لوحده مثلي
استخدمت زيت الزيتون بعد ما سمعت دكتور يقول في احد الدول حتى كبار السن جلدهم ناعم غير مجعد والسر كان في انهم يدهنون جلدهم بكميه وفيره كل أسبوع وينامون بالزيت ليله كامله عشان البشره تمتص الزيت وترطبه . بس حسيتها صعبه اللحف بتتوسخ وغيرت الطريقه
ياليت تقرين الرقيه على علبى الزيت كذا بتكون النتيجه افضل ان شاء الله ودايما استغفري وصلي عالرسول والله يكرمك ويغير حالك لاحسن مما تتمنين
وشوفي ياسيتي هذا موضوع كابتشينو الجمال نسخته لك ولااااا تنسيني من دعواتك

بأدخل في السالفه دووغري .. بنآت من كم اسبوع جونآآ ناس من جماعتنآ من المدينه وجلسو عندنا كم يووم .. وكانو الحريم جالسين ويتحكوون عن البوتاكس والميزيو ثيربي وهالابر اللي الحريم طابين فيهآآ والا وحده من الحريم الكبااار تصير عمة ابوبي ماشاء الله كبيره جدا في السن ربي يحفظها .. تقول والله احنا زمان لا نعرف لا ابر ولا شي ماكنت اشرب بناتي الا مشروب التمر والحلبه وماشاء الله وجيهم من صغرهم مليانه والبيااض والخدود مورد من غير شي
عاد انا حطيت الاسم في بالي
بعدها بكم ايووم اروح احووس عند الحرمه اقولها خاله وش هووو مشروب الحلبه والتمر اللي قلتي عنه الا قالت لي عالطريقه .. لي اسبوعين مجربتهااا .. والله العظيم يابنات وجهي ولله الحمد صفي مرررره وخدودي وردت وربي شاهد علياا والصفار اللي في وجهي راااح .. بشرتي فاتحه ماشاء الله تبارك الرحمن بس كان وجهي مصفر كانوو مو نايمه ولا اسهر طول اليووم غير الحبوب اللي كل ماتروح وحده تطلع الثانيه ولونه مرره مرقع
والطريقه هي : تغلين الحليب على النار وتضيفين 5 حبات هيل .. مع ملعقة اكل حلبه وتخليه يغلي الين يصير لون الحليب مايل للبيج بعدين تصفيه وتحطيه في الخلاط وتضيفي عليه التمر اي نووع ماتفرق بس انا للامانه حطيت معاه عجووه وتخليه في الخلاط الين تتطلع الرغوووه ويصير مثل الكابتشينوو طعمه لذيذ مرره والحلبه ابد مو باينه ولا طلع لي ريحه ولا شي ممكن عشان الهيل ضيع ريحة الحلبه
كنت اشربه مره في اليووم عالمغرب ..
وكل صباح اشرب هالمشروووب اللي هوو مويه تخلطيها مع ملعقة موية ورد وملعقة عسل وعالريق ونصحتني بعد اسف زعتر عالريق كل يووووم والله العظيم طلع لي خدووود في اسبوعين بس ووجهي صفي وبياااض ماشاء الله كنت اشتكي من صفرة الوجه .. والهالات السوودآآآ للأمآآنه خلال هالاسبووعين زدت 2 كيلوو هذا اللي لاحظته .. انا ماتفرق معاي لاني كنت ابي اسمن واستخدمت لوجهي صابونة الكركم اللي باوصله لكم حبايبي انه اهم شي العنايه من الداخل .. وربي وجهي كان مرقع الوآآآن ماخليت شي ماحطيته .. مع ان جسمي لوونه حلو الحمدلله ماخليت تقشير .. كريمات تفتيخ خلطآآآت للوجه اللحين اتأكدت ان العلاج علاج داخلي .. عشان خلايا الجلد تتجدد والدم يمشي في الوجه ويورد بعدين نستعين للكريمآآآت حبيت اقوولكم تجربتي لأني والله ماكتبت لكم الموضوع الا بعد ماشفت النتيجه على نفسي
..

كلي كيوي كل يوم حبتين وكلي طماطم وحبحب أو بطيخ واستمري اقل شي اربع اشهر والله بشرتك بتتغير واشربي مويا وحبي نفسك سوي رياضة وماسكات مارح تشوفين التتغير الا بعد أشهر مو شهر او شهرين بس انتي اصبري وادعي الله واقري اذكارك واستغفري وسبحي ع طول

موضوعك جميييل