السلام عليكم ورحمة الله وبركاته
لأني أستفدت منكم كثير حبيت أفيدكم بتجربتي البسيطة في نعومة بشرتي ونظارتها وبطرق معروفة وبسيطة وفي ثلاث أيام فقط....
هذي الطريقة تسوينها كل شهر مرة او مرتين اللي انتي تحبينه.....انا اسويها في الشهر مرة وحده بعد الإنتهاء من الدورة.....
اليوم الأول:
سويت حمام مغربي لكامل جسمي بطريقة بسيطة جدا ومختصرة لأني الصراحة ما أحب أطول في الحمام وطريقتي هي كالتالي:
دخلت الحمام وصبيت على جسمي الماء الدافي المائل للحرارة ولمدة عشر دقائق وبعدها وضعت الصابون المغربي لمدة عشر دقائق وبعدين شطفت جسمي من الصابون وجلست تحت الموية الحارة عشر دقايق وبعدها أخذت الليفة المغربية ودلكت جسمي حتى نزل الجلد الميت وخرج كل الشعر اللي تحت الجلد وحسيت اني نظفت تماما وبعدها أغسل جسمي بموية باردة واتنشف وأحط أي كريم على جسمي وألبس ملابسي وحمام الهنا.......
اليوم الثاني:
أخذت آلة البراون ونتفت شعر رجولي وايديني فقط وبس....
اليوم الثالث:
قشرت جسمي والمناطق الحساسه بسكر وزيت زيتون بتدليك خفيف لمدة عشر دقايق وبعدين أخذت الشور جل وحطيت على كل جسمي ودلكت حتى صار جسمي كله رغوة وأخذت موس الحلاقة ومررتها على رجولي وايديني لزيادة التنعيم فقط لأنه أحيانا بيبقى شعيرات صغيرة مابتنتفها الآلة وحلقت المنطقه الحساسة وبعدها تنشفت وخرجت......
استخدمي هذي الطريقة كل شهر بعد كل دورة وشوفي كيف راح يكون جسمك نعومة وبياض وطرواة وصدقيني ماراح تستغنين عنها طول حياتك......
ملاحظة:
النقاط الثلاث اللي ذكرتها لازم تكون كل نقطه في يوم لحالها لأنه ماينفع الحمام المغربي والنتف والتقشير كلها في يوم واحد كذا غلط لأنك راح تجهدين بشرتك كثير وتتسببين بجفافها واحمرارها وممكن تتحسس بشرتك ويصير لك مشاكل فالأفضل تكون كل نقطه في يوم لحالها وبين كل نقطة والثانية أربع وعشرين ساعة علشان ترتاح بشرتك بشكل كافي......
أتمنى تجربون الطريقة كل شهر وان شاء الله تعجبكم وترتاحون معاها....
ولاتنسون الدعاء لي بالذرية الصالحة......
الله يجزاك خير