ثلاث سنوات

اول شي ادعي الله وتوكلي عليه واعرفي ان هذا الشي نصيب
ثاني شي انتبهي تغلطين اي غلط او توصلين له مباشرة حبك انتبهي انتبهي انتبهي ترى بعدها راح تندمين
الشي المهم اللي تقدرين تسوينه بعد ماتتوكلين على الله هو انك تتقربين من امه واخواته
وتحاولين تظهرين الاشياء الحلوه اللي فيك قدامهم
من ناحية دينك واخلاقك ومظهرك الخارجي وطريقة كلامك
يعني تقربي منهم قدر المستطاع واستمري بالدعاء والاستغفار

اسأل الله العظيم في هذا اليوم الفضيل ان يجعله من نصيبك ان كان في زواجكم خير يارب

شوفي حبيبتي أسمعي نصيحتي
أدعي دايما أن الله يرزقك بالزوج الصالح
إذا كان فيه خير لك (ولد عمك ) راح يكون من نصيبك إن شاء الله
وإذا كان شر ربي راح يصرفه عنك ويطلع حبه من قلبك
صدقيني ماتدرين وين الخير لك

ياقلبي عليك .. يعني يوم كان عمرك 14 بديتي تحبينه ؟؟ يعني بالمتوسط ..

هو اكبر منك بكثير ياقلبي والا كبرك ؟؟؟

ياقلبي الحياة قدامك عيشيها ولاتعورين قلبك بحب ماتدرين وش نهايته .. انا اقول اهتمي بدراستك .. وشدي حيلك ياعمري بطاعتك لربك

وعيشي الحياة مع اهلك والضحك والوناسه ومع صديقاتك .. اما هو فالله يجمعك فيه ان كان فيه خير وصالح

ولاتعطين الموضوع اكبر من حجمه .. وياعمري بقول لك شي انتي في عمر تصير البنت حساسه وعاطفيه بزياده .. بس هذا مايمنع انك تفكرين بعقل ..

انتبهي تغلطين اي غلطه تندمين عليها بكره / حاولي تكشخين وتسنعين / وتحسنين علاقتك باهله .. وادعي ربي ليل نهار ان كان فيه خيره الله يكتبه من نصيبك قولي آمين .

عسى الله يوفقك ويملا قلبك بالحلال ويكفيك شر الحرام

مشكوره يا حياتي لوالامل الله يسعدك والله انك حسستيني بالامل وانا بحاول اتقرب من امه وخواته اكثر وانا واخته عمرنا سوا وزي الخوات من كنا صغار وعسى الله يستجيب دعائي يارب وبدعيلك معي ان الله يوفقك.
الخيزران مشكوره والله يوفقك ويغفر لك ***** الله .
مشاعر قلب
مشكوره ياقلبي وهو اكبر مني ب5 سنوات كلامك زي العسل
امين لي ولكم يارب
الله يعطيكم العافيه فرحتوني ^_^

مرحلة وراح تعدي ولما تكبرين شوي راح تتغير نظرتك

عيشي حياتك وترى الانسان مسير ماهو مخير

ولاتعلقي امالك عليه يمكن يجي ويمكن لا ودائما رددي دعاء الاستخاره

واسالي الله الخير دائما الله يرزقك بالزوج اليي يعزك