ثلاث سنوات بدون أطفال وحملي الغير مخطط له قصتي بين الفرح والخوف

بنات معليش اول مره احمل وبكريه وكلام الدكتورة لي منرفزني إلى الأن ياربي قالت لي مافيه حمل وطلعت حامل وهذي قصة حملي بتفاصيل ولله الحمد والشكر عشان تتفائلون وتنبسطون وتعرفون ان الله معنا دائما وابدا راح ابداها بالجزء الأول



انا اخر دورة لي كانت. 26/4/2013
والان كل ماحط هاذا التاريخ يطلع لي اني في الاسبوع الخامس يعني انا في الشهر الثاني تخيليوا والله ماعرف شلون كذا ؟ عموما

حسبت التواريخ يوم يوم مارصت تجي 5 اسابيع
يمكن قلة خبرتي في الحمل ويمكن صعوبة استيعابي للحمل ويمكن خوفي بسبب الادويه والاشعه ووو
انا اصلا راجعت الدكتورة في 12/05/2013
وقالت لي فيه بويضه وحده حجمها 16 وشكل ماراح يصير حمل انتي توك تجيني انتي لك 17 يوم في الدورة وينك من زمان وصراحة تاخرت يومين بسبب اليوم اللي قالت لي اجي ازورها كان جمعه ومقفله العيادة واللي بعده زوجي الله يهديه انشغل ولاوداني فقالت لي يعني اكيد البويضه نزلت لو كان حجمها كويس خلاص كم لك الان توك تجين! وقالت خلاص الشهر الجاي تعالي من اليوم 11 ويوم شافتني تاثرت قالت لي خلاص خلاص ثاني يوم الدورة روحي سوي تحليل هرمونات عاد انا ضاق صدري ورجعت بيتي وبنفس الوقت شيء قالي طنشيها وقلت اكيد بتكبر باذن الل واستمر بردقوش ومرامية بقووووه واشرب بطريقه همجيه مادري كاني لازم احمل في هذا الشهر وكاس جاي وكاس رايح واكمل جماع 3 ايام 13/14/15 رغم ان زوجي لايفهم بتبويض ولايفهم بالحمل ويقولي اصلا الحرمه تحمل بريحة السائل المنوي تخيلوا الفظاعه قال ايه حنا كذا نقول ماله داعي اوضاع غريبه ورفع رجول وسجود ووو الحركات ذي مالها داعي احسن لك حريمنا يحملون بدون مايدرون وتعبت نفسيتي واوقف جماع مادري احس نفسيا زوجي يمكن عنده ضعف وخايف اكتشفه واقول في نفسي السائل اول ماوقف ينزل والسائل لزج واكيد زوجي فيه مشكلة والله بس افكر وشايله هم واحاتي بسبب معاملته لي يخليني اشك يعني حملت ماحملت ماهمه ولايحن وساعه اقول يمكن يراعيني ويحبني ولايبي يجرحني وقلت علي الله نشوف وش بيصير
وطول ذيك الايام امرض وكل شي يعورني وقرفانه في عيشتي لاوظيفه ولا شيء مقابله وجهه وسبحان الله صرت شينه يعني ملامحي شانت واسمررريت ولكن توني الاحظ وامي كانت تقولي حللي يابنتي انتي يمكن حامل
ويجي تاريخ 26 وانتظر وانتظر وانتظر ولاشيء يالله واشرب زنجبيل واشرب يانسون واشرب قرفه واشرب كل شي تتخيلينه واركض وامشي ابيها تنزل
قلت خلاص يوم 3 شريت تحليل منزلي وطلع مو حامل واقعد بالحملم وانتم بكرامه ساعه اقول وش اللي فيني يارب ليش انا كذا البنات حملوا واللي كبري معهم 5 وانا ياربي محرومه الله لاتحاسبني علي كلامي وجلست اندب حظي وبقي معي بالعلبه شريط وكنت في بيت اهلي قالت امي بشري قلت لا وقامت دموعي تخنقني تبي تطلع واسكت واقول ابد اصلا الشهر هذا مستشفيات والم ظهر وحوسه وكنت مسويه الشهر اللي قبله الترا ساوند لثدي خايفه يكون عندي شيء واقول لامي يمه اصلا جسمي كله اشعات ****لله ال شهر اللي بعده ينظف جسمي . واطلع مع خواتي نتغداء وقلبي تجيه نغززززات نغززززززات وكل ماقولهم يضحكون علي انتي توسوسين انتي تستهبلين عيشي حياتك واروح للمول واحس بثقل برجولي واجع بيتي وانام واصحي الصبح وانسي واكل واشرب وكنت ناويه اعيد التحليل وماعدته الا الظهر ويطلع لي نفس الشيء مافيهةحمل وخط واحد خفيف بعد ربع ساعه وبصراحه اناىشاريته نوعيه خايسه ابو 20 ريال الله لايربحهم سيء لابعد درجه بس لاني حسيته غالي مره واحد لقيته ب50 ريال قلت ليش عاد يمكني مو حامل ليش اكلف علي نفسي :eek: واصوره وانزله لحبايبي قسم المتاخرات وتطلع لي العضوه بلوزه الله يرزقها يارب وتقولي اعراضك اعراض حمل واستهتر فيها اقولها ياختي ابي انزل الدوره تقولين لي حامل ؟ واتركها وانا مرتفع ضغطي منها ياحبي لها والله ادعوه لها بالحمل تراها محتاجه بالدعاء ولكل متاخره يارب ترزقها

واروح للمستشفي وينزلني زوجي ويروح من ثقل دمه والله ولاهتم فيني وشاغل باله باشياء مالها داعي وانا يوم شفته كذا تراجعت واسحب رجولي عند المدخل واستعين بالله وادخل واسئل عن دكتورتي قالوا مو موجوده قلت ابي تحليل حمل قالوا لازم طبيبه تشوفك قلت طيب قالت رقمك بعيد قلت خلاص دوريذلي اي وحده فاضيه قالت السييتم حق الارقام عطلان قلت معليش بنتظر واستغفر الله قلت شكلي بضيع وقتي وبتعب ولافيه حمل بس خلني اقعد انتظر زوجي يمكن يجي بعد اربع ساعات وادخل عليها وتختقتي العبرة واقولها انا متاخرة بالحمل وابي تحليل وبدون اي نقاش كتبت لي ورقه وانزل والقي المختبر فاضي رغم انه مشهووووور بزحاام ومافيه الانا وواحد واتعطل يمكن نص ساعه بسبب هالشخص اللي ماهو راضي يستوعب ان التامين حقه مايشتغل وهواش وسب علي عشره ريال يمكن ورايحين الممرضات وجاين خمس دقايق ويدخلون 50 شخص وينادوني بقدرة قادر وادخل واسوي التحليل واسئل الممرضه قالت 4 ساعات قلت ليش عشان تحليل حمل ولا ايش ؟ قالت عشان زحمه قلت طيب واروح واشتري لي قهوة واتمشي ويجيني ذاك الرجال اللي كان يراقبني في غرفة انتظارالمختبر وزوجته جنبه حااااامل وشوي وتولد واستغفر الله يناظرني بطريقه غريبة وتخوف وفيا خبث ويوم اجي اطلع يلحقني وياشر وادخل الحمام وانخش ياررربيه ناس ماتستحي قلة حياء لا إله الإ الله هذا وزوجتك حامل والله واطلع من الحمام لاعاد احصله واكمل استلم قهوتي واروح لقسم العقم واحجز موعد لتحليل عينهة السائل المنوي وقالت لي ماعندنا له ملف قلت خلاص بروح اجيب لكم ملفه واطلع لطواري واطلع رقمه وارجع لهم وقالت لي خلاص الموعد الاربعاء مؤكده واطلع قلت ابي اروح ادعي واتعظ واطلب الرحمه من ربي في قسم العناية المركزه واشوف ضعفهم واحمد ربي على النعمه وعشان اقتنع ان الحمل مو كل شي وابي ادعي لهم عشان الملائكه تدعي لي بالمثل والله يوم وصلت البوابة يرفضون مره قلتةالخيرة فيما اختاره الله امشي يابنت واقعدي وربي بيرزقك والله واروح والقى عجايز مجتمعين في مكان عند عيادة العظام واقعد اسولف معهم عن الامراض والكسور والهشاشة واقولهم عن دواء بشنطتي كان كاتبه لي دكتور العظام وياخذون اسمه مني ويدعون لي واقعد اقولهم اني في يوم 26/04/2013 جتني الدوره وسويت اشعه في 1/05/2013 واني ابرجع اعيدها على الظهر كله وهم ماشاءالله يسولفون معي قالوا عندك عيال قلت لا ويدعون لي ويدق زوجي علي قال انا برى اطلعي قلت التحليل ماطلع قال طيب ونزل واطلع فوق وترفض الممرضه تدخلني وتحز بخاطري الطرده وارجع اكلم الريسبشن عشان يفتحون لي ملف قالت لي الممرضه السعوديه ماعليك تطلع المريضه طقي الباب وادخلي وارجع لها وزوجي يقولي خلاص يالله خلاص وش يقعدنا يالله ناخذها بالتلفون وسبحان الله تطلع البنت وادخل واقولها اسمي قلت ابي النتيجه قالت اصبري 5 دقايق وبطريقة حلوه صراحه ماحسيت باي شيء وقلبي يدق يدق يدق وخايفة واطلع ودقيقتين وانا واقفة وتناديني الممرضة وادخل وتونس ماجلست سئلتها لاني ابي امشي بسرعة قالت لي الف مبروك حامل قعدت ثواني مو مستوعبة واصيح وابكي وابكي واشاهق واشاهق واختنقت وانا متغطيه واضم زوجي وابكي والدكتوره وقفت وضمتني وجلست تقولي تعالي تعالي شوفي التحليل بوستف وانا ابكي من الفرحه وتمسكني الممرضه بيدي وتركبني على الميزان وانا ماقدر اوقف من البكاء والدموع صرت ماشوف وزوجي يبتسم وساكت ويقول هاه بنت ولا ولد وخذزوا وزني وقالت لي ارجعيىلي الاسبوع الجاي عشان اشوفك وخذي فوليك وشيء ثاني ماعرفته :eek:

وعطتني تحاليل وانزل عشان اسويها اللا زحممممه موت قلت اللحين بيعصب علي واسكت وقلت له نجي بكره او الليل الحين مغرب قالي لا ننتظر ويقعد بعيد عني ماعرف وش مشكلته نظام الحريم لحال والرجال لحال رغم انهم مو فاصلين السكشن وكنت ابيه يسولف لي ويقولي انه فرحان بس الحمد لله ياربي لك الحمد والشكر رجال قاسين والله ونخلص ولله الحمد
واتصل علي امي قلت لها جاينكم البيت وقالت وشفيكم وقلت بس زوجي بيشوفكم والف عليها تاليفه ونجي وتفتح الباب بخوف وبرهه وتناظرني وقامت تبكي وتبكي وتضمني وتبكي على طول عرفت اني حامل ولله الحمد على كل شيء

الاشياء اللي ضايقتني في موضوع حملي لي 5 اسابيع ماعرف اني حامل وغير كذا مو مقتنعه ان لي 5 اسابيع حمل بسبب الدكتوره اللي كشفت علي يوم 17 من الدورة وقالت لي الحجم صغير واعتقد ويمكن اني حامل ومادري هل السونار يضرني ؟ لو كنت اصلا حامل ولو كنت حامل هل بيظل بويضات في الرحم طبيا ماعندي فكرة !وهل يمكن اني حملت لما البويضه كبرت بعد تاريخ عملي لسونار ؟وغير كذا المضاد الحيوي اللي اخذته في تاريخ 17 هل ياثر علي ؟

ودي اعرف هل حملي بيكون 38 اسبوع او 40 اسبوع

انا استخدمت الموقع هذا رهيب يطلع لي كل شيء بتفاصيل

http://www.pregnology.com/due-date.php?o1=1&cycle=33&month=4&day=26&year=2013&omonth=1&oday=01&oyear=2013

وهذي تفاصيلي تقدرون تطلعون عليها

طبعا انا 3 سنوات ماحملت وكنت اخذ مانع بسبب ظروف متعددة حصلت لي ولزوجي وتاركه المانع والكل قالي اقل شي بتقعدين 3 سنوات بدون حمل والمانع بيسبب لك حمل والمفروض اخذتيه بعد اول طفل ولكن الحمد لله راح اكمل لكم قصتي مع التكيسات و للحمية اللي طلع لي في الرحم من 6 شهور وعمليتي اللي سويتها خارج المملكه واللمرخه اللي مرختي من 6 شهور وكلامها لي تابعوني ياحلوين عشان ماتيئسون ولا تقنطون من رحمة الله :icon18:


ادعوا لي يطلع حملي توام ذكور معافين كاملين لازياده ولانقص بارين فيني ياكريم