دلوعه بس أعجبك :

حلمت انو جالسه ببيت خالتي واكل لحم وذبائح وجنبي خالتي الصغيره تقول لي لاتاكلين ترى بتتحسفين قلت والله ياخالتي من زمان عن الحم وقبل ما اصحى كأنو احد جاني بأذني يقول لي فلانه ماتت قمت منفزعه قلت ان شاء الله طوله بعمرها وصحيت زوجي وراح الجامعه الساعه 9 ورتبت بيتي وجهزت ملابسي لاني بطلع مع وحده من البنات الساعه11 لبست بنتي وجلست اللبس وشوي جاء زوجي انا تروعت ورى راجع بدري يمكن ناسي شي المهم طلعت له قلت وراك راجع بدري العاده ترجع 5 او 6 قال تعبان قلت انا بطلع تبي اسوي لك شي تاكله قبل اروح قال لا مشكوره ورجعت اكمل لبسي وهو يتحرك بالبيت يدخل المطبخ يطلع يروح تكرمون الحمام ويرجع منه .. حسيت شي غريب وقلبي قارصني على الحلم ورجعته بدري بس قلت مابي الشيطان يوسوس لي طلعت له قلت فيك شي مزعلك شي وطاحت دموعه وهو يطالعني اول مرره اشوف زوجي يبكي قلبي انقبض قلت وش فيك قول وانا امسك نفسي لا أصرخ او شي .. قال انتي مؤمنه وفي ناس نحبها وتروح وتخلينا وسكت قلت طيب كمل .. اهو مسكين مايبي تطلع الكلمه منه وانا موب قادره اقولها قال اهلك ماكلموك قلت لا قل في شي وبدى يزيد بكائه وبدى يطلع صوت شهقاته (يعرف ايش تعني لي بنت خالتي ومب قادر يفهمني ) وانا حسيت انها ماتت بس مابي اصدق او اقول قلت لاتهبل فيني فيك شي قال اجلسي اقولك جلست قالي تخيلي لو مثلا بنت خالتك تتعب زياده عن المرض الي فيها قلت ربي بيشفيها (دريت انها ميته بس جلست اكابر من سؤاله فهمت) وكمل بكائه وقال ان الى الله وانا اليه راجعون يافلانه افهمني الموت ارحم لها وهنا طاحت دموعي قلت مالك دخل تموت او لا ربي اشفى غيرها قادر انه يشفيها قال بنت خالتك توفت انا هنا خلاص الدنيا دارت فيني وجلست اتكلم عليه خرابيط لو تسئلوني اقولكم وربي نسيت انا ذا انفعلت اتكلم كلام خرابيط واصرخ في بيتي بس الحمدالله ماطاحت من ثمي على كل شي الحمدالله وبعدها بساعتين عقب نوبة بكاء فضيعه هديت واتصلت بـ اهلي وخالاتي طبعا انا ما اتكلم ولا كلمه بس ابكي هم يكلموني ويعزوني ويوعضوني ويصبروني هم شايفينها تعبانه مرره عشان كذا هم مرتاحين انا لا ما شفتها ماشفتها وسكرت منهم وعلى طول حجزت السعوديه لما عرفت خالتي امها وامي اني بجي حلفو علي قالو خلاص صلينا عليها ودفناها ليش تجين وجلسو يقسمون ويحلفون ما اطب السعوديه خاصه اني برجع بدون زوجي .. بعدها باسبوع كلمت ولد خالتي زوجها أعزيه بعد ماهدت نفسيتي وقالي لما خليتك تكلمينها كان الدكتور قايل لي هذا اخر يومين تعيشهم يابكره او بعده تتوفى عشان كذا بنخليها مع اهلها ونفتح الزياره لها يقول قلت لها مشتهيه شي اجيبه لك ابي اسوي لها كل شي اخر حياتها قالت اي ابي اسكريم يقول طلعت اجيب لها اسكريم ولما رجعت يقول الغرفه حقتها احد طالع واحد داخل واجهزه تطلع منها يقول حسيت انها توفت يوم دخلت عليها كانو الدكاتره مجتمعين عليها وبينهم لمبه شغاله بيضاء يقول لما وخرو صار النور من وجهها يقول سبحان الله لي تركتها تو هي هذي تخوف سوداء وتروع يقول فجاءه انقلبت بيضاء بس انقهر على الاسكريم الي ماكلته قال لازم اذوقه لها واخذ بطرف اصبعه وحطه على شفايفها لازم تذوقه لازم ولما جينا نغسلها تطلع منها ريحه تجنن وأسنانها بيضاء ومصفوفه وبشرتها ناعمه كأنها طفله يقول تحسدينها انا ماتت تتمنين تكونين مكانها ... انتهت قصت بنت خالتي رحمت الله عليها بس يابنات موب راضيه تفارقني اذا اجتمعت في خالتي لازم من بكره احلم فيها كانها تسولف علي .. واذا انشغلت ولهيت تجيني تقول لاتنسيني سالت شيخ قال تصدقي عنها بس لسى احلم فيها تعبت من البكاء احيان تمر علي سالفه واذكر انها معي ما اقدر اتكلم بس ابكي .. اهلي كلهم ماساعدوني أنساها اسمها مايجيبون طاريه عندي ولو مرت سالفه فيها هي تلقين عيونهم علي كانهم بس يحترون ابكي .. زوجي كل مافتحت له سالفتها سكرها صرت وحيده من ثلاث سنين توفت وقلبي للحين يبكيها تعبت وربي تعبت اخاف اعذبها بقبرها من بكائي عليها الله يغفر لها ويرحمها يارب..

حلمت انو جالسه ببيت خالتي واكل لحم وذبائح وجنبي خالتي الصغيره تقول لي لاتاكلين ترى بتتحسفين قلت...