دلوعه بس أعجبك :

طبعا زوجي خلاني اروح لها قبل رحلتي بيوم ااااه لما شفتها قلبي تقطع وين هذاك الجمال والصحه والله تقولون سيلانكيه تخووف تخووف وحالتها تبكي حبيت راسها وجلست جنبها وخالتي موجوده عندها .. وتطالعني وتبستسم وقلت لها اني بسافر وقالبي معك قالت امي علمتني وزعلت عليك ليش انك رفضتي تروحين معه من أول واعطتني مصحف صغير قالت كل ما قرئتي فيه أذكريني واخذته منها وانا خلاص قلبي بينقطع ابي اصيح ابي انفجر بس موب قدامها .. قلت اشوفك على خير انا موب طوله بحاول ارجع بدري وابتسمت لي فقط رجعت اعيد عليها اشوفك على خير واشرت بيدها بمعنى مع السلامه وتبتسم ما ادري ليش جاني شعور اني يمكن ما شوفها ثانيه امسكت يده الي مزرقه من الابر والكيماوي وضميتها بصدري ونزلت دمعي غصب عني هنا خالتي تبي تلطف الجو قالت يالله نشوفك على خير ورحت سلمت على خالتي وبست راس بنت خالتي وطلعت واشوف ولد خالتي عند الباب زوجها سابقا بس يحل لها لانها لسى بالعده وجا يسلم علي يقولي اخبارك وانا الي ما قدرت ارد عليه منزله عيوني تحت واهز براسي ورحت وتركته ونزلت لزوجي وبس ركبت انفجرت بكاء احس قلبي بيطلع من مكانه ... سافرت كل يومين اكلمها واتطمن عليها بعدها بعشر ايام جوالها مقفل ما ادري وش العله واهلي يقولون هي بخير طيبه الحمدالله والكل يكذب علي غيرو غرفتها وهذي الغرفه مافيها ارسال وبعد 20 يوم من اكاذيبهم مليت اتصلت بزوجها وقلت علمني ايش فيها قال ادعيلها بين الحياة والموت دمها تسرطن من الابر الي تاخذها ماتحمل وعدنها القلب متوقف والجهاز التنفسي متعطل حتى الدكاتره قالو لو عاشت بتصير مريضه طول عمرها بتعاني من القلب والكلى وبتصير عندها امراض لاتعد ولا تحصى ادعيلها ان ربي يختار الي لها الزين .. خلاص انا بغربه وزايده علي هي وتعبها بموووت بمووت سكرت من ولد خالتي واهلي كل ماكلموني الاكاذيب حقتهم بخير لسى جاين منها وانا مخليتهم على عماهم .. بعدها 5 ايام اتصلت بزوجها قالي انه لما دخل عليها وقالها فلانه تسلم عليك الي هي انا يقول والله انو دقات قلبها زدات كأنها حاسه فيك .. وجلست اربع ايام بعد هذي المكالمه واتصل علي قال شوفي بنت خالتك شالو منها الأجهزه وصحت من غيبوبتها وخذي كلميها وكلمتها اقول اخبارك قالت توني عايشه قلت لازم اجي اشوفك بحجز اقرب طيران قالت لا اكيد بيوم بنتلاقا كلامها كأنها مودعه بس انا لأاني فرحانه بصوتها ما اهتميت سكرت منها وطرت لزوجي اقوله فلانه كلمتني وهي بخير زوجي سكت ماتكلم طبعا سفطته ولا قلت له شي ونمت ليلتي طايره من الفرحه انتظر بكره عشان اكلمها .. صحيت الساعه تسعه على حلم مزعج .. يتبع ..

طبعا زوجي خلاني اروح لها قبل رحلتي بيوم ااااه لما شفتها قلبي تقطع وين هذاك الجمال والصحه والله...