ثلاث شروط للرشاقه 😍😍>>طبقيها واضمن لك تنحفين بأذن الله

السلام عليكم رشيقات منتدى حواء ان شاءالله اكون فدتكم ولو شوي بس وما ابي منكم الا الدعاء ❤️❤️
كلنا نبي نصير مثل عارضات الازياء وكلنا نبي جسم مخصر ونحيل
بس قبل ذا كله اذا تبين تنحفيـــــــــــــــن لازم ثلاث شروط تتبعينها صدقيني اذا اتبعتي الخطوات ما بيجي العيد الا والكل منبهر من جسمك
الشرط الاول : الارااااااااااااااااااده
قوه الاصرار والعزيمه حطي في بالك ان عندك هدف انتي تبين تحققينه وراح تنجزينه ليش؟ لان انتي اللي تتحكمين بجسمك وانتي تتحكمين بطريقه غذائك وتفرضين هاالشي على جسمك مو الاكل اللي يحكمك ابدااااا نعمه ربي مو طايره اصحي على نفسك وناظري بجسمك الى متى وانتي على هالحال؟ متى ناويه تغيرين حياتك للافضل متى بتشوفين نفسك تشترين مقاس سمول او ميديم متى ناويه توثقين بنفسك وتمشين بين الناس بكل ثقه وانتي متأكده بانهم منبهرين بجسمك صدقيني اذا ما كان عندك اراده واصرار من الحين اقلك مستحيل تنحفييين ولا تتعبين نفسك اساسا
الشرط الثاني : نظمي حياتك
خذيلك ورقه واكتبي فيها جدول مناسب لك اكتبي مثلا الساعه ٨ وقت فطوري الساعه ١٠ السناك الساعه ١٢ غدائي الساعه ٢ سناك خفيف الساعه ٥ وقت رياضتي الساعه ٧ مذاكره اطفالي والساعه ٨ ونص عشاء خفيف مثل زبادي خالي الدسم مع تفاح والساعه ١١ وقت نومي وطبعا لازم بين كل وجبه ووجبه اربع ساعات وعلى هالحال صدقيني نفسيتك بتصير غيييير وترتاحين بتحسين انك منظمه وحياتك مرتبه مو لهط بهالاكل اربع وعشرين ساعه بعدين تقولين ابي اسوي دايت ؟ اوك بتقوليلي والعزايم؟ العزايم حبيبتي خليها باليوم المفتوح ابلعي اللي تبينه بس بحدود بس بشرط انك توقفين اكلك قبل وقت نومك بثلاث ساعات الى اربع عشان ما تجي نتيجه عكسيه وعشان تصحين وانتي تحسين نفسك خفيفه ونشيطه
الشرط الثالث : الرياضه
الرياضه الرياضه الرياضه ولو باليوم نص ساعه مشي تشد لك فخوذك وكمان سوي شد لليدين والبطن ترا ابدا الشد ما يحتاج اثقال تبغين تشدين زنودك؟ روحي قدام الجدار وصيري كأن تدفعينه بس مو دفع دفع لا مثل رياضه الضغط بس عالجدار وسويها ١٥ مره وارتاحي دقيقه وسويها برضو ١٥ مره وارتاحي دقيقه وسويها كمان ١٥ مره وارتاحي دقيقه وشد البطن اظن ما يحتاج اقول طريقته وانا بالنسبه لي افضل الرياضه تكون يوم ايه ويوم لا عشان الجسم ما يصير ضغط عليه
لا تتبعين اي رجيم تقرينه لان مردك تنحفين وترجعينه دبل لا تحرمين نفسك كلي اللي تبغينه بس بكميات قليييلله ترضيك وتكفيك مو تاكلين للتخمه عاد الفطور وجبه كبيره متكامله والغداء كلي بروتين مثل الدجاج والسمك واللحوم مع خمس ملاعق رز مثلا والعشاء خفيييففف بالضبط طبقي قاعده فطور الملك وغداء الامير وعشاء الفقير
ويلا حبيباتي طولت عليكم وفالكم الرشاقه ان شاءالله ❤️