ثلاث شهور وهي تستشير بموضوع بنتها اللي يتحرش فيها ابوها !!!!

السلام عليكم

عضوه هنا
لها ثلاث شهور تستشيرنا بموضوع بنتها
الاب تحرش بالبنت
وهي تستشير ؟!!!!!

دخلت موضوعها امس
وبعد مانحرق قلبي ورديت عليها رد قوي قلت يمكن يهزها كلامي وترحم بنتها
قلت خلني اشوف موضوعها الاول
وادخل ملفها
القى اول موضوع منزلته عن تحرش الاب ببنته من شهر 4
وحنا الحين شهر 7
ومازالت الاخت الهانم تستشير !!!!

خير ان شاء الله
اذا بس تنزلون مواضيع وتحرقون دمنا وتخلونا نتأثر
وبالاخير مانتي ماخذه بولا رد من ردود البنات
اجل ايش تجين تعرضين مشكلتك !!؟؟؟

وهالشي مو بس هالعضوه
كم عضوه تجي وتنزل مشكلتها
ونرد عليها من قلب
وترجع تنزل المشكله
ونرد عليها
ولا تسوي شي !!!!
حرقة دم ع الفاضي !؟؟؟؟؟؟

ثلاث شهور وانتي عارفه ان بنتك عايشه مع متحرش وباقي تستشيرين !!!!
لهدرجه ضعافه ؟
الوحده ماتقدر تدافع عن بنتها قطعه منها خوفا من الطلاق ؟
خوف انها تعيش بدون رجال !!!
ليش تجيبين ضحايا طيب اذا ماتقدرين تحمينهم ومصلحتك اهم من حياتهم ؟


على بالك اذا سامحتيه انك بتعيشين مرتاحه ؟
قسم بالله ماتذوقين الراحه
وانتي عارفه ان بنتك عايشه مع اب متحرش عقله بهيمه
وبنتك كل يوم تكبر وتحلوو
كيف تسكرين غرفتك وتنامين كيف !!!!!!
كيف تروحين تشتغلين وانتي عارفه انها كل ماراحت وجت ابوها الكلب يناظرها نظرات وسخه ؟
وعادي تعيشين معه اهم شي ماتطلق وتضحك علي فلانه وعلانه


لا وعذر الام اقبح من ذنبها !!!!
قال ايش !!
( مابي احرم عيالي الباقين من ابوهم لانه حنون وطيب )
لا ياشيخه !!!
اقنعتيني صراحه

على اساس انك ضامنه مايتحرش بالباقين ؟
حتى لو كانو عيال ؟

حسبي الله على كل ام ماتحمي عيالها من اب متحرش وتفضحه بخلق الله
سواء مدمن ولا مهو مدمن
ماله الا الفضيحه

واللي قاهرني ردود بعض البنات
يقولون اجلسي وراقبي بنتك لاتغيب عن عينك
بالله عليكم ؟
انتي ياللي تقولين كذا كتبتي الرد ورحتي نمتي
وشلون الام تراقب بنتها باقي العمر كله
مصيرها تغفل
لامره ولا مرتين ولا ثلاث
مستحيل تلزق بالبنت طول الوقت
هي وبنتها مهم توأم سيامي لازقين ببعض
خافو الله ببعض ردودكم اللي تخلي الام تتهاون عن مساعدة بنتها

واللي بتجيني وتقولي مخببه
اقولك اضغي رجوع ولاتردين احسن
اذا الاب زي هذا
ايه انا مخببه ومخببه وعلي من الله ماستحقه من عقاب
بس تطلقي ياللي زوجك يتحرش ببنتك وفكي هالبنيه من حياه كلها دمار


الاب المتحرش ماله الا الفضحيه باهله واهل الزوجه والمحكمه بعد
عشان ينحرم من شوفة بنته للابد لانه مايصلح يشوفها
مدامه مايقدر ينظر لها بنظرة الاب الحقيقه

××× << هي العضوه اللي اتكلم عنها
احب اقولها غيري معرفك لانك ماتصلحين تكونين ام
انتي اضعف من انك تكونين ام
وفيه اختراع اسمه حبوب منع حمل
تكفين ابلعي منه لين تموتين وارحمي مخلوقات الله الضعيفه
اللي بتجيبينها انتي والديوث زوجك