ثلاث عرايس بليلة وحدة ... هيلب مي

كل عام وانتم وانا بخير وان شاء الله ينعاد علينا وعليكم وعلى من تحبون بخير
المهم انا مشكلتي انو انا العروسة الثالثة بالفرح يعني احنا ثلااث عرايس وثلاث عرسان طبعا " قولو ما شاء الله "
المهم قبل يومين عرفت انو العروستين اللي معايا ما يبغو يسوو كوشة كل وحدة معتمدة على الثانية " مع العلم انو العروستين كلهم عملو ملكة وانزفز مع عرسانهم قبلي " يعني الكوشة حاجة مو مهمه عندهم وانا بصراحة ابغى اسوي كوشة بس بنفس الوقت ما ابغاهم يستغلوني ويتزفو فيها قبلي لانو انا العروسة الثالثة " أصغر وحدة " وهم كمان مو قريباتي فأبغى حركة تميزني بزفتي عنهم وكمان ابغى الناس تعرف انو الكوشة انا اللي عاملتها لمن سألت محلات الكوش اعطوني كذا فكرة بس كلها كبيرة ابغى كوشة صغنونة انا سمعت عن فكرة الصورة اللي خلف العروسة وتكون من اول الزواج بس لانو سمعت عنها احس انها مستهلكه ابغى حااااجة جديدة يعني محد سواااها قبلي معليش طولت عليكم ... نسيت اقولكم انا من جدة اللي تقدر تعطيني ولو فكرة بسيطة لا تبخل واعتبروني زي اختكم ... احبكم