أخواتي ومشرفتنا مزايا الي كلك بالفعل مزايا <<<اسم على مسمى الله يرفع مقدارك ويسعدك ويرزقك من حيث لا تحتسبين وينولك ما تتمنين ويبارك فيك وفي عيالك واهلك وكل من تحبين ..
السلام عليكم ورحمة الله وبركاته ..
حبيت اشارك بمحروستي ثلاجتي عل وعسى يمكن ولو في الاحلام تفوزني هالمحروسة ...
الادوات الي استخدمها في التنظيف :
فوطة
اسفنجة
فيري
خل
موية
صابون وشوية كلوركس
فحمة
مستكة
********************************
طريقتي في التنطيف :
اول شئ افصل سلك الكهربا بعدين اخرج كل القطع الي في الثلاجة وانفرد معاها بالتنظيف والغسيل بالصابون وشوية كلوركس واشطفها بالموية وامسحها بالفوطة ..
بعدين يجي دور الثلاجة من جوا امسحها بالفوطة بعدين اغسلها بالسفنجة مع فيري في موية مخلوط معاه خل عشان الريحة ...
بعدين بموية سادة بعدين بالفوطة الناشفة انشف الثلاجة ..
في اثناء التنظيف تكون الفحمة على النار وتكون ولعت خلاص وصارت جاهزة احطها في المبخرة واحط شوييييييييية مستكة وفي داخل الثلاجة وتكون في الرف الي تحت عشان لا تسود لو حطيتها فوق واقفل الثلاجة عليها مدة بسيطة من 3 الى 5 دقايق وبس كذا تكون الثلاجة جاهزة ...
**************************
طريقتي في التنظيم :
الارفف الي في الباب احط فوقها قصدير حتى ما تتوسخ وتتبقع الثلاجة ويسهل علي شيلها وتبديلها ...
الارفف الي داخل الثلاجة اشتريت لها مشمع زي الدانتيل يعطيها منظر وفي نفس الوقت يحميها من الوسخ ..
الفريزر اقسم اللحوم على جنب داخل اكياس والخضار المفرزنة كل قسم على جنب عشان يسهل علي اخذها ...
كمان لما اشتري الشبت اغسله وانشفة واقطعة واحطة في علبة المربى الفاضية وافرزنة حتى ما يخرب ..
وكذلك الجزر اشتري كمية كبيرة وابشر جزء وجزء مقطع مكعبات وجزء شرائح وافرزنة حتى يسهل علي استخدامه
والفاصوليا نفس الشئ ...
في القسم الي تحت يحتوي على عصيرات وعلى الخضار والفواكة وفي الباب استغل علب المربى والزيتون لما تفضى وطبعا بعد ما اغسلها وانشفها احط فيها بهاراتي من زنجبيل مطحون وكاري وبهارات مشكلة وسماق وتكون هاذي الكمية الزايدة اما الي استخدمها دايما تكون في الدولاب ولما تخلص اعبي من الي في الثلاجة ..
**************************
اسيبكم مع الصور
هذي المحروسة من برا وزي ما تلاحظوا ما احب احط فوقها شئ الأ كرتون الاندومي اذا توفر عشان ماله مكان خبركم المطبخ كبييييييييييييييييير <<<<يعني العكس الحمد لله على كل حال
وهنا زي ما تلاحظوا احط اكياس تحت عشان ما تتوسخ ارضية الفريزر من الميات الي تنزل من اللحوم ...
وفي الرف الي فوق قصدير
سامحوني على الصور واستروا ما واجهتوا
واضطريت اصور وانا برا المطبخ لأن زي ما قلت لكم سابقا مطبخي ولله الحمد كبير خالص خخخخخخخخخخ