اشكر مزايا انسانه على هالمسابقه الحلوه وانا تحمست لهالمسابقه لان شغالتي بتسافر وحابه انظف البيت قبل لاتروح ههههههههههه قلت انا كذا كذا بنظف خليني اصور بالمره واشارك معاكم وان شاء الله تحصل الفائده
من هالمسابقه على الجميع
يالله نبدا
انا احب انظف ثلاجتي من بواقي الاكل والخضار كل اسبوع لكن التنظيف القوي والترتيب هو مره بالشهر
وتنظيفي لها بهذا التسلسل اولا افصل الثلاجه من الكهرباء بعدين اجهز صحن مخصصته للمنظفات يكون من النايلون طبعا واحط فيه شوية فيري مع مويه وبيكربونات لاني سمعت انها تخفي الريحه واغسلها بمنشفه
صغير بعد مابلها بالخلطه حقتي هههههههههه لاني ماحب استخدم الاسفنجه للثلاجه تجمع مويه كثيره وممكن تتبلل الثلاجه بدون ماتنظف زين
بعد كذا اجيب قطعة قماش قطن غالبا انا اجمعها من الفانيلات الداخليه تمسح زين بدون ماتترك اثر
واخذ هالقطعه واحط فيها شوية كلوركس مخفف وامسح فيه الفريزر بشكل عام طبعا ماتكون مبلوله لا منديه بس لانه الغرض نجفف الفريزر ونعقمه بس
الحين صرت اضيف خطوه جديده وهي اني والفريزر فاضي وبعد الخطوات السابقه اجيب بخاخ الجو حق ديتول ريحته رووووووعه ويعقم كمان واترك الفريزر مفتوح بعد التنظيف
ثانيا اتوجه للثلاجه من تحت واسوي نفس الخطوات السابقه بالفريزرواتركها كمان تتهوى
ثالثا ارجع للفريزر واصف فيه الاغراض الي كانت فيه
وانا بالفريزر احب احفظ كل شي بحافظه عشان ماتنخلط الرووائح
حافظه للفواكه المجمده تبع العصير
وحافظه للحبوب زي العدس والبرغل و....
وحافظه للخضار المجمد زي البازلاء والذرة
وبعدها اجيب صحن صغير مرتب وحلو واحط فيه بيكربونات لانها تشفط الروائح وما تخسرين تعبك ويبقى الفريزر ريحته حلوه لفترة طويلة
رابعا اتوجه للثلاجه واسوي نفس الشي حتى البيكربونات اسويها بالثلاجه
احيانا لو ماعندي بيكربونات احط قرنفل ا يعطي الثلاجة ريحه روووووعه لو فتحتيها او احط قطعة فحم صغير هذي النصيحه اخذتها من امي الله يحفظها وفعلا مجربتها وهي طريقه حلوه الفحم يشفط الروايح من الثلاجه
بس لازم تغيريه كل مانظفتي الثلاجه يعني كل شهر احط واحده جديده
الحين نجي للصور
اولا الفريزر بعد التنظيف والمسح وقبل لااارتب الاغراض فيه
ثانيا شوفوه بعد ترتيب الحافظات فيه وصحن البيكربونات ان شاء الله واضح لكم
ثالثا باب الفريزر
غالبا يكون فيه البف والاسبرينق رووول والوجبات السريعه زي لحم البرجر ونقت الدجاج
رابعا الثلاجة
بعد تنظيف الثلاجة بس باقي مارتبت الاغراض
وهذي الصور بعد ترتيب الاغراض طبعا مافي اشياء كثير بالذات الخضار لاني للحين ماشريتهم
وهالصورة لباب الثلاجة بعد التنظيف وقبل ترتيب الاغراض فيه
هنا بعد ترتيب الاغراض وزي ماانتم شايفين فيها البيش والطحينه وبيره طبعا البيره العاديه من غير كحول لان زوجي عنده التهاب بالكلى ولازم يشربها
وهذي صورة للثلاجه ككل
وزي ما انتم شايفين انا مزينته بالاشكال المعتاده بس فيه ورقه هذي انا طابعتها محفوظه من زمان عندي بالجهاز اعتقد من موضوع لمزايا انسانه الله يجزاها خير ودايم اطبع نسخه واعلقها عشان كل مانقص شي من المطبخ اكتبه لنهاية الشهر عشان ماانسى واشتريه
احيانا اعلق الريجيم الي اتابعه هههههههههههههههههههههههههههه بس هالفتره موقفه وقاعده عالتخفيف
ماعليه اعذروني الاغراض بالثلاجه قليله لاني مابعد رحت اشتري الاغراض وخفت اتاخر وتنتهي المسابقه قلت اشارك واكتب اهم النقاط الي اسويها للتنظيف عساها تفيد غير زي ماستفدت من الاخوات الي سبقوني بمشاركاتهم
اللحوم والدجاج طبعا لها فريزر خاص مادخلها بهالفريزر