راح اطرح لكم طريقتي في تنظيف الثلاجه
يمكن الاغلبيه يعرفها لكن بقولها لكم
يستفيدوا منها البنات اللي على وجه زواج
في البدايه قبل ما اتعلم على الطريقه هذي
كنت امسك الرفوف كلها واشيلها واغسلها بالمويه
والصابون بعدين انشف وارجع
طريقه ممله وتاخذ وقت غير المجلى اللي راح يطفح بالمويه
وتنكب المويه على الارض
وتصير معاي حوسه كبيره
>>>>>>>>>>>>>>>>>> كأني طولت الهرجه
جايتكم بالموضوع
خلاص اللحين راح نبدا التنظيف
اولا:
وهذي الخطوه الاولى طبعا قربي جنبك سطل الزباله وانتي بكرامه
وشوفي الادويه اللي انتهت مدتها على طول في الزباله لان احيانا
تنتهي مدة الادويه ولكن على شان ما نستخدمها ما نعرف انا هذي
الخطوه اعملها دوريا سواء نظفت ولا لا
شوفي الاجبان اللي هي دايما بسرعه تخرب واتطمني عليها
اي شي لك فتره فاتحه غطاه وتاركته بالثلاجه شيليه
وارميه على طول
ثانيا:
الخطوه هذي
ابغى منك تاخذي علبه بخاخ يعني مثلا عندك علبة بخاخ ملمع القزاز
فاضيه او عندك بخاخ من اي مكان شاريته هاتيه
وعبي ثلاثة ارباعه مويه
اضيفي عليه نقطه من الكلوريكس
نقطة فيري سائل
ملا الغطا الديتول ديتول
(انا هنا استخدمت الديتول المتعدد الاغراض الازرق اكوا))
ريحته خفيفه وتناسب الثلاجه
اللحين اخذ العلبه وارجها
وابدا ارش فيها الرفوف
((هنا الرف قبل ما ارشه اول ما بديت افضيه))
هنا بعد ما رشيته
بعد كذا امسح بفوطه نظيفه وناشفه
ونفس الشي اعمل ببقية الرفوف والادراج والرفوف اللي على باب
الثلاجه
الصور هذي كلها بعد ما مسحت الثلاجه ونظفتها
طبعا نظافه اكيده وريحه تجنن من غير تعب وعنا
بعد كذا نبدا نرجع كل شي مكانه
الادويه نحطها في الرفوف العاليه على شان الاولاد ما يمسكوها
وبكذا خلصنا تنظيف الثلاجه بدقائق بسيطه وطريقه سريعه
سهله جدا
شو رأيكم
انتظر تعليقاتكم:27:
منقوووووووول..ليعيونكم