ثمان سنوات متزوجه وما اعرف شي عن المكياج \ قديم

بنات الله يعافيكم ساعدوني انا ما اعرف شي بالمكياج
اصلا اذا دخلت محلات المكياج ما اعرف ايش اخذ ولا ايش تستخدم
كريم الاساس ما اعرف اخذه مره يخلينا صفرا ومره يسمرني بزياده ومره رمادي راحت نص فلوسي على كريم الاساس وكله بالزباله
ايضا البودره ايش سالفتها هل احطها بعد كريم الاساس او تستخدم بروحها
ابغى كريم اساس وبودره يكون توزيعه سهل ويعطي تغطيه حلوه
ايضا رسم الكحل ما اعرف ارسم والكحل الملون ايش سالفته يستخدم بروحه ولا مع القلم الاسود


انا بشرتي حنطيه جافه وعيوني صغيره وحواجبي شوي عريضهه
ابغى تعلموني ايش اخذ من المكياج من والى
ما اعرف من المكياج الا الارواج بس هذا اللي فالحه فيه وكحل داخل العين

تكفون اكسبوا فيني اجر وعلموني ايش احتاج
المشكله اني حتى المصطلحات ما اعرفها
قديمه انا مدري ويني عن هالعالم والتطور بصراحه انقهر لما اشوف بنات بالمتوسط ومكياجها روعه
للعلم تراي مو مره كبيره عمري 24