جئتكم بالخبر اليقين...عن..منى الكويتية...

السلام عليكم

سبق وكتب موضوع عن منى الكويتية وأن شغلها حلو ..وكثير من بنات المنتدى سألوا عنها وما كان فيه إجابة..

بصراحة ماكذبت خبر ....أخذت رقمها من الأخت العزيزة أخصائية نفسية..وأتصلت عليها مباشرة...واتفقت معها تجيني..هي والفليبينية اللي معها لإن منى مختصة بالمكياج والفليبينية تسريحات..

وجاء اليوم اللي واعدتها فيه...وأرسلت لي رسالة تعتذر فيها بشدة عن عدم حضور الفليبينة لإن عليها حرارة شديدة..بس رحت الصالون اللي جنب بيتي وكنت مختارة التسريحة وضبطت.

ومع كذا جتني علشان مكياج بس...وكنت لوحدي (ترى محد يسويها...ومقدرة لها تصرفها)

المهم جت على الموعد..(_على فكرة أنا سبق وحطيت مكياج عند صوالين وما عجبني ومسحته...وكل مناسباتي أحط أنا مكياجي)

طبعا معها عدتها كلها...وماركات وأساسها مميز جدا...
ما أكذب عليكم أنها أول ماحطت لي حسيت أنه قوي..بس قالت لي أصبري وشوفي في النهاية..

رسمت العين رائعة بكل ما تعنيه الكلمة ...رسم الحواجب ..الأساس...
والله أحس إني تغيرت على نفسي....حتى شغالتي تقول لي مدام مره مكياج إنت حلو..

والله ذكرتني بالصور اللي أشوفها حقت الممثلات اللي تسويهم دشتي..وإذا رحت لقاعة العروس فعلا راح تحسين إنك نجمة و واثقة من نفسك ..طبعا لازم يكون المكياج ثقيل علشان يبرز في قاعة الزواج ..وممكن إنت تطلبين منها في البداية طريقة المكياج اللي تبينه ودرجة ثقله....بس والله من رحت إلين رجعت والمكياج ماتغير ..وهي لها طريقة فيه...


غير كذا أنا أهتم بنفسية الكوافيرة ما أحب المتوترة واللي تزعل إذا قلت لها غيري...
لكن منى والله عسل ...تسمعك وتوضح لك وتنصحك وتقول لك وش المناسب...وفيه شغلات بسيطة ما أقتنعت فيها مرة بس قالت لي طيعيني وخليها..وفعلا يوم رحت الصالة والله إني دعيت لها.
حتى في النهاية سوت معاينة للتسريحة وضبطت بعض الخصل بالسبيراي..


وعلى فكرة ترى صعب ترتاحين لأي كوافيرة من أول تعامل ..لازم كذا مرة علشان تعرف لك وتضبط مكياجك...بس مع منى من أول مره أرتحت...

وخذيها نصيحة قد ما تكونين مقتنعة بالمكياج 100% وإنت في بيتك بس إذا رحت القاعة
بتقتنعين تماما..


..يكفي إنها خليجية..كويتية سعودية...وأنا بصراحة أفرح لماأشوف بناتنا أبدعوا بهالفن وأشجعهم..وأرى أنهم أحق بالفلوس من غيرهم..خاصة أن أسعارها جدا رائعة ومناسبة...
يكفي أنك في بيتك بين أهلك وعيالك وهي تاركة عيالها علشان تصلحني..

ياليت كل بنت عندها موهبة تسوي مثل منى وغيرها..


عموما ..أنا كتبت هالموضوع لله ثم علشان أجيب على تساؤل بعض البنات اللي في المنتدى..