جئت تستشور شعرها في المشغل فرحانه بآخريوم شوفوا وش صارلها للعبرة !!

الملتقى العام

السلآم عليكم ورحمة الله وبركاته ...........

حياكم أخياتي وش أخباركن عقب الأختبارات والحمدلله على التمام والله يفرحنا باالنتائج آمين ..

المهم مالكم باالطويلة أنا مأحب أروح للمشاغل كثير لكن اليوم أختي بتقص شعر بنتها وبتقص شعرها هي وأنا ودي بعد المهم وأروح مع أختي وندخل المشغل والسيارات مليااانه عند لباب والمشغل واااااااااااااااو زحمة مرره تقولين بكرى عيد وناخذ حجز عشان القص يوم جأ دور أختي بدأ المشغل يفضى والناس يرحون وماباقي إلا قليل وقصت أختي وكان فيه وحده مسكينة تخيلو يابنات شعرها عقدة كبيييييييرة والكوفيرا تقول ماأقدر أفك لالازم ينقص من فووق :(شكل شعرها غرريب مرره البنت تقول لالالا ماأبي شعري يخرب لاتقصي من فوق المهم قامت للمرة الثانية تغسل الشعر عشان تطيح العقدة وترجع مافيه أمل آخر شيء أمسكت المقص البنت وقامت هي تقص تخيلو بنات تطاح عقد عقد كبـــــــــــــــــــيبرة وريحتها مقرفه مررة والكوفير تهاوش تقول من متى مامشطتي شعرك وهي تقول والله بس من أمس من أمس تخيلوا البنت راااح شعرها

وأمها وأختها قاموا يصحوون يوم شافو العقد تطلع من شعرها واالله بنات ماتتصورن كيف وأروح لأمها قلت الحمدلله الي جأت على شعرها والشعريطلع قالت قبل يومين جينا للمشغل عشان تستشور شعرها لأخريووم في الأختبارات وفكت شعرها في المدرسة وجأت بنت وتقول لها ياالله شعرك مررره حلو وطويل وهي تلمس على شعرها وبعدها بنتي قامت عقد عقد فضيعة ..
تقول حاولنا نفك ونمشط ماقدرنا وحتى المشغل حالوا بس ماقدوار ..

قلت ليتكم قارين عليها ((من شر النفثات في العقد ))سبع مرات وزمزم قالت ماكنا ندري

ياالله البنت وربي تررحم حاولت تقاوم أنه ماهمها بس ماقدرت قامت تصاارخ وتصيح تقول سبع سنوات ماقصيت شعري عشان يطول واللحين يرروح كلله

ياالله يابنت والله المووقف صعب صعب جدا وأبغاكم تحاااااااااااااااااافظون على الورد والأذكار الدنيا صاارت تخووف والشيطان باالمرصاد ...

اللهم اشفها وعافها وأعد عليها شعرها كما كان وأفضل يــــــــــــــارب
296
29K

يلزم عليك تسجيل الدخول أولًا لكتابة تعليق.

تسجيل دخول

صافيو بالموز
صافيو بالموز
الله يجزاكي خير
ميامن الاحساس
بجد المفروض نحافظ ع الاذكار ومانتركها ابد والله يجزاك خير
زارمنيا
زارمنيا
الله المستعان وربي يرفع عنها
بودرة سكر
بودرة سكر
لاحول ولاقوة الابلله الناس ماتعطي خير
نفس مطمئنه
نفس مطمئنه
ياقلبي عليها رحمتها

والحمدلله اللي جت على كذا ... والله يكفيها الشر يارب
والله يجزاك الجنه على التنبيه
ومافي مثل حفظ النفس بالأذكار


لا اله الا الله