جاء الولد على رجوله

السلام عليكم ورحمته الله وبركاتة
اخباركم يابنات والله يسهل على كل حامل ولادتها ويرزق كل من يتمنى
انا قبل اربعين يوم اواكثر كتبت اني دخلت العاشر وما ولدت انا ابشركم ولدت وكتب لي رب العالمين عمر جديد
لان الولد جاء على رجولة
يوم 28 رحت الحرم وطفت وطلبت رب العالمين ان يسهل ولادتي ويوم 29/5/1431بدا الطلق من الصباح لكن خفيف وكن لانهم قالوا لي بنت قلت طلق البنت بارد خليني اصبر الين يحمى وبعدين اروح المستشفى مع العلم انا ماني بكرة عندي بنتين
يوم جاء الساعة 12 الظهر زاد الطلق واخذ ت زعفرن وحتية اشربة قبل اروح المسشفى وكنت ناوية اني ماقول لامي لانة قلت ماابغى اتعبها معي
صار يوم زاد الطلق ماغير اصيح وقول وينك يايمة واتصل عليها لا نه اكان عندي سيارة ماغير بناتي يطلعون في وانا ابكي وهم يبكون ويقولون ياماما أن شاء الله تطيبين
امي اتصل عليها ماعندها سيارة وخذي ندور على سيارة مالقينا ماافتكرت اختى الا في الاخير قلت يمكن زوجها فية وربك ستر وماراح زوجها العمل ذاك اليوم رحت للمستشفى ويوم دخلت يدها تبغى تشوف كم سانتي قال ولادة 8 سانتي قلت الحمد لله ولادة اول مرة يفتح زي كذا دائما 5 او4 ويقولون لي امشي طبعا الدكتورة لمن سمعت نبض الجنين لقتة ضعيف لكن مافي سرير قالت لي اصبري الكشك مليان وكان في الصالةالانتظار 6 حريم قبلي وين اصبر والطلق ذبحني واكلم اختي ونروح اقرب مستوصف اهلي يوم وصلت قالت لدتورة اشوفك كم ساني ولقت انة 9 قالت جاء الفرج لكن يوم دخلت يدها لقت الجنين فوق يعني الرحم مفتوح والجنين راسة فوق وخذا تعطيني في المغذيات وابرة طلق صناعي لان ماعاد فيني حيل تخيلوا خمس محاليل وخمس ابر طلق ماتتخيلون يابنات اذا اعطتني المحلول والابرة زاد الطلق واذا خلص وقف وانا اصيح بعلاء صوتي بموت من الطلق
والراس ماهو راضي ينزل الجنين تقول فوق وكل شي تحط يدها الان كرت نفسي من الموت الي شفته قمت من السرير وشرد في الممر وهي تجري وراء تقول لي لا خليك وانا بطير من الم مدري وين اروح اذا جاء الم قمت ودفيت وذا راح انسدحت على الارض وامي ميت بكى ماتدري ايش تسوى يارب تخليها لي ولا توريني فيها مكروة وتشفيها يارب العالمين وانا كل ماشفت امي ادف بطني على تحت ابغاة ينزل ابغى ارحم امي
اقول لدكتورة تكفين دامة هو فوق اقطع من تحت وسعي المنطقة ودخلي يدك ونزلي سوي الى يكون المهم ينزل تكفين
وهي ماقصرت تقراء على القران مرة هي ومرة الممرضة وتذكر الرقية الشرعية في جوالي واقول لدكتورة شغلية لي والله يبات وبعد الرقية بربع ساعة نزل الولد صح على رجولة ونزل والحبل السري ملتف حول رقبتة بس ربكم ستر كانت يدي ه على رفبتة والف الحبل حول الرقبة مع اليد وخرج ولدي وهو مختنق وعلى طول شفط للموية من صدر لانة خرج وماصاح كل يوم افتكر واقول الحمد لله الي كتب لي عمر جديد وخلاني لبناتي
تقول الممرضة احمد ربك ان الرحم عندك ماصار فية شي لان الدكتورة كثرت لك من الطلق مستعجلة لانها اساسا قالت لام هذا اخر محلول اذا ماولدت طلعوا بنتكم ودوها اي مستشفى يسوي قيصري لانها ماعاد نقدر نسوي لها شي
تصدقون الدكتورة بعد الولادة قالت كان من بدري شغلت الرقية الشرعية وولدت وخلصتينا لكن كل شي بيد الله سبحانة وتعالى
للمعلومية انا الدورة عندي ماهي منتظمة تعرفون متى اخر دورة جاتني 28\6\1430 ه يعني العام ويوم 28 الحج حللت لاني جاني زي الوحم وقالت لي انت حامل اساسا لمن رحت المستشفى الحكومي قالت لي انت في التاسع كم يوم قلت لها انا خلصت العاشر على كلام السونار وماصدقت الين شافت السونار بنفسها
الحمد لله حمد كثير يليق بجلال وجهة وعظيم سلطانة
اعذروني على الكتابة لكن شكلة مازالت فجعة الولادة موجودة