السلام عليكم حبيبتي إذا هي من الرياض تروح للمصباح وتاخذ منه الشامبوات والمنظفات بالجمله ورخيصه أمي تاخذ منه3 علب شامبو كبيره وعلب صغار وحنا ماشاء الله عايله كبيره مع ضيوفنا أخر مره قعدت عندنا خمس شهور والبلسم بعد نفس الطريقه وترا الشغالات همالخراب امي حاطه علبه صغيره للفيري بالمطبخ وعندها علبه كبيره رافعتها وكل مافضت العلبه عبتها هي وماتملاها تخليها نص وإذا خلصتها الشغاله قبل اسبوع حاسبتها أمي وصابون الملابس تشتريه كيس وعندها ولاجت تغسل عطتها لكل غسله والحين صارت علبة الجبن تبيها لها وحاطتها عند الغساله ومفهمتها ماتكثر الصابون لأنه يبهت الملابس وماتكثر إلا على المناشف الوسخه والكلوركس معبيته لها في علبة مويه صغيره لأنا نشتريه كبير ولاتخاقون عندنا درج المنظفات عالي وكاتبين على العلبه كلوركس وبعدين الرز انا عني انا وزوجي وأخته أحط لنا كاسين وتكفينا وإذا زوجي جوعان مره أزيد نص والباقي ماأرميه أحطه بكيس في الفريزر واليوم الثاني أنقص الوزنيه شوي ولاقرب يستوي زدته عليه وقلبته ولايبين كأنهم من قدر واحدوالشاي احنا ناخذ الربيع الكبوس مايمدحونه يقولون فيه نسبة قات وخلاااااااااااااااااااااااااص اتمنى أكون أفدتك

غرور يداعبه عزه الله يجزااااااك بكل خييييير ماشاء الله عليك وامك بعد الله يحفظكم سنعااااات ماقصرتي الله يعطيكم الصحه و العاااااافيه

اللهم مااصبح بي من نعمة او بأحد من خلقك فمنك وحدك لاشريك لك لك الحمد ولك الشكر

الحمد لله ولاحول ولاقوة الا بالله العلي العظيم

زي ماقالو البنات خليها تقضي مواد التنظيف والاساسيات في البيت والمواد الغذائية اللي ماتخرب او اللي تتفرزن بالجمله كل شي بالكرتون راح يجلس معها شهور اول شي اووفر بكثير ثانيا ماتنزنق لو جاها احد فجأه ، تخخصص لهالاشياء 1500 ان شاء الله تكفي واللي مو مره ضروري تخليه للشهر اللي بعده يبقهى معها 1500 تقسم اول شي مصروف طلاب المدارس خلينا نقول تعطي كل واحد ريالين تكفي باليوم مع عصير وساندوش يعني مصروف الواحد شهريا 40 ريال عاد على عدد عيالها تحسب المجموع وتحطه بظرف لحاله اول شهر تقريبا بتنزنق لانها بتاخذ بالكرتون والشهور الثانيه بيتبارك المصروف وبتقدر تدخر 500 شهريا بالراحه بس لازم تلتزم ولو كانو يشترون عشاء من برا ومن المطاعم المكلفه خليها بس مره في الاسبوع ولا تزيد عنها والباقي عشاء بيت او شي خفيف من برا