تحمممملي تحاولين توقفينها في هالعمر لأن عظمها لين ويسبب تقوس في السيقان وجاراتك سلامات اش هالفكرة الغبية!
^فرررح^
•
امهات بسالكم بعد اذن صاحبة الموضوع ولدي عمره اربع شهور والرجل من فوق فيها انتفاخ الجهة مابين الاصابع ومفصل القدم الانتفاخ بكل الثنين مو كيس ولا شي قاسي لا كانه شحم عادي مدري طبيعي رجله مشحمة او علامه لشي
قصدها لازم تخليها توفق على رجولها وهي بيدها عشان تحس برجولها لازم الطفل كل يوم يوقف عليها مو قصد تسيبيه واقف
الصفحة الأخيرة
بنتي هذي هي بكريتي ,, كنت اول ماجبتها صغيرة مره مره وزنها 2 كيلو, عظامها دقيقه بالأخص رجليها .
كبرت مع الأيام ومع الرضاعة وصار وزنها معقول الحمد لله ويتحسن, لكن لاحظناها اننا اذا وقفناها على رجلها بحضننا او على الأرض او الفراش ماتوقف ابدا على رجليها وماتصلب نفسها حتى لو لثواني .. فهمتي قصدي ؟ تكون مرتخيه تماما وماتحط اي ضغط على رجليها .
لاحظي معي البنت جسمها من فوق طبيعي ورقبتها مصلوبه وتحرك يديها وتتحرك بشكل طبيعي ,, فقط رجليها مرتخيه عند الوقوف لكن تحركها وتلعب بها اذا سدحتها على الأرض يعني ماعندها مشاكل ولله الحمد .
مو توقف وتمشي ومدري ايش اتهمو البنات هالجارة المسكينه لأ ,, انا فاهمه قصدها لأن عندي نفس حالتك .
نبهوني اهلي وقرايبنا عليها وقلت طيب ايش اسوي ؟ توها صغيرة ان شاء الله تكبر وتتحسن .. وفعلا الحمدلله كبرت وتحسنت .
الجلوس وجلست والحبي وحبت والتسنين وسننت وماباقي الا اخر مرحلة اللي هي المشي .. مامشت .
رجليها ضعيفه وماتقدر تحط وزنها عليها ,, اذا وقفت على الكنب وحاولت تتركه رجليها ترتجف وتطيح .. مو خوف لأ من الضعف .
انا صبرت عليها لين صار عمرها 9 شهور وبديت اعطيها فيتامين د 3 نقاط باليوم لمدة 3 شهور .. الحمدلله فرق معها جدا جدا مع التمرين والمساعده وامسد رجليها بشكل خفيف بزيت زيتون .
حتى احطها بالمشايه مع اني مو من مؤيديها لكن تجلس مكانها ماتتحرك ,, او اذا تحركت تدفع نفسها للخلف فقط ماتقدر تمشي على قدام .
باقي لسى مامشت وعمرها الان سنه وخمس شهور الله يحفظها لنا ,, والحمدلله التحسن بطيء لكن مع التشجيع والتدريب ان شاء الله نشوف نتايج .. اهم شي انها بصحه وعافية .
على فكرة انا سويت وعطيت لها كل شي موجود بالنت او اسمع عنه ,, حلبه ومريسه ودهن بزيت زيتون مع العويدي المطحون وزبادي بالسمسم المطحون وفيتامينات مشكلة وفيتامين د لحاله وعرضتها للشمس وامشي انا واياها امسكها من يدها واخليها تحوس الدنيا في المطبخ لأنها تتمسك بالدواليب وتمشي شوي شوي . لكن لسى مو مستعده للمشي .
جسمها متى ماحس انه جاهز للمشي او الحبو او اي عملية ثانيه فصدقيني راح تتحرك من نفسها ولاتخافي من تأخرها .
فنصيحتي لك ان شاء الله بنتك مادام انها بصحتها وعافيتها تطمني ,, عطيها بس فيتامين د وخليها براحتها لاتجبريها توقف ,, واذا تقدري تعرضيها للشمس بأيام مو باردة او في وقت الضحى الكبير الساعه 9 ونص او 10 لأن الحرارة تكون اعلى وان شاء الله مايضرها البرد بشرط مافي تيار هواء بارد .
الله يخليها لكم وتشوفيها تلعب مع اخوانها بإذن الله بصحه وعافية .