جاا متنفسن وحط حرته فيني وضربني حسبي الله ونعم الوكيل

مغبووونه كثيررر زوج مايعرف شي اسمه احتررام 
حسبي الله ونعم الوكيل 
قسم كانت الفتره اللي راحت متحسنه علاقتنا ولا فيه هوشات 
الا اليوم حسيت انه متنفسن وطنشت 
جاا من الدوام وقلت له افتح لي الشبكه قال لا غصب هو 
انا انصدمت وسكت وطنشته 
شااف ولدي ابو 3سنين جالس على جلاسه اخوه الصغيرر وقاله انزل 
عصب عليه وولدي خاف ونزل 
وجلس يهاوش انتي ماتفهمين قايلك لايجلس بالجلاسه 
قلت ع ماظن قلت له انزل قال انا اعلمك كيف تقولين انزل مرا ثانيه 
وجلس يهااوش
اناا قلت حرتك لاتحطها فيني مالي شغل 
طارت عيونه قال وش حرره ومدري ايش عنده اني قللت ادبي 
وسويت مصيبه يوم قلت كذا 
قلت من جيت وانت تدور علي شي
قال والله لو مالبزر بحظنك كاان ضربتك ووريتك 
وتفل علي انا انهبلت قلت استغفر الله واتوب اليه انا وش سويت لك يوم تسوي كذا
قام ضربني ع فخذي مرتين وقفت ورحت لغرفتي  وبعدها لبست عبايتي 
بطلع اطلع لي غرض وولدي بيروخ معي كلها ثواني 
صارخ عليه وقال تعال ورحت انا وجيت الا الولد يبكي جنبه شكله ضاربه 
ويوم شافني طار لمي يصيح 
مدري يعي يطلع معي كم مرا اطلع اودي لي غرض ويطلع معي يتسلى يطفش هو
طلع بعدين دق علي قال دوري الولاعه وولدي كان يبكي يبي يكلم 
وعصب ع ولدي وجا البيت وجلس يصارخ عليه وقالي لاتعطينه الجوال 
ابد ولو عطيتيه اخذته قلت ليه تااخذه ماهو انت اللي شاريه 
....وفعلا اللي شاريه لي اخوي ماهو هو 
مشى لمي وضربني كف ع اذني وصحت عليه 
قلت والله لادق ع ابوي ياخذني قال دقي وخوذي عفشك معك 
وطلع 
ي ناس ولدي يضربه ع اي شي يقول اربيه زين وانا اسكت عشان المشاكل 
وولدي اللحين مايجي لمه واذا نااده يعي ولدي يجي يضربه ويخليه يجي لمه غصب 
واللحين يقول لاتعطينه الجوال 
حلوه ذي !! للعلم ماعنده تي في عشان يتسلى فيه ماصلحه للحين 
وبيعقد الولد والله اني راحمته 
اللي قااهرني انه ضربني هاالحيوان شايفني بهيمه عنده 
يتكلم علي يبي انطم وماتكلم 
مع ان اللي قلته شي عادي ماهو تقليل احترام 
يكرر علي باول موقف يقول وةتقوليييين قلت سلامتك خلاص ماتشوف شر يقوم يرادد يبيني اتنرفز 
واتكلم ويضربني 
مدري ليه فجاه هونت ومادقيت ع ابوي يمكن شفت الوقت متاخرر 
يمكن قلت انا احااسبه ع حركته ذي 
تو جاا طلب مني حااجه وكانه ماسوا شي 
ااااااااه بس رفع ضغطي ودموعي مانشفت منه 
المشكله ماهمه يوم ضربني كف يسال عن ولاعته يقول وينها ويصارخ 
صرخت عليه وقلت مدري 
مع اني ادري بس كنت اصيح ومالي خلقه 
وش اسوي به هدم كل شي بنيته 
ي ما ررخيت ررخيت عشان تستمر حياتنا 
بس انا تععععععت لمتى وانا بررخي 
ماتخمل وانفجر عليه كم مرا بسكت له 
للعلم يوم جاا كل شي جاهز وانا كنت مرتبه وعيالي نظيفين 
لاحد يقول انك مقصره عشان كذا متضايق 
للعلم مخليناا طول ماهو مداوم ست ساعات لانت ولا تي في ولا شي 
وسكت مراعيه ضروفه واشتغل برواقه وعادي 
بس اليوم كان مافيه نت ماكان معه فلوس  يشحن لي
عاد بتجي فلوس هاليومين ذي والله مراح يشم ريال منه 
كنت ناويه اساعده ونكمل البيت بس اللحين لو يحفر 
هو مامعه شي مزنوق هالفتره