جابوني اخواتي ضروري الم ذبحني وموعارفه شنو اسوي

السلام عليكم ورحمة الله وبركاته
مساء الخيرات
انا داخله من معرف اختي مؤقت
المهم بقولكم مشكلتي وياليت اللي عندها
شئ يفيدني او تنصحني لا تبخل علي به

انا لسى عروس متزوجه من شهر و11يوم
دورتي غير منتضمه
نزلت بعد زواجي بشهر تقريبا
واستمرت 5ايام وبعد 7ايام من انتهاء الدوره
حسيت بالم فضيع اسفل البطن مثل الم الدوره بس اشد منها
مع افرازات صفراء واحيانا دمويه بشكل بسيط
راجعت الطوارئ قسم النساء وسويت سونار 3 مرات وشافوني 3دكاتره
وبعدها بيوم راجعت العياده النسائيه
يعني 4دكاتره ونفس الكلام ماعندي اي شئ
وما احتاج اي علاج وكلهم نصحوني استى لحد موعد الدوره لهالشهر لو تأخرت لمدى اسبوع ارجع لهم
طوارئ او العياده من شان عمل فحص حمل اذا مافيه بيعطوني منظم الدوره
سويت تحليل حمل بالبيت اليوم وطلع سلبي والم مستمر وبزياده
سؤالي هنا خواتي الم اللي احس فيه من ايش ؟
ومن صار معها مثلي ؟
وشنو تنصحوني ؟
وربي اتالم بشكل ما تتصورونه
صايره ذابله وحالتي حاله خواتي يقولون كانك مو عروس